¹Oh Jehova, ikaw nagmapuanguron sa imong yuta; Imong gipapauli ang pagkabinihag ni Jacob.

¹Lord, thou hast been favourable unto thy land: thou hast brought back the captivity of Jacob.

²Gipasaylo mo ang kasal-anan sa imong katawohan; Imong gitabonan ang tanan nga sala nila. Selah.

²Thou hast forgiven the iniquity of thy people, thou hast covered all their sin. Selah.

³Gisalikway mo ang tanan nimong kaligutgut; Milingiw ka gikan sa kabangis sa imong kapungot;

³Thou hast taken away all thy wrath: thou hast turned thyself from the fierceness of thine anger.

⁴Bumalik ka kanamo, Oh Dios sa among kaluwasan, Ug pahunonga na ang imong kaligutgut nganhi kanamo.

⁴Turn us, O God of our salvation, and cause thine anger toward us to cease.

⁵Masuko ba ikaw kanamo sa walay katapusan? Palungtaron mo ba diay ang imong kaligutgut ngadto sa tanang mga kaliwatan?

⁵Wilt thou be angry with us for ever? wilt thou draw out thine anger to all generations?

⁶Dili mo ba kami hatagan ug kinabuhi pag-usab, Aron ang imong katawohan managkalipay diha kanimo?

⁶Wilt thou not revive us again: that thy people may rejoice in thee?

⁷Ipakita kanamo, Oh Jehova, ang imong mahigugmaong-kalolot, Ug ihatag kanamo ang imong kaluwasan.

⁷Shew us thy mercy, O LORD, and grant us thy salvation.

⁸Magapatalinghug ako sa igasulti ni Jehova nga Dios; Kay siya magasulti ug pakigdait sa iyang katawohan, ug sa iyang mga balaan: Apan ayaw sila pabalika pag-usab sa binuang,

⁸I will hear what God the LORD will speak: for he will speak peace unto his people, and to his saints: but let them not turn again to folly.

⁹Sa pagkamatuod gayud haduol ang iyang kaluwasan kanila nga adunay kahadlok kaniya, Aron magapabilin ang himaya dinhi sa atong yuta.

⁹Surely his salvation is nigh them that fear him; that glory may dwell in our land.

¹⁰Ang kalooy ug ang kamatuoran nanagkatagbo; Ang pagkamatarung ug ang pakigdait nanaghinalokay sa usa ug usa.

¹⁰Mercy and truth are met together; righteousness and peace have kissed each other.

¹¹Ang kamatuoran mogitib gikan sa yuta; Ug ang pagkamatarung magasudong gikan sa langit;

¹¹Truth shall spring out of the earth; and righteousness shall look down from heaven.

¹²Oo, si Jehova mohatag niadtong maoy maayo; Ug ang atong yuta mohatag sa iyang bunga.

¹²Yea, the LORD shall give that which is good; and our land shall yield her increase.

¹³Ang pagkamatarung mouna sa paglakaw kaniya, Ug ang iyang mga lakang buhaton niya nga dalan nga pagalaktan .

¹³Righteousness shall go before him; and shall set us in the way of his steps.