¹Ug sa iyang pag-agi hingkit-an niya ang usa ka tawo nga buta gikan sa pagkatawo.

¹And passing by, he saw a man blind from birth,

²Ug ang iyang mga tinon-an nanagpangutana kaniya nga nagaingon: Rabbi, kinsa ang nakasala, kini bang tawohana kun ang iyang mga ginikanan, nga matawo siya nga buta?

²and his disciples asked him, saying, `Rabbi, who did sin, this one or his parents, that he should be born blind?`

³Si Jesus mitubag: Bisan kini siya wala makasala, bisan ang iyang mga ginikanan, kondili aron igapahayag pinaagi kaniya ang mga buhat sa Dios.

³Jesus answered, `Neither did this one sin nor his parents, but that the works of God may be manifested in him;

⁴Kinahanglan ako magbuhat sa mga bulohaton sa nagsugo kanako samtang adlaw pa; moabut ang gabii nga walay tawo nga makahimo sa pagbuhat.

⁴it behoveth me to be working the works of Him who sent me while it is day; night doth come, when no one is able to work: —

⁵Samtang ania pa ako sa kalibutan, ako mao ang kahayag sa kalibutan.

⁵when I am in the world, I am a light of the world.`

⁶Sa nakapamulong siya niini, mingluwa sa yuta naghimo ug lapok sa laway, ug gidihog niya sa lapok ang mga mata sa buta.

⁶These things saying, he spat on the ground, and made clay of the spittle, and rubbed the clay on the eyes of the blind man, and said to him,

⁷Ug miingon kaniya: Umadto ka, ug manghugas sa danawan sa Siloe, (nga kong hubaron: Sinugo). Busa siya ming-adto ug nanghugas siya, ug mibalik nga nakakita na.

⁷`Go away, wash at the pool of Siloam,` which is, interpreted, Sent. He went away, therefore, and did wash, and came seeing;

⁸Unya ang mga silingan, ug ang nakakita kaniya kaniadto, nga makililimos siya, nanag-ingon: Dili ba kini mao ang naglingkod ug nagpakilimos?

⁸the neighbours, therefore, and those seeing him before, that he was blind, said, `Is not this he who is sitting and begging?`

⁹Ang uban nanag-ingon: Mao kini, ug ang uban: Maingon-ingon kaniya. Siya miingon: Mao ako.

⁹others said — `This is he;` and others — `He is like to him;` he himself said, — `I am [he].`

¹⁰Unya sila nanag-ingon kaniya: Naunsa nga nabuka ang imong mga mata?

¹⁰They said, therefore, to him, `How were thine eyes opened?`

¹¹Siya mitubag ug miingon: Ang tawo nga ginganlan si Jesus, naghimo ug lapok, ug gidihog niya ang akong mga mata, ug miingon kanako: Umadto ka sa danawan sa Siloe, ug manghugas ka. Ug miadto ako ug nanghugas ako, ug nakadawat ako sa igtatan-aw.

¹¹he answered and said, `A man called Jesus made clay, and rubbed my eyes, and said to me, Go away to the pool of Siloam, and wash; and having gone away and having washed, I received sight;`

¹²Unya sila nanag-ingon kaniya: Hain man siya? Siya miingon: Ako wala masayud.

¹²they said, therefore, to him, `Where is that one?` he saith, `I have not known.`

¹³Gidala nila ang buta kaniadto, ngadto sa mga Fariseo.

¹³They bring him to the Pharisees who once [was] blind,

¹⁴Ug kadto adlaw nga igpapahulay, sa paghimo ni Jesus sa lapok ug gipabuka ang iyang mga mata.

¹⁴and it was a sabbath when Jesus made the clay, and opened his eyes.

¹⁵Unya nangutana pag-usab kaniya ang mga Fariseo kong giunsa niya pagpakadawat sa igtatan-aw. Ug siya miingon kanila: Gibutangan niya ug lapok ang akong mga mata, ug nanghugas ako, ug nakakita ako.

