¹Na varnit ket, evit na viot ket barnet;

¹ “Don’t judge, so that you won’t be judged.

²rak barnet e viot hervez m'ho po barnet, hag hervez ar muzul a vuzuliot, e vo muzuliet deoc'h.

² For with whatever judgment you judge, you will be judged; and with whatever measure you measure, it will be measured to you.

³Perak e sellez ouzh ar blouzenn a zo e lagad da vreur, ha ne welez ket an treust a zo ez lagad da-unan?

³ Why do you see the speck that is in your brother’s eye, but don’t consider the beam that is in your own eye?

⁴Pe, penaos e c'hellez lavarout da'z preur: Va lez da zilemel ar blouzenn a zo e-barzh da lagad, pa'z ac'h eus un treust ez hini?

⁴ Or how will you tell your brother, ‘Let me remove the speck from your eye;’ and behold, the beam is in your own eye?

⁵Pilpous, lam da gentañ an treust eus da lagad, ha neuze e weli penaos e lami ar blouzenn eus lagad da vreur.

⁵ You hypocrite! First remove the beam out of your own eye, and then you can see clearly to remove the speck out of your brother’s eye.

⁶Na roit ket an traoù santel d'ar chas, ha na daolit ket ho perlez dirak ar moc'h, gant aon n'o mac'hfent, hag, o tistreiñ, na ziskolpfent ac'hanoc'h.

⁶ “Don’t give that which is holy to the dogs, neither throw your pearls before the pigs, lest perhaps they trample them under their feet, and turn and tear you to pieces.

⁷Goulennit, hag e vo roet deoc'h; klaskit, hag e kavot; skoit, hag e vo digoret deoc'h.

⁷ “Ask, and it will be given you. Seek, and you will find. Knock, and it will be opened for you.

⁸Rak an neb a c'houlenn, a resev; an neb a glask, a gav; hag an neb a sko, e vez digoret dezhañ.

⁸ For everyone who asks receives. He who seeks finds. To him who knocks it will be opened.

⁹Piv ac'hanoc'h a roio ur maen d'e vab, pa c'houlenn digantañ bara?

⁹ Or who is there among you, who, if his son asks him for bread, will give him a stone?

¹⁰Pe, mar goulenn ur pesk, a roio dezhañ un naer?

¹⁰ Or if he asks for a fish, who will give him a serpent?

¹¹Mar gouzoc'h eta, ha c'hwi fall, reiñ traoù mat d'ho pugale, pegement muioc'h ho Tad a zo en neñv a roio traoù mat d'ar re o goulenn digantañ!

¹¹ If you then, being evil, know how to give good gifts to your children, how much more will your Father who is in heaven give good things to those who ask him!

¹²Kement tra a fell deoc'h e rafe an dud deoc'h, grit ivez anezhañ dezho; rak-se eo al lezenn hag ar brofeded.

¹² Therefore whatever you desire for men to do to you, you shall also do to them; for this is the law and the prophets.

¹³It e-barzh dre an nor strizh. Rak ledan eo an nor ha frank eo an hent a gas d'ar gollidigezh, ha kalz a dud a dremen dre eno;

¹³ “Enter in by the narrow gate; for wide is the gate and broad is the way that leads to destruction, and many are those who enter in by it.

¹⁴met strizh eo an nor hag enk eo an hent a gas d'ar vuhez, hag ez eus nebeut a dud hag a dremen drezo.

¹⁴ How TR reads “Because” instead of “How” narrow is the gate, and restricted is the way that leads to life! Few are those who find it.

¹⁵Diwallit diouzh ar fals-profeded, a zeu d'ho kavout gwisket e deñved, hag a zo en diabarzh nemet bleizi skraperien.

¹⁵ “Beware of false prophets, who come to you in sheep’s clothing, but inwardly are ravening wolves.

¹⁶O anavezout a reot diouzh o frouezh. Ha dastum a reer rezin diwar spern, pe fiez diwar askol?

¹⁶ By their fruits you will know them. Do you gather grapes from thorns, or figs from thistles?

¹⁷Evel-se, pep gwezenn vat a zoug frouezh mat, ha pep gwezenn fall a zoug frouezh fall.

¹⁷ Even so, every good tree produces good fruit; but the corrupt tree produces evil fruit.

¹⁸Ur wezenn vat ne c'hell ket dougen frouezh fall, hag ur wezenn fall ne c'hell ket dougen frouezh mat.

¹⁸ A good tree can’t produce evil fruit, neither can a corrupt tree produce good fruit.

¹⁹Pep gwezenn na zoug ket frouezh mat, a zo troc'het ha taolet en tan.

¹⁹ Every tree that doesn’t grow good fruit is cut down, and thrown into the fire.

²⁰O anavezout a reot eta diouzh o frouezh.

²⁰ Therefore by their fruits you will know them.

²¹Kement hini a lavar din: Aotrou, Aotrou, n'aio ket e rouantelezh an neñvoù, met ar re a ra bolontez va Zad a zo en neñvoù.

²¹ Not everyone who says to me, ‘Lord, Lord,’ will enter into the Kingdom of Heaven; but he who does the will of my Father who is in heaven.

²²Meur a hini a lavaro din en deiz-se: Aotrou, Aotrou, ha n'hon eus ket profedet ez anv? Ha n'hon eus ket kaset kuit an diaoulien ez anv? Ha n'hon eus ket graet kalz a virakloù ez anv?

²² Many will tell me in that day, ‘Lord, Lord, didn’t we prophesy in your name, in your name cast out demons, and in your name do many mighty works?’

²³Neuze, me a lavaro sklaer dezho: Biskoazh ne'm eus hoc'h anavezet; en em dennit diouzhin, c'hwi en em ro d'ar fallentez.

²³ Then I will tell them, ‘I never knew you. Depart from me, you who work iniquity.’

²⁴An hini eta a glev ar c'homzoù-mañ a lavaran, hag a sent outo, a vo heñvel ouzh un den fur en deus savet e di war ar roc'h.

²⁴ “Everyone therefore who hears these words of mine, and does them, I will liken him to a wise man, who built his house on a rock.

²⁵Kouezhet eo ar glav, deuet eo ar stêrioù, ha c'hwezhet o deus an avelioù hag en em roet o deus a-enep an ti-se; n'eo ket kouezhet, abalamour ma oa diazezet war ar roc'h.

²⁵ The rain came down, the floods came, and the winds blew, and beat on that house; and it didn’t fall, for it was founded on the rock.

²⁶Met an hini a glev ar c'homzoù-mañ a lavaran, ha ne sent ket outo, a zo heñvel ouzh un den diskiant en deus savet e di war an traezh.

²⁶ Everyone who hears these words of mine, and doesn’t do them will be like a foolish man, who built his house on the sand.

²⁷Kouezhet eo ar glav, deuet eo ar stêrioù, ha c'hwezhet o deus an avelioù hag en em roet o deus a-enep an ti-se; kouezhet eo, ha bras eo bet e ziskar.

²⁷ The rain came down, the floods came, and the winds blew, and beat on that house; and it fell—and great was its fall.”

²⁸P'en devoe Jezuz peurlavaret ar c'homzoù-mañ, ar bobl a oa souezhet gant e gelennadurezh,

²⁸It happened, when Jesus had finished saying these things, that the multitudes were astonished at his teaching,

²⁹rak o deskiñ a rae evel unan a oa galloud gantañ, ha neket evel ar skribed.

²⁹for he taught them with authority, and not like the scribes.