¹Kun wala ba kamo mangasayud, mga igsoon (kay nagasulti ako sa mga tawo nga nanghibalo sa Kasugoan), nga ang Kasugoan adunay kagamhanan sa tawo sa gidugayon nga sa buhi pa siya?

¹Are ye ignorant, brethren, (for I speak to those knowing law,) that law rules over a man as long as he lives?

²Kay ang babaye nga adunay bana tungod sa kasugoan nahigot sa iyang bana samtang buhi pa siya; apan kong mamatay ang bana, mahigawas siya gikan sa kasugoan sa bana;

²For the married woman is bound by law to her husband so long as he is alive; but if the husband should die, she is clear from the law of the husband:

³Sa ingon niana, kong maasawa siya sa lain nga lalake samtang buhi pa ang iyang bana, paganganlan siya nga mananapaw; apan kong mamatay ang bana, mahigawas siya sa kasugoan, sa pagkaagi nga dili siya mananapaw, bisan pa maasawa siya sa lain nga lalake.

³so then, the husband being alive, she shall be called an adulteress if she be to another man; but if the husband should die, she is free from the law, so as not to be an adulteress, though she be to another man.

⁴Busa, mga igsoon ko, nangamatay usab kamo ngadto sa Kasugoan pinaagi sa lawas ni Cristo; aron mahiusa kamo sa lain, bisan kaniya ang nabanhaw gikan sa mga minatay, aron makapamunga kita ug mga bunga ngadto sa Dios.

⁴So that, my brethren, *ye* also have been made dead to the law by the body of the Christ, to be to another, who has been raised up from among [the] dead, in order that we might bear fruit to God.

⁵Kay sa diha pa kita sa unod, ang mga kailibgon nga makasasala, nga gipakita pinaagi sa Kasugoan, nagabuhat sa sulod sa atong mga bahin sa lawas, aron makapamunga ug mga bunga ngadto sa kamatayon.

⁵For when we were in the flesh the passions of sins, which [were] by the law, wrought in our members to bring forth fruit to death;

⁶Apan karon nahigawas kita gikan sa Kasugoan, sa nangamatay kita niadto nga naghigot kanato: sa pagkaagi nga nagaalagad kita sa pagkabag-o sa espiritu, ug dili sa pagkadaan sa letra.

⁶but now we are clear from the law, having died in that in which we were held, so that we should serve in newness of spirit, and not in oldness of letter.

⁷Busa, unsa ang atong igaingon? Ang Kasugoan sala ba? Kana dili mahimo! Apan, ako wala unta makaila ug sala, kondili pa pinaagi sa Kasugoan; kay wala ko unta hiilhi ang pagkaibug kong ang Kasugoan wala mag-ingon: Dili ka maibug.

⁷What shall we say then? [is] the law sin? Far be the thought. But I had not known sin, unless by law: for I had not had conscience also of lust unless the law had said, Thou shalt not lust;

⁸Apan ang sala, sa nakakita ug kahigayonan pinaagi sa sugo, nagapamunga kanako sa tanang paagi sa pagkaibug; kay gawas sa Kasugoan, ang sala patay.

⁸but sin, getting a point of attack by the commandment, wrought in me every lust; for without law sin [was] dead.

⁹Ug ako sa usa ka panahon buhi nga gawas sa Kasugoan, apan sa pag-abut sa sugo nabuhi ang sala, ug ako namatay.

⁹But *I* was alive without law once; but the commandment having come, sin revived, but *I* died.

¹⁰Ug ang sugo nga unta alang sa kinabuhi, kini hingkaplagan ko nga sa kamatayon.

¹⁰And the commandment, which [was] for life, was found, [as] to me, itself [to be] unto death:

¹¹Kay ang sala, sa nakakita ug kahigayonan pinaagi sa sugo, naglimbong kanako, ug pinaagi kaniya nagpatay kanako.

¹¹for sin, getting a point of attack by the commandment, deceived me, and by it slew [me].