¹⁵Again, therefore, the Pharisees also were asking him how he received sight, and he said to them, `Clay he did put upon my eyes, and I did wash — and I see.`

¹⁶Unya miingon ang uban sa mga Fariseo: Kining tawohana dili gikan sa Dios, kay siya walay paglihi sa adlaw nga igpapahulay. Apan ang uban miingon: Unsaon pagkahimo sa usa ka tawo nga makasasala sa pagbuhat sa maong mga ilhanan? Ug sila may pagkabahinbahin.

¹⁶Of the Pharisees, therefore, certain said, `This man is not from God, because the sabbath he doth not keep;` others said, `How is a man — a sinful one — able to do such signs?` and there was a division among them.

¹⁷Unya miingon sila pag-usab sa buta: Unsay igapamulong mo mahitungod kaniya, sa pagpabuka niya sa imong mga mata? Ug siya miingon: Manalagna siya.

¹⁷They said to the blind man again, `Thou — what dost thou say of him — that he opened thine eyes?`

¹⁸Busa ang mga Judio wala motoo mahitungod kaniya nga siya kaniadto buta, ug nakadawat sa iyang igtatan-aw, hangtud nga gitawag nila ang mga ginikanan niining nakadawat sa igtatan-aw.

¹⁸and he said — `He is a prophet.` The Jews, therefore, did not believe concerning him that he was blind and did receive sight, till that they called the parents of him who received sight,

¹⁹Ug sila nanagpangutana kanila: Mao ba kini ang inyong anak, nga giingon ninyo, nga natawo nga buta? Busa, naunsa nga makakita man siya karon?

¹⁹and they asked them, saying, `Is your son, of whom ye say that he was born blind? how then now doth he see?`

²⁰Ang iyang mga ginikanan nanagpanubag kanila, ug nanag-ingon: Kami nanghibalo nga kini mao ang among anak, ug natawo nga buta.

²⁰His parents answered them and said, `We have known that this is our son, and that he was born blind;

²¹Apan ngano nga makakita siya karon, wala kami manghibalo; wala usab kami manghibalo kong kinsa ang nagpabuka sa iyang mga mata: siya may edad na, pangutan-a ninyo siya; siya mosulti mahatungod sa iyang kaugalingon.

²¹and how he now seeth, we have not known; or who opened his eyes, we have not known; himself is of age, ask him; he himself shall speak concerning himself.`

²²Kini gipamulong sa iyang mga ginikanan, kay sila nangahadlok sa mga Judio; kay kini sila nanagkasabut na, nga kong may motug-an nga siya mao si Cristo, kinahanglan pagulaon siya sa sinagoga.

²²These things said his parents, because they were afraid of the Jews, for already had the Jews agreed together, that if any one may confess him — Christ, he may be put out of the synagogue;

²³Tungod niini, ang iyang mga ginikanan nanag-ingon: May edad na siya; pangutan-a ninyo siya.

²³because of this his parents said — `He is of age, ask him.`

²⁴Unya gitawag nila sa ikaduha ang tawo nga buta kaniadto, ug sila miingon kaniya: Maghatag ka ug himaya sa Dios; kami nanghibalo nga kining tawohana makasasala.

²⁴They called, therefore, a second time the man who was blind, and they said to him, `Give glory to God, we have known that this man is a sinner;`

²⁵Busa, mitubag siya ug miingon: Kong siya makasasala, ako wala mahibalo; usa ka butang ang akong hingbaloan: nga, ako kaniadto buta, karon makakita na ako.

²⁵he answered, therefore, and said, `If he be a sinner — I have not known, one thing I have known, that, being blind, now I see.`

²⁶Ug sila nanag-ingon pag-usab kaniya: Unsay iyang gibuhat kanimo? Giunsa niya ang pagpabuka sa imong mga mata?

