¹Unya si Jehova misulti kang Moises, nga nagaingon.

¹Yahweh spoke to Moses, saying,

²Sa nahauna nga adlaw sa nahauna nga bulan patindugon mo ang tabernaculo sa balong-balong nga pagatiguman.

²“On the first day of the first month you shall raise up the tabernacle of the Tent of Meeting.

³Ug igabutang mo niini ang arca sa pagpamatuod, ug pasalipdan mo ang arca sa tabil.

³You shall put the ark of the testimony in it, and you shall screen the ark with the veil.

⁴Ug igapasulod mo ang lamesa, ug pangatagon mo ang mga butang nga nahaluna niini; igapasulod mo usab ang tangkawan, ug dagkutan mo ang mga lamparahan niana.

⁴You shall bring in the table, and set in order the things that are on it. You shall bring in the lampstand, and light its lamps.

⁵Ug igabutang mo ang halaran nga bulawan alang sa incienso sa atubangan sa arca sa pagpamatuod, ug ibutang mo ang pabiyon sa pultahan sa tabernaculo.

⁵You shall set the golden altar for incense before the ark of the testimony, and put the screen of the door to the tabernacle.

⁶Ug igabutang mo ang halaran sa halad-nga-sinunog sa atubangan sa pultahan sa tabernaculo sa balong-balong nga pagatiguman.

⁶“You shall set the altar of burnt offering before the door of the tabernacle of the Tent of Meeting.

⁷Ug igabutang mo ang dolang sa taliwala sa balong-balong nga pagatiguman ug sa halaran, ug niini magabutang ka ug tubig,

⁷You shall set the basin between the Tent of Meeting and the altar, and shall put water therein.

⁸Ug ibutang mo ang sawang sa paglibut ug igabitay mo ang pabiyon sa pultahan sa sawang.

⁸You shall set up the court around it, and hang up the screen of the gate of the court.

⁹Ug kuhaon mo ang lana nga igdidihog ug dihogan mo ang tabernaculo ug ang tanan nga anaa niini, ug pagapakabalaanon mo kini uban ang tanang mga galamiton niini: ug kini mabalaan.

⁹“You shall take the anointing oil, and anoint the tabernacle, and all that is in it, and shall make it holy, and all its furniture: and it will be holy.

¹⁰Ug pagadihogan mo ang halaran sa halad-nga-sinunog ug ang tanan niini nga mga galamiton, ug balaanon mo ang halaran; ug ang halaran mahimo nga labing balaan gayud.

¹⁰You shall anoint the altar of burnt offering, with all its vessels, and sanctify the altar: and the altar will be most holy.

¹¹Ug dihogan mo ang dolang ug ang tungtunganan, ug balaanon mo kini.

¹¹You shall anoint the basin and its base, and sanctify it.

¹²Ug pagadad-on mo si Aaron, ug ang iyang mga anak nga lalake ngadto sa pultahan sa balong-balong nga pagatiguman, ug pagahunawan mo sila ug tubig.

¹²“You shall bring Aaron and his sons to the door of the Tent of Meeting, and shall wash them with water.

¹³Ug pagabistihan mo si Aaron sa mga bisti nga balaan, ug pagadihogan mo siya, ug pagabalaanon mo siya, aron siya mag-alagad kanako sa katungdanan sa pagka-sacerdote.

¹³You shall put on Aaron the holy garments; and you shall anoint him, and sanctify him, that he may minister to me in the priest’s office.

¹⁴Ug pagadad-on mo ang iyang mga anak nga lalake, ug pagabistihan mo sila.

¹⁴You shall bring his sons, and put coats on them.

¹⁵Ug pagadihogan mo sila, ingon sa pagdihog mo sa ilang amahan, aron sila mag-alagad kanako sa katungdanan sa pagka-sacerdote; ug ang ilang dihog mahimong pagka-sacerdote nga walay katapusan ngadto sa ilang mga kaliwatan.

¹⁵You shall anoint them, as you anointed their father, that they may minister to me in the priest’s office. Their anointing shall be to them for an everlasting priesthood throughout their generations.”

¹⁶Sa ingon niana gibuhat kini ni Moises: ingon sa tanan nga gisugo kaniya ni Jehova, mao nga iyang gibuhat kini .

¹⁶Moses did so. According to all that Yahweh commanded him, so he did.

¹⁷Ug nahitabo sa nahaunang bulan, sa ikaduha ka tuig, nga ang tabernaculo gipatindog na.

¹⁷It happened in the first month in the second year, on the first day of the month, that the tabernacle was raised up.

¹⁸Ug gipatindog ni Moises ang tabernaculo, ug gipahamutang niya ang iyang mga patinduganan, ug gibutang niya ang mga tabla niini, ug gibutang niya ang iyang mga balabag, ug gipamangon niya ang mga haligi niini.

¹⁸Moses raised up the tabernacle, and laid its sockets, and set up its boards, and put in its bars, and raised up its pillars.

¹⁹Ug gibuklad niya ang balong-balong sa ibabaw sa tabernaculo, ug gibutang niya ang tabon sa balong-balong sa ibabaw niini; ingon sa gisugo ni Jehova kang Moises.

¹⁹He spread the covering over the tent, and put the roof of the tabernacle above on it, as Yahweh commanded Moses.