¹²Busa ang Kasugoan balaan man, ug ang sugo balaan, ug matarung, ug maayo.

¹²So that the law indeed [is] holy, and the commandment holy, and just, and good.

¹³Unya ang maayo nahimo bang kamatayon alang kanako? Kana dili mahimo! Apan ang sala, aron mapahayag nga mao ang sala, tungod sa pagbuhat ug kamatayon kanako pinaagi niadtong maayo; aron ang sala, pinaagi sa sugo, molabi pa gayud sa pagkasala.

¹³Did then that which is good become death to me? Far be the thought. But sin, that it might appear sin, working death to me by that which is good; in order that sin by the commandment might become exceeding sinful.

¹⁴Kay atong hingsayran nga ang Kasugoan espirituhanon: apan ako lawasnon, nga gibaligya sa ilalum sa sala.

¹⁴For we know that the law is spiritual: but *I* am fleshly, sold under sin.

¹⁵Kay ang akong ginabuhat wala ko hibaloi; kay dili ang akong buot pagabuhaton kana maoy akong ginabuhat; kondili ang akong ginadumtan, kana maoy ginabuhat ko.

¹⁵For that which I do, I do not own: for not what I will, this I do; but what I hate, this I practise.

¹⁶Apan kong ang dili ko buot pagabuhaton mao ang akong ginabuhat, miuyon ako sa Kasugoan nga kini maayo.

¹⁶But if what I do not will, this I practise, I consent to the law that [it is] right.

¹⁷Busa karon dili na ako ang nagabuhat niini, kondili ang sala nga nagapuyo kanako.

¹⁷Now then [it is] no longer *I* [that] do it, but the sin that dwells in me.

¹⁸Kay ako nahibalo nga kanako, kong sayron, sa akong unod, walay nagapuyo nga maayong butang; kay ang pagbuot ania man kanako, apan ang pagbuhat sa maayo wala dinhi kanako.

¹⁸For I know that in me, that is, in my flesh, good does not dwell: for to will is there with me, but to do right [I find] not.

¹⁹Kay ang maayo nga buot ko nga pagabuhaton, wala ko pagabuhata; apan ang dautan nga dili ko buot pagabuhaton, kana akong ginabuhat.

¹⁹For I do not practise the good that I will; but the evil I do not will, that I do.

²⁰Apan kong ang dili ko buot pagabuhaton mao ang akong ginabuhat, dili na ako ang nagabuhat niini, kondili ang sala nga nagapuyo kanako.

²⁰But if what *I* do not will, this I practise, [it is] no longer *I* [that] do it, but the sin that dwells in me.

²¹Nan hingkaplagan ko ang Kasugoan, nga, kong buot ako magbuhat sa maayo, ang dautan maoy ania kanako.

²¹I find then the law upon *me* who will to practise what is right, that with *me* evil is there.

²²Kay may kalipay ako sa Kasugoan sa Dios, ingon sa tawo nga sa sulod.

²²For I delight in the law of God according to the inward man:

²³Apan nakita ko ang lain nga kasugoan sa akong mga bahin sa lawas nga nagapakig-away batok sa Kasugoan sa akong salabutan ug nagabihag kanako ngadto sa ilalum sa kasugoan sa sala nga ania sa akong mga bahin sa lawas.

²³but I see another law in my members, warring in opposition to the law of my mind, and bringing me into captivity to the law of sin which exists in my members.

²⁴Pagkaalaut ko nga tawo! Kinsa ang magaluwas kanako gikan sa lawas niining kamatayon?

²⁴O wretched man that I [am]! who shall deliver me out of this body of death?

²⁵Nagapasalamat ako sa Dios pinaagi kang Jesucristo nga atong Ginoo. Sa ingon niana, ako gayud, uban ang salabutan nagaalagad sa Kasugoan sa Dios; apan uban ang unod nahiulipon sa kasugoan sa sala.

²⁵I thank God, through Jesus Christ our Lord. So then *I* *myself* with the mind serve God's law; but with the flesh sin's law.