¹Busa, kong nangabanhaw kamo uban kang Cristo, pangitaa ninyo ang mga butang nga atua sa itaas diin atua si Cristo, nga nagalingkod sa toong kamot sa Dios.

¹If then you were raised together with Christ, seek the things that are above, where Christ is, seated on the right hand of God.

²Ibutang ninyo ang inyong hunahuna sa mga butang nga atua sa itaas, dili sa mga butang nga ania sa yuta.

²Set your mind on the things that are above, not on the things that are on the earth.

³Kay nangamatay kamo, ug ang inyong kinabuhi natago uban kang Cristo diha sa Dios.

³For you died, and your life is hidden with Christ in God.

⁴Sa diha nga si Cristo, nga mao ang atong kinabuhi igapadayag na, nan kamo usab igapadayag uban kaniya sa himaya.

⁴When Christ, our life, is revealed, then you will also be revealed with him in glory.

⁵Busa pakamatya ninyo ang inyong mga bahin nga mga sa yuta: ang pagpakighilawas, ang pagkamahugaw, ang kaibog, ang dautang tinguha, ug ang pagkahikaw, nga mao ang pagsamba sa mga dios-dios;

⁵Put to death therefore your members which are on the earth: sexual immorality, uncleanness, depraved passion, evil desire, and covetousness, which is idolatry;

⁶Nga pinaagi niining mga butanga ang kaligutgut sa Dios nagaabut sa mga anak sa pagkadili-matinahuron;

⁶for which things’ sake the wrath of God comes on the children of disobedience.

⁷Nga niini kamo usab nagagawi sa miaging panahon, sa nagkinabuhi pa kamo niining mga butanga;

⁷You also once walked in those, when you lived in them;

⁸Apan karon isalikway gayud usab ninyo kining tanan: ang kasuko, ang kaligutgut, ang pagkamadinauton, ang pagpasipala, ang pulong nga malaw-ay gikan sa inyong baba.

⁸but now you also put them all away: anger, wrath, malice, slander, and shameful speaking out of your mouth.

⁹Dili kamo magbinakakay ang usa ug usa, sa nakita nga naghubo kamo sa daang tawo uban sa iyang mga buhat,

⁹Don’t lie to one another, seeing that you have put off the old man with his doings,

¹⁰Ug managsul-ob kamo sa bag-ong tawo, nga ginabag-o ngadto sa kahibalo sumala sa dagway niadtong nagbuhat kaniya:

¹⁰and have put on the new man, who is being renewed in knowledge after the image of his Creator,

¹¹Nga didto walay Greciahanon ug Judio, circuncicion ug dili cinircuncicionan, dumuloong, taga-Scita, ulipon, tawong may kagawasan; apan si Cristo mao ang tanan ug anaa sa tanan.

¹¹where there can’t be Greek and Jew, circumcision and uncircumcision, barbarian, Scythian, bondservant, freeman; but Christ is all, and in all.

¹²Busa, managsul-ob kamo, ingon nga mga pinili sa Dios, mga balaan ug mga hinigugma, sa usa ka kasingkasing nga sa kalooy, kalolot, pagpaubos, pagkaaghup, pagkamapailubon;

¹²Put on therefore, as God’s chosen ones, holy and beloved, a heart of compassion, kindness, lowliness, humility, and perseverance;

¹³Nga mag-inantusay kamo ang usa ug usa, ug magpinasayloay kamo ang usa ug usa, kong ang uban may sumbong batok sa uban; maingon nga si Cristo nagpasaylo kaninyo, mao usab ang buhaton ninyo.

¹³bearing with one another, and forgiving each other, if any man has a complaint against any; even as Christ forgave you, so you also do.

¹⁴Ug labi niining mga butanga managsul-ob kamo sa paghigugma, nga mao ang gapus sa pagkahingpit.

¹⁴Above all these things, walk in love, which is the bond of perfection.

¹⁵Ug ang pakigdait ni Cristo paharia sa inyong mga kasingkasing, nga niini kamo usab gitawag diha sa usa ka lawas; ug magmapasalamaton kamo.

¹⁵And let the peace of God rule in your hearts, to which also you were called in one body; and be thankful.

¹⁶Papuy-a ang pulong ni Cristo diha kaninyo sa kadato gayud; diha sa tanang kaalam, nga magtinudloay ug magtinambagay kamo ang usa ug usa uban sa mga salmo, mga ambahan, mga alawiton nga espirituhanon, nga manag-ambahan kamo uban ang gracia sa inyong kasingkasing ngadto sa Dios.

¹⁶Let the word of Christ dwell in you richly; in all wisdom teaching and admonishing one another with psalms, hymns, and spiritual songs, singing with grace in your heart to the Lord.

¹⁷Ug ang tanan nga inyong pagabuhaton, sa pulong ug sa buhat, buhata ninyo ngatanan sa ngalan sa Ginoong Jesucristo, nga magpasalamat kamo sa Dios nga Amahan pinaagi kaniya.

¹⁷Whatever you do, in word or in deed, do all in the name of the Lord Jesus, giving thanks to God the Father, through him.

¹⁸Mga asawa, managpasakup kamo sa inyong mga bana, ingon nga angay dihasa Ginoo.

¹⁸Wives, be in subjection to your husbands, as is fitting in the Lord.

¹⁹Mga bana, higugmaon ninyo ang inyong mga asawa, ug dili kamo mag-mapait batok kanila.

¹⁹Husbands, love your wives, and don’t be bitter against them.

²⁰Mga anak, managtuman kamo sa inyong mga ginikanan sa tanang mga butang kay kini kahaniut-an sa Ginoo.

²⁰Children, obey your parents in all things, for this pleases the Lord.

²¹Mga amahan, dili ninyo pagsuk-on ang inyong mga anak, aron dili sila maluya.

²¹Fathers, don’t provoke your children, so that they won’t be discouraged.

²²Mga ulipon, managtuman kamo sa tanang mga butang sa inyong mga agalon sumala sa unod; dili mag-alagad pinaagi sa mga mata, ingon sa mga magpapahamuot sa mga tawo, kondili sa ulay nga kasingkasing, nga magakahadlok sa Ginoo.

²²Servants, obey in all things those who are your masters according to the flesh, not just when they are looking, as men pleasers, but in singleness of heart, fearing God.

²³Bisan unsa nga inyong pagabuhaton, buhata ninyo sa kinasingkasing ingon nga sa Ginoo, ug dili ingon nga alang sa mga tawo;

²³And whatever you do, work heartily, as for the Lord, and not for men,

²⁴Sa hingbaloan ninyo, nga maga-dawat kamo gikan sa Ginoo sa balus nga sa kabilin: sa Ginoong Cristo nagaalagad kamo.

²⁴knowing that from the Lord you will receive the reward of the inheritance; for you serve the Lord Christ.

²⁵Kay ang nagabuhat sa dili matarung magadawat siya sa dili matarung tungod sa iyang nabuhat; ug walay pinilian sa mga tawo.

²⁵But he who does wrong will receive again for the wrong that he has done, and there is no partiality.