¹Karon ginapahibalo ko kaninyo, mga igsoon, ang Maayong Balita nga giwali ko kaninyo, nga gidawat usab ninyo, nga mao usab ang inyong gibarugan;

¹Moreover, brethren, I declare unto you the gospel which I preached unto you, which also ye have received, and wherein ye stand;

²Nga pinaagi usab kaniya mga nangaluwas kamo, kong batonan ninyo nga makanunayon ang pulong nga giwali ko kaninyo, gawas kong kamo mingtoo nga walay pulos.

²By which also ye are saved, if ye keep in memory what I preached unto you, unless ye have believed in vain.

³Kay una sa tanan gitugyan ko kaninyo ang akong nadawat usab, nga si Cristo namatay tungod sa atong mga sala, sumala sa mga Kasulatan;

³For I delivered unto you first of all that which I also received, how that Christ died for our sins according to the scriptures;

⁴Ug nga gilubong siya ug nga nabanhaw sa ikatolo ka adlaw, sumala sa mga Kasulatan;

⁴And that he was buried, and that he rose again the third day according to the scriptures:

⁵Ug nga siya mitungha kang Cefas; unya sa napulo ug duha.

⁵And that he was seen of Cephas, then of the twelve:

⁶Unya mitungha siya sa kapin sa lima ka gatus ka mga igsoon sa tingub; nga ang kadaghanan kanila mga buhi pa hangtud karon, apan ang uban nangatulog na;

⁶After that, he was seen of above five hundred brethren at once; of whom the greater part remain unto this present, but some are fallen asleep.

⁷Unya mitungha siya kang Jacobo; unya sa tanang mga apostoles;

⁷After that, he was seen of James; then of all the apostles.

⁸Ug sa katapusan sa tanan, nagpakita siya kanako, ingon ako sa bata nga natawo sa dili panahon.

⁸And last of all he was seen of me also, as of one born out of due time.

⁹Kay ako mao ang labing diyutay sa mga apostoles, nga dili ako takus nga paganganlan nga usa ka apostol kay gilutos ko ang iglesia sa Dios.

⁹For I am the least of the apostles, that am not meet to be called an apostle, because I persecuted the church of God.

¹⁰Apan tungod sa gracia sa Dios, ako mao ang ako karon; ug ang iyang gracia nga gihatag kanako, wala magawalay kapuslanan; kondili nagabuhat ako ug labaw pa kanilang tanan: ugaling dili ako, kondili ang gracia sa Dios, nga nag-uban kanako.

¹⁰But by the grace of God I am what I am: and his grace which was bestowed upon me was not in vain; but I laboured more abundantly than they all: yet not I, but the grace of God which was with me.

¹¹Busa bisan ako, kun bisan sila, ingon niana ang among pagwali, ug ingon niana ang inyong pagtoo.

¹¹Therefore whether it were I or they, so we preach, and so ye believed.

¹²Karon, kong si Cristo giwali nga siya nabanhaw gikan sa mga minatay, nganong moingon ang uban kaninyo, nga walay pagkabanhaw gikan sa mga minatay?

¹²Now if Christ be preached that he rose from the dead, how say some among you that there is no resurrection of the dead?

¹³Apan kong walay pagkabanhaw sa mga minatay, si Cristo wala usab mabanhaw.

¹³But if there be no resurrection of the dead, then is Christ not risen:

¹⁴Ug kong si Cristo wala banhawa, nan kawang lamang ang among pagwali, ug kawang lamang usab ang inyong pagtoo.

¹⁴And if Christ be not risen, then is our preaching vain, and your faith is also vain.

¹⁵Oo; ug kami hikaplagan nga mga saksi nga bakakon sa Dios; kay nagapamatuod kami mahatungod sa Dios, nga gibanhaw niya si Cristo; nga wala niya mabanhaw, kong sa pagkamatuod, ang mga minatay wala banhawa.

¹⁵Yea, and we are found false witnesses of God; because we have testified of God that he raised up Christ: whom he raised not up, if so be that the dead rise not.

