¹Ngano nga nagalungotlungot ang mga nasud, Ug ang mga katawohan nagapalandong sa butang nga kawang?

¹Why do the heathen rage, and the people imagine a vain thing?

²Ang mga hari sa yuta nanagpahamutang sa ilang kaugalingon, Ug ang mga punoan nanagsabutsabut sa tingub, Batok kang Jehova ug batok sa iyang dinihog, nga nagaingon :

²The kings of the earth set themselves, and the rulers take counsel together, against the LORD, and against his anointed, saying,

³Pagabugtoon nato ang ilang mga talikala, Ug igasalibay ta gikan kanato ang ilang mga igtatakgus.

³Let us break their bands asunder, and cast away their cords from us.

⁴Siya nga nagalingkod sa kalangitan magakatawa: Ang Ginoo magahimo kanila nga yubitonon.

⁴He that sitteth in the heavens shall laugh: the LORD shall have them in derision.

⁵Unya siya magasulti kanila diha sa iyang kaligutgut, Ug diha sa iyang kapungot siya magagubot kanila.

⁵Then shall he speak unto them in his wrath, and vex them in his sore displeasure.

⁶Ngani nga gibutang ko ang akong hari Ibabaw sa Sion, ang akong bungtod nga balaan.

⁶Yet have I set my king upon my holy hill of Zion.

⁷Magamantala ako sa sugo: Si Jehova nag-ingon kanako: Ikaw mao ang akong anak; gianak ko ikaw niining adlawa.

⁷I will declare the decree: the LORD hath said unto me, Thou art my Son; this day have I begotten thee.

⁸Kanako mangayo ka, ug kanimo igahatag ko ang mga nasud nga imong panulondon, Ug mapanag-iya mo ang mga kinatumyang dapit sa yuta.

⁸Ask of me, and I shall give thee the heathen for thine inheritance, and the uttermost parts of the earth for thy possession.

⁹Pagadugmokon mo sila sa sungkod nga puthaw: Pagapulpugon mo sila ingon sa banga sa magkokolon.

⁹Thou shalt break them with a rod of iron; thou shalt dash them in pieces like a potter's vessel.

¹⁰Busa karon, Oh mga hari, magmaalamon kamo, Magpatudlo kamo, mga maghuhukom sa yuta.

¹⁰Be wise now therefore, O ye kings: be instructed, ye judges of the earth.

¹¹Sa kahadlok, umalagad kamo kang Jehova, Ug managlipay kamo uban ang pagkurog.

¹¹Serve the LORD with fear, and rejoice with trembling.

¹²Humalok kamo sa anak, aron siya dili masuko, ug mangawala kamo diha sa dalan, Kay ang kapungot niya mosilaub sa dili madugay. Bulahan kadtong tanan nga modangup diha kaniya.

¹²Kiss the Son, lest he be angry, and ye perish from the way, when his wrath is kindled but a little. Blessed are all they that put their trust in him.