²⁶And they said to him again, `What did he to thee? how did he open thine eyes?`

²⁷Siya mitubag kanila: Karon pa ngani giingon ko kamo, ug kamo wala manimati: ngano buot ba kamo magpatalinghug pag-usab? Buot ba usab kamo nga matinon-an niya?

²⁷He answered them, `I told you already, and ye did not hear; why again do ye wish to hear? do ye also wish to become his disciples?`

²⁸Ug sila nasuko kaniya, ug gipamulongan: Ikaw iyang tinon-an; apan kami mga tinon-an ni Moises.

²⁸They reviled him, therefore, and said, `Thou art his disciple, and we are Moses` disciples;

²⁹Kami nanghibalo nga ang Dios nakigsulti kang Moises; apan mahitungod niining tawohana kami wala manghibalo kong taga-diin siya.

²⁹we have known that God hath spoken to Moses, but this one — we have not known whence he is.`

³⁰Ang tawo mitubag, ug miingon kanila: Busa ang katingalahan mao kini, nga wala ninyo hibaloi kong taga-diin siya: ug siya nagpabuka sa akong mga mata.

³⁰The man answered and said to them, `Why, in this is a wonderful thing, that ye have not known whence he is, and he opened my eyes!

³¹Kita nanghibalo nga ang Dios wala magapatalinghug sa mga makasasala; apan kong kinsa ang nagasimba sa Dios, ug nagabuhat sa iyang kabubut-on, kini ginapatalinghugan niya.

³¹and we have known that God doth not hear sinners, but, if any one may be a worshipper of God, and may do His will, him He doth hear;

³²Sukad sa sinugdan sa kalibutan wala pa gayud dungga nga may nakapabuka sa mga mata sa usa nga natawo nga buta.

³²from the age it was not heard, that any one did open eyes of one who hath been born blind;

³³Kong kini wala pa magagikan sa Dios, siya wala untay arang mahimo.

³³if this one were not from God, he were not able to do anything.`

³⁴Sila mingtubag ug miingon kaniya: Ikaw natawo sa bug-os gayud nga sala, ug magatudlo ka hinoon kanamo? Ug gihinginlan siya.

³⁴They answered and said to him, `In sins thou wast born altogether, and thou dost teach us!` and they cast him forth without.

³⁵Hingdunggan ni Jesus nga siya gihinginlan; ug sa hingkit-an siya, gisul-tihan siya: Motoo ba ikaw sa Anak sa Dios?

³⁵Jesus heard that they cast him forth without, and having found him, he said to him, `Dost thou believe in the Son of God?`

³⁶Siya mitubag ug miingon: Kinsa siya Ginoo, aron ako motoo kaniya?

³⁶he answered and said, `Who is he, sir, that I may believe in him?`

³⁷Si Jesus miingon kaniya: Hingkit-an mo siya; ug mao ang nakigsulti kanimo.

³⁷And Jesus said to him, `Thou hast both seen him, and he who is speaking with thee is he;`

³⁸Ug siya miingon: Mitoo ako, Ginoo. Ug misimba kaniya.

³⁸and he said, `I believe, sir,` and bowed before him.

³⁹Ug si Jesus miingon: Ako mianhi dinhi niining kalibutana sa paghukom, aron ang dili makakita, makakita; ug ang mga makakita, mangabuta.

³⁹And Jesus said, `For judgment I to this world did come, that those not seeing may see, and those seeing may become blind.`

⁴⁰Ug kini hingdunggan sa uban nga mga Fariseo nga didto uban kaniya, ug nanag-ingon kaniya: Kami mga buta ba usab?

⁴⁰And those of the Pharisees who were with him heard these things, and they said to him, `Are we also blind?`

⁴¹Si Jesus miingon kanila: Kong kamo mga buta pa unta, wala kamo managpakasala; apan karon nanag-ingon kamo: Makakita kami; busa ang inyong sala nagapadayon.

⁴¹Jesus said to them, `If ye were blind, ye were not having had sin, but now ye say — We see, therefore doth your sin remain.