¹⁶Kay kong ang mga minatay wala banhawa, si Cristo wala usab banhawa.

¹⁶For if the dead rise not, then is not Christ raised:

¹⁷Ug kong si Cristo wala banhawa, ang inyong pagtoo kawang lamang; anaa pa kamo sa inyong mga sala.

¹⁷And if Christ be not raised, your faith is vain; ye are yet in your sins.

¹⁸Unya sila usab nga mga nangatulog kang Cristo, nangawala.

¹⁸Then they also which are fallen asleep in Christ are perished.

¹⁹Kong niining kinabuhia kita may paglaum lamang kang Cristo, nan kita mao ang labing makalolooy sa tanang mga tawo.

¹⁹If in this life only we have hope in Christ, we are of all men most miserable.

²⁰Apan karon si Cristo gibanhaw gikan sa mga minatay, ang unang mga bunga kanila nga mga nangatulog.

²⁰But now is Christ risen from the dead, and become the firstfruits of them that slept.

²¹Tungod kay pinaagi sa usa ka tawo miabut ang kamatayon, pinaagi usab sa usa ka tawo miabut ang pagkabanhaw sa mga minatay.

²¹For since by man came death, by man came also the resurrection of the dead.

²²Kay ingon nga kang Adam ang tanan nangamatay, ingon man usab kang Cristo ang tanan mangabuhi.

²²For as in Adam all die, even so in Christ shall all be made alive.

²³Apan ang tagsatagsa sa iyang kaugalingon nga pagkasunodsunod: si Cristo ang unang bunga; unya ang mga iya ni Cristo, sa iyang pag-abut.

²³But every man in his own order: Christ the firstfruits; afterward they that are Christ's at his coming.

²⁴Unya moabut ang katapusan, sa diha igatugyan niya ang gingharian ngadto sa Dios, ug Amahan: sa diha nga mawagtang na niya ang tanang pamunoan, ug ang tanang pagbulot-an, ug kagamhanan.

²⁴Then cometh the end, when he shall have delivered up the kingdom to God, even the Father; when he shall have put down all rule and all authority and power.

²⁵Kay kinahanglan nga siya maghari, hangtud nga ikabutang ang tanan niyang mga kaaway sa ilalum sa iyang mga tiil.

²⁵For he must reign, till he hath put all enemies under his feet.

²⁶Ang katapusan nga kaaway nga pagawagtangon mao ang kamatayon.

²⁶The last enemy that shall be destroyed is death.

²⁷Kay ang tanan gibutang niya sa ilalum sa iyang mga tiil. Apan sa nagaingon siya: Ang tanang mga butang gipasakup kaniya, mahayag nga wala ilakip ang nagsakup sa tanan nga mga butang ngadto kaniya,

²⁷For he hath put all things under his feet. But when he saith all things are put under him, it is manifest that he is excepted, which did put all things under him.

²⁸Ug sa diha nga ang tanang mga butang masakup na niya, unya usab ang Anak sa iyang kaugalingon masakup niya nga nagsakup sa tanan nga mga butang ngadto kaniya, aron ang Dios mamao ang tanan sa tanan.

²⁸And when all things shall be subdued unto him, then shall the Son also himself be subject unto him that put all things under him, that God may be all in all.

²⁹Sa lain nga pagkaagi, unsa ba ang pagabuhaton sa mga nanagpabautismo sunod sa mga minatay? Kong ang mga minatay dili gayud mangabanhaw, ngano man nga nanagpabautismo sila sunod kanila?

²⁹Else what shall they do which are baptized for the dead, if the dead rise not at all? why are they then baptized for the dead?

³⁰Ug ngano man usab nga magalatay kita sa kapildihan sa tanang takna?

³⁰And why stand we in jeopardy every hour?

³¹Mitutol ako nianang paghimaya kaninyo, mga igsoon, nga akong gibatonan kang Cristo Jesus nga atong Ginoo. Namatay ako adlaw-adlaw.