²⁰Ug gikuha niya, ug gibutang niya ang pagpamatuod ngadto sa sulod sa arca; ug gibutang niya ang mga yayongan sa arca: ug gibutang niya ang halaran-sa-pagpasig-uli sa ibabaw gayud sa arca.

²⁰He took and put the testimony into the ark, and set the poles on the ark, and put the mercy seat above on the ark.

²¹Ug gisulod niya ang arca ngadto sa tabernaculo, ug gibitay niya ang tabil sa pabiyon, ug gitabilan niya ang arca sa pagpamatuod, ingon sa gisugo ni Jehova kang Moises.

²¹He brought the ark into the tabernacle, and set up the veil of the screen, and screened the ark of the testimony, as Yahweh commanded Moses.

²²Ug gibutang niya ang lamesa sa balong-balong nga pagatiguman, sa luyo nga naamihanan sa tabernaculo, nahagawas sa tabil.

²²He put the table in the Tent of Meeting, on the side of the tabernacle northward, outside of the veil.

²³Ug gipangatag niya ang mga tinapay sa ibabaw niya sa atubangan ni Jehova, ingon sa gisugo ni Jehova kang Moises.

²³He set the bread in order on it before Yahweh, as Yahweh commanded Moses.

²⁴Ug gibutang niya ang tangkawan sa sulod sa balong-balong nga pagatiguman atbang sa lamesa sa kiliran sa tabernaculo padulong sa habagatan.

²⁴He put the lampstand in the Tent of Meeting, opposite the table, on the side of the tabernacle southward.

²⁵Ug gidagkutan niya ang mga suga sa atubangan ni Jehova, ingon sa gisugo ni Jehova kang Moises.

²⁵He lit the lamps before Yahweh, as Yahweh commanded Moses.

²⁶Ug gibutang niya ang halaran nga bulawan sa sulod sa balong-balong nga pagatiguman sa atubangan sa tabil.

²⁶He put the golden altar in the Tent of Meeting before the veil;

²⁷Ug sa ibabaw niini nagsunog siya ug incienso nga mahumot, ingon sa gisugo ni Jehova kang Moises.

²⁷and he burnt incense of sweet spices on it, as Yahweh commanded Moses.

²⁸Ug gibutang niya ang cortina sa pultahan didto sa tabernaculo.

²⁸He put up the screen of the door to the tabernacle.

²⁹Ug gipahamutang niya ang halaran sa halad-nga-sinunog sa pultahan sa tabernaculo sa balong-balong nga pagatiguman, ug naghalad sa ibabaw niini sa halad-nga-sinunog, ug sa halad-nga-kalan-on, ingon sa gisugo ni Jehova kang Moises.

²⁹He set the altar of burnt offering at the door of the tabernacle of the Tent of Meeting, and offered on it the burnt offering and the meal offering, as Yahweh commanded Moses.

³⁰Ug gibutang niya ang dolang sa taliwala sa balong-balong nga pagatiguman ug sa halaran, ug iyang gibutangan kini ug tubig nga hulunawan.

³⁰He set the basin between the Tent of Meeting and the altar, and put water therein, with which to wash.

³¹Ug si Moises ug si Aaron ug ang iyang mga anak nga lalake nanagpanghunaw niini sa ilang mga kamot ug nanghimasa sa ilang mga tiil;

³¹Moses, Aaron, and his sons washed their hands and their feet there.

³²Sa pagsulod nila sa balong-balong nga pagatiguman, ug sa nanagpanuol sila sa halaran, nanghunaw sila ingon sa gisugo ni Jehova kang Moises.

³²When they went into the Tent of Meeting, and when they came near to the altar, they washed, as Yahweh commanded Moses.

³³Ug gipatindog niya ang sawang sa paglibut sa tabernaculo ug sa halaran, ug gibutang niya ang cortina sa pultahan sa sawang. Ug niini natibawas ni Moises ang bulohaton.

³³He raised up the court around the tabernacle and the altar, and set up the screen of the gate of the court. So Moses finished the work.

³⁴Unya ang panganod mitabon sa balong-balong nga pagatiguman, ug ang himaya ni Jehova mipuno sa tabernaculo.

³⁴Then the cloud covered the Tent of Meeting, and the glory of Yahweh filled the tabernacle.

³⁵Ug si Moises wala makahimo sa pagsulod sa balong-balong nga pagatiguman, kay ang panganod nagapabilin sa ibabaw niini ug ang himaya ni Jehova nakapuno niini.

³⁵Moses wasn’t able to enter into the Tent of Meeting, because the cloud stayed on it, and Yahweh’s glory filled the tabernacle.

³⁶Ug sa gibayaw na ang panganod sa tabernaculo, ang mga anak sa Israel nagapadayon sa tanan nila nga panaw.

³⁶When the cloud was taken up from over the tabernacle, the children of Israel went onward, throughout all their journeys;

³⁷Apan kong ang panganod wala pagbayawa, nan wala magpadayon sa panaw, hangtud sa adlaw nga kini gibayaw.

³⁷but if the cloud wasn’t taken up, then they didn’t travel until the day that it was taken up.

³⁸Kay ang panganod ni Jehova diha sa adlaw sa ibabaw sa tabernaculo, ug ang kalayo diha niini sa kagabhion, nga makita sa tibook nga balay sa Israel, sulod sa tanan nila nga pagpanaw.

³⁸For the cloud of Yahweh was on the tabernacle by day, and there was fire in the cloud by night, in the sight of all the house of Israel, throughout all their journeys.