¹Ayaw pagpakahilum, Oh Dios, sa akong pagdayeg;

¹Hold not thy peace, O God of my praise;

²Kay ang baba sa tawong dautan, ug ang baba sa limbongan ilang ginga-nga batok kanako: Nanagsulti sila batok kanako nga may dila nga bakakon.

²For the mouth of the wicked and the mouth of the deceitful are opened against me: they have spoken against me with a lying tongue.

³Ila akong gilikusan usab sa mga pulong sa pagdumot, Ug nakig-away sila batok kanako sa walay gipasikaran.

³They compassed me about also with words of hatred; and fought against me without a cause.

⁴Tungod sa akong gugma nahimo silang mga kabatok ko. Apan ako nagatugyan sa akong kaugalingon sa pag-ampo.

⁴For my love they are my adversaries: but I give myself unto prayer.

⁵Ug tungod sa maayo ako gibaslan nila ug dautan, Ug ang pagdumot gibalus tungod sa akong gugma.

⁵And they have rewarded me evil for good, and hatred for my love.

⁶Ibutang mo sa ibabaw niya ang usa ka tawo nga dautan; Ug patindoga ang usa ka kabatok sa iyang toong kamot.

⁶Set thou a wicked man over him: and let Satan stand at his right hand.

⁷Sa diha nga siya pagahukman na, ipahulog siya nga sad-an; Ug himoa nga ang iyang pag-ampo mahimong sala.

⁷When he shall be judged, let him be condemned: and let his prayer become sin.

⁸Pagapahamub-a ang iyang mga adlaw; Ug lain ang pakuhaa sa iyang katungdanan.

⁸Let his days be few; and let another take his office.

⁹Himoa nga mangailo ang iyang mga anak, Ug ang iyang asawa nga usa ka balo.

⁹Let his children be fatherless, and his wife a widow.

¹⁰Himoa nga ang iyang mga anak managlibud-suroy ug managpakilimos; Ug ipapangita kanila ang ilang tinapay gikan sa ilang biniyaang mga dapit,

¹⁰Let his children be continually vagabonds, and beg: let them seek their bread also out of their desolate places.

¹¹Pasagdi nga ang magpapautang magasakmit sa tanan nga anaa kaniya; Ug pasagdi nga ang mga dumuloong magadawat sa tanan niyang kinabudlayan.

¹¹Let the extortioner catch all that he hath; and let the strangers spoil his labour.

¹²Ayaw itugot nga may malooy pa kaniya; Ni may bisan kinsa nga malooy pa sa iyang mga anak nga ilo.

¹²Let there be none to extend mercy unto him: neither let there be any to favour his fatherless children.

¹³Ipaputol ang iyang kaliwatan; Sa mosunod nga kaliwatan ipapala ang iyang ngalan.

¹³Let his posterity be cut off; and in the generation following let their name be blotted out.

¹⁴Pahinumdumi kang Jehova ang kasal-anan sa ilang mga amahan; Ug ayaw ipapala ang sala sa iyang inahan.

¹⁴Let the iniquity of his fathers be remembered with the LORD; and let not the sin of his mother be blotted out.

¹⁵Pasagdi sila nga anaa sa atubangan ni Jehova sa kanunay, Aron nga iyang pagapalaon gikan sa yuta ang paghandum kanila;

¹⁵Let them be before the LORD continually, that he may cut off the memory of them from the earth.

¹⁶Tungod kay wala siya mahinumdum sa pagpakita ug kalooy, Kondili gilutos niya ang tawong kabus ug hangul, Ug ang nadugmokan sa kasing-kasing, aron sa pagpatay kanila .

¹⁶Because that he remembered not to shew mercy, but persecuted the poor and needy man, that he might even slay the broken in heart.

¹⁷Oo, nahagugma siya sa panunglo, ug midangat kini kaniya; Ug wala ikalipay niya ang panalangin, ug kini halayo gikan kaniya.

¹⁷As he loved cursing, so let it come unto him: as he delighted not in blessing, so let it be far from him.

¹⁸Gisul-oban niya usab sa panunglo ang iyang kaugalingon ingon sa iyang bisti, Ug mituhop kini sa iyang sulod nga mga bahin sama sa tubig; Ug sama sa lana ngadto sa iyang kabukogan.

¹⁸As he clothed himself with cursing like as with his garment, so let it come into his bowels like water, and like oil into his bones.

¹⁹Ipahimo kini diha kaniya nga ingon sa bisti nga iyang gitabon sa iyang kaugalingon, Ug ingon sa bakus nga ginabakus kaniya sa kanunay

¹⁹Let it be unto him as the garment which covereth him, and for a girdle wherewith he is girded continually.

²⁰Mao kini ang balus sa akong mga kabatok nga gikan kang Jehova, Ug kanila nga nanagsulti ug dautan batok sa akong kalag.

²⁰Let this be the reward of mine adversaries from the LORD, and of them that speak evil against my soul.

²¹Apan himoon mo kanako, Oh Jehova nga Ginoo, sumala sa imong ngalan: Tungod kay ang imong mahigugmaong-kalolot maayo man, luwason mo ako;

²¹But do thou for me, O GOD the Lord, for thy name's sake: because thy mercy is good, deliver thou me.

²²Kay ako kabus ug hangul, Ug ang akong kasingkasing nasamaran sa sulod nako.

²²For I am poor and needy, and my heart is wounded within me.

²³Nagapanaw na ako sama sa anino nga nagalingay: Ginabola-bola ako ingon sa dulon.

²³I am gone like the shadow when it declineth: I am tossed up and down as the locust.

²⁴Ang akong mga tuhod maluya tungod sa pagpuasa; Ug ang akong unod mikupos tungod sa kakulang sa katambok.

²⁴My knees are weak through fasting; and my flesh faileth of fatness.

²⁵Ako nahimo usab nga talamayon alang kanila: Sa nanagtan-aw sila kanako, nanaglingo-lingo sila sa ulo nila.

²⁵I became also a reproach unto them: when they looked upon me they shaked their heads.

²⁶Tabangi ako, Oh Jehova, Dios ko; Oh luwasa ako sumala sa imong mahigugmaong-kalolot:

²⁶Help me, O LORD my God: O save me according to thy mercy:

²⁷Aron sila mahibalo nga kini mao ang imong kamot; Nga ikaw, Jehova, ang nagbuhat niini.

²⁷That they may know that this is thy hand; that thou, LORD, hast done it.

²⁸Patungloha sila, apan ikaw magpanalangin: Sa diha nga managpanindog na sila, pagapakaulawan sila, Apan ang imong ulipon magakalipay.

²⁸Let them curse, but bless thou: when they arise, let them be ashamed; but let thy servant rejoice.

²⁹Pabistihi sa kaulawan ang akong mga kabatok, Ug pataboni sila sa ilang kaugalingong kaulaw ingon sa usa ka kupo.

²⁹Let mine adversaries be clothed with shame, and let them cover themselves with their own confusion, as with a mantle.

³⁰Magahatag ako ug dagkung mga pasalamat ngadto kang Jehova pinaagi sa akong baba; Oo, pagadayegon ko siya sa taliwala sa panon sa katawohan.

³⁰I will greatly praise the LORD with my mouth; yea, I will praise him among the multitude.

³¹Kay siya motindog diha sa toong kamot sa hangul, Aron sa pagluwas kaniya gikan sa mga nagahukom sa iyang kalag.

³¹For he shall stand at the right hand of the poor, to save him from those that condemn his soul.