³¹I protest by your rejoicing which I have in Christ Jesus our Lord, I die daily.

³²Kong ingon sa pagkaagi sa tawo nakig-away ako sa Efeso batok sa mga mananap nga mapintas, unsay kapuslanan niini kanako? Kong ang mga minatay dili pagabanhawon, mangaon kita ug manginum, kay ugma, mangamatay kita.

³²If after the manner of men I have fought with beasts at Ephesus, what advantageth it me, if the dead rise not? let us eat and drink; for to morrow we die.

³³Dili kamo magpalimbong: Ang dautan nga mga panag-uban makadaut sa mga maayong batasan.

³³Be not deceived: evil communications corrupt good manners.

³⁴Pagmata kamo sa pagkamatarung gayud, ug dili kamo magpakasala; kay ang uban wala makaila sa Dios. Ginasulti ko kini aron kamo mobati ug kaulaw.

³⁴Awake to righteousness, and sin not; for some have not the knowledge of God: I speak this to your shame.

³⁵Apan magaingon ang uban: Giunsa pagkabanhaw ang mga minatay? Ug sa unsang lawas sila moabut?

³⁵But some man will say, How are the dead raised up? and with what body do they come?

³⁶Buang! ang imong gipugas dili hatagan ug kinabuhi, gawas kong kana mamatay.

³⁶Thou fool, that which thou sowest is not quickened, except it die:

³⁷Ug kana nga imong gipugas, imong gipugas dili ang lawas nga mogula, kondili ang liso gayud, tingali sa trigo, kun sa uban nga mga binhi.

³⁷And that which thou sowest, thou sowest not that body that shall be, but bare grain, it may chance of wheat, or of some other grain:

³⁸Apan ang Dios magahatag niini ug lawas, sumala sa nakapahamuot kaniya, ug sa tagsatagsa ka binhi, ang iyang kaugalingong lawas.

³⁸But God giveth it a body as it hath pleased him, and to every seed his own body.

³⁹Ang tanan nga unod dili managsama ang ilang unod; kondili may usa nga unod sa mga tawo, ug usa nga unod sa mga mananap, ug usa nga unod sa mga isda, ug usa nga sa mga langgam.

³⁹All flesh is not the same flesh: but there is one kind of flesh of men, another flesh of beasts, another of fishes, and another of birds.

⁴⁰Ug may mga lawas nga langitnon, ug mga lawas nga yutan-on; apan, ang himaya sa mga langitnon usa, ug ang himaya sa mga yutan-on lain.

⁴⁰There are also celestial bodies, and bodies terrestrial: but the glory of the celestial is one, and the glory of the terrestrial is another.

⁴¹May usa nga himaya sa adlaw, ug may usa nga himaya sa bulan, ug may usa nga himaya sa mga bitoon; kay ang usa ka bitoon lahi ug himaya sa lain nga bitoon.

⁴¹There is one glory of the sun, and another glory of the moon, and another glory of the stars: for one star differeth from another star in glory.

⁴²Ingon man usab niini ang pagkabanhaw sa mga minatay. Ginapugas sa pagkamadunoton, ginabanhaw sa pagka-dilimadunoton.

⁴²So also is the resurrection of the dead. It is sown in corruption; it is raised in incorruption:

⁴³Ginapugas sa kaulawan, ginabanhaw sa himaya; ginapugas sa kahuyang, ginabanhaw sa gahum.

⁴³It is sown in dishonour; it is raised in glory: it is sown in weakness; it is raised in power:

⁴⁴Ginapugas nga lawas sa kinaiya, ginabanhaw sa lawas nga espirituhanon. Kong may lawas nga sa kinaiya, may lawas usab nga espirituhanon.

⁴⁴It is sown a natural body; it is raised a spiritual body. There is a natural body, and there is a spiritual body.

