¹Gisulti ni Jesus kining mga butanga, ug sa miyahat siya sa iyang mga mata sa langit, miingon: Amahan miabut na ang takna, himayaa ang imong Anak aron ang imong anak magahimaya kanimo.

¹Jesus said these things, and lifting up his eyes to heaven, he said, “Father, the time has come. Glorify your Son, that your Son may also glorify you;

²Maingon nga gihatagan mo siya ug pagbulot-an sa tanan nga unod, aron nga sa tanan nga imong gitugyan kaniya magahatag siya sa kinabuhi nga walay katapusan.

² even as you gave him authority over all flesh, he will give eternal life to all whom you have given him.

³Ug mao kini ang kinabuhi nga walay katapusan, nga sila makaila unta kanimo, ang usa lamang ka Dios nga matuod, ug kaniya nga imong gisugo nga mao si Jesucristo.

³ This is eternal life, that they should know you, the only true God, and him whom you sent, Jesus Christ.

⁴Ako naghimaya kanimo sa yuta, sanglit natuman ko na ang buhat nga imong gitugyan kanako nga pagabuhaton.

⁴ I glorified you on the earth. I have accomplished the work which you have given me to do.

⁵Ug karon, Amahan, himayaa ako uban gayud kanimo sa himaya nga akong gibatonan uban kanimo sa wala pa ang kalibutan.

⁵ Now, Father, glorify me with your own self with the glory which I had with you before the world existed.

⁶Gipaila ko ang imong ngalan sa mga tawo nga imong gihatag kanako gikan sa kalibutan. Mga imo man sila, ug imong gitugyan sila kanako, ug sila nagbantay sa imong pulong.

⁶ I revealed your name to the people whom you have given me out of the world. They were yours, and you have given them to me. They have kept your word.

⁷Karon nakaila sila nga ang tanan nga mga butang nga imong gihatag kanako, nagagikan kanimo.

⁷ Now they have known that all things whatever you have given me are from you,

⁸Kay ang mga pulong nga imong gihatag kanako, akong gihatag kanila; ug ilang gidawat kini, ug nahibalo, sa pagkamatuod, nga ako naggikan kanimo, ug sila mitoo nga ikaw nagsugo kanako.

⁸ for the words which you have given me I have given to them, and they received them, and knew for sure that I came forth from you, and they have believed that you sent me.

⁹Ako nagaampo alang kanila; ako wala mag-ampo alang sa kalibutan, kondili alang sa mga gitugyan mo kanako, kay mga imo man sila.

⁹ I pray for them. I don’t pray for the world, but for those whom you have given me, for they are yours.

¹⁰Ug ang tanan nga mga butang nga ako, imo man; ug ang mga imo, ako; ug ako ginahimaya diha kanila.

¹⁰ All things that are mine are yours, and yours are mine, and I am glorified in them.

¹¹Ug ako wala na sa kalibutan, ug kini sila ania sa kalibutan, ug ako moanha kanimo. Amahan nga balaan, batoni sila sa imong ngalan, ang mga gitugyan mo kanako, aron managhiusa sila sama kanato.

¹¹ I am no more in the world, but these are in the world, and I am coming to you. Holy Father, keep them through your name which you have given me, that they may be one, even as we are.

¹²Samtang ako diha pa kanila, gibatonan ko sila sa imong ngalan nga imong gihatag kanako; ug gibantayan ko sila, ug walay usa kanila nga nawala, gawas ang anak sa pagkawala, aron matuman ang Kasulatan.

¹² While I was with them in the world, I kept them in your name. Those whom you have given me I have kept. None of them is lost, except the son of destruction, that the Scripture might be fulfilled.

¹³Apan karon mianhi ako kanimo, ug kining mga butanga akong gisulti sa kalibutan, aron sila makabaton sa akong kalipay nga mahingpit diha kanila.

¹³ But now I come to you, and I say these things in the world, that they may have my joy made full in themselves.

¹⁴Ako nang gihatag kanila ang imong pulong, ug ang kalibutan nagdumot kanila, kay sila dili iya sa kalibutan, maingon nga ako dili iya sa kalibutan.

¹⁴ I have given them your word. The world hated them, because they are not of the world, even as I am not of the world.

¹⁵Ako dili magaampo nga kuhaon mo sila sa kalibutan, kondili nga imo silang panalipdan gikan niadtong dautan.

¹⁵ I pray not that you would take them from the world, but that you would keep them from the evil one.

¹⁶Sila dili iya sa kalibutan, maingon nga ako dili iya sa kalibutan.

¹⁶ They are not of the world even as I am not of the world.

¹⁷Balaanon mo sila sa kamatuoran, ang imong pulong mao ang kamatuoran.

¹⁷ Sanctify them in your truth. Your word is truth. Psalm 119:142

¹⁸Ingon nga imo akong gisugo sa kalibutan, ingon usab gisugo ko sila sa kalibutan.

¹⁸ As you sent me into the world, even so I have sent them into the world.

¹⁹Ug tungod kanila ako nagabalaan sa akong kaugalingon, aron sila sa ilang kaugalingon pagabalaanon usab sa kamatuoran.

¹⁹ For their sakes I sanctify myself, that they themselves also may be sanctified in truth.

²⁰Ako nagaampo dili alang lamang kanila, kondili alang usab sa mga mingtoo kanako tungod sa ilang pulong.

²⁰ Not for these only do I pray, but for those also who believe in me through their word,

²¹Aron silang tanan managhiusa, ingon nga ikaw, Amahan, ania kanako, ug ako anaa kanimo; nga sila usab managhiusa kanato; aron ang kalibutan motoo nga ikaw nagsugo kanako.

²¹ that they may all be one; even as you, Father, are in me, and I in you, that they also may be one in us; that the world may believe that you sent me.

²²Ug ang himaya nga imong gihatag kanako, akong gihatag kanila, aron sila mahimong usa, maingon nga kita usa lamang.

²² The glory which you have given me, I have given to them; that they may be one, even as we are one;

²³Ako ania kanila, ug ikaw ania kanako, aron sila mahingpit nga usa; aron ang kalibutan moila nga ikaw nagsugo kanako, ug nahigugma kanila maingon nga ikaw nahigugma kanako.

²³ I in them, and you in me, that they may be perfected into one; that the world may know that you sent me, and loved them, even as you loved me.

²⁴Amahan, buot ko nga kadto usab nga mga gitugyan mo kanako mahiuban kanako kong asa ako, aron sila makakita sa akong himaya nga imong gihatag kanako; kay ikaw nahigugma kanako sa wala pa matukod ang kalibutan.

²⁴ Father, I desire that they also whom you have given me be with me where I am, that they may see my glory, which you have given me, for you loved me before the foundation of the world.

²⁵Oh, Amahan nga matarung, ang kalibutan wala makaila kanimo, apan ako nakaila kanimo, ug kini sila nakaila nga ikaw nagsugo kanako.

²⁵ Righteous Father, the world hasn’t known you, but I knew you; and these knew that you sent me.

²⁶Ug akong gipaila kanila ang imong ngalan, ug igapaila ko pa, aron ang gugma nga imong gihigugma kanako mahiadto kanila, ug ako ania kanila.

²⁶ I made known to them your name, and will make it known; that the love with which you loved me may be in them, and I in them.”