⁴⁵Ingon man usab niini ang nahasulat: Ang nahauna nga tawo, nga si Adam, nahimo nga kalag nga buhi; ang katapusan nga Adam, usa ka espiritu nga maghahatag sa kinabuhi.

⁴⁵And so it is written, The first man Adam was made a living soul; the last Adam was made a quickening spirit.

⁴⁶Apan ang espirituhanon dili mao ang nahauna, kondili ang lawasnon; sa human niini ang espirituhanon.

⁴⁶Howbeit that was not first which is spiritual, but that which is natural; and afterward that which is spiritual.

⁴⁷Ang nahauna nga tawo iya sa yuta, yutan-on; ang ikaduha nga tawo, ang Ginoo, gikan sa langit.

⁴⁷The first man is of the earth, earthy; the second man is the Lord from heaven.

⁴⁸Kong unsa ang yutan-on, mao usab sila kadtong mga yutan-on: ug kong unsa ang langitnon, mao usab sila kadtong mga langitnon.

⁴⁸As is the earthy, such are they also that are earthy: and as is the heavenly, such are they also that are heavenly.

⁴⁹Ug ingon nga gidala nato ang dagway sa yutan-on, pagadad-on ta usab ang dagway sa langitnon.

⁴⁹And as we have borne the image of the earthy, we shall also bear the image of the heavenly.

⁵⁰Karon ginaingon ko kini, mga igsoon, nga ang unod ug dugo dili makapanunod sa gingharian sa Dios; bisan ang pagkamadunoton dili makapanunod sa pagka-dilimadunoton.

⁵⁰Now this I say, brethren, that flesh and blood cannot inherit the kingdom of God; neither doth corruption inherit incorruption.

⁵¹Ania karon, ginasulti ko kaninyo ang usa ka tinago: Kitang tanan dili mangatulog, apan kitang tanan pagaalid-an,

⁵¹Behold, I shew you a mystery; We shall not all sleep, but we shall all be changed,

⁵²Sa kalit, sa usa ka pagpamilok, sa katapusan nga budyong; kay pagapatunggon ang budyong, ug ang mga minatay pagapabangonon nga mga dili madunoton, ug kita pagaalid-an.

⁵²In a moment, in the twinkling of an eye, at the last trump: for the trumpet shall sound, and the dead shall be raised incorruptible, and we shall be changed.

⁵³Kay kining madunoton kinahanglan pagasul-oban sa pagkadili-madunoton, ug kining may kamatayon kinahanglan pagasul-oban sa walay kamatayon.

⁵³For this corruptible must put on incorruption, and this mortal must put on immortality.

⁵⁴Apan unya kong kining madunoton masul-oban sa dilimadunoton, ug kining may kamatayon, masul-oban sa walay-kamatayon, unya matuman ang pulong nga nahasulat: Ang kamatayon gilamoy sa pagdaug.

⁵⁴So when this corruptible shall have put on incorruption, and this mortal shall have put on immortality, then shall be brought to pass the saying that is written, Death is swallowed up in victory.

⁵⁵O kamatayon, hain na ang imong udyong? O kamatayon hain na ang imong pagdaug?

⁵⁵O death, where is thy sting? O grave, where is thy victory?

⁵⁶Ang udyong sa kamatayon mao ang sala; ug ang gahum sa sala mao ang Kasugoan.

⁵⁶The sting of death is sin; and the strength of sin is the law.

⁵⁷Apan salamat sa Dios nga nagahatag kanato sa pagdaug pinaagi sa atong Ginoong Jesucristo.

⁵⁷But thanks be to God, which giveth us the victory through our Lord Jesus Christ.

⁵⁸Busa, mga igsoon ko nga hinigugma, magmalig-on kamo, dili matarug, magmadagayaon sa kanunay sa buhat sa Ginoo, sanglit hingbaloan ninyo nga ang inyong paghago dili makawang diha sa Ginoo.

⁵⁸Therefore, my beloved brethren, be ye stedfast, unmoveable, always abounding in the work of the Lord, forasmuch as ye know that your labour is not in vain in the Lord.