¹Si Jehova, nagahari; papanguroga ang mga katawohan: Siya nagalingkod ibabaw sa mga querubin; pauyoga ang yuta.

¹Yahweh reigns! Let the peoples tremble. He sits enthroned among the cherubim. Let the earth be moved.

²Si Jehova maoy daku sa Sion; Ug siya maoy labing hataas sa tanang mga katawohan.

²Yahweh is great in Zion. He is high above all the peoples.

³Padayega sila sa imong daku ug makalilisang nga ngalan: Balaan man siya.

³Let them praise your great and awesome name. He is Holy!

⁴Ang kalig-on sa hari nahigugma usab sa justicia; Ikaw nagatukod sa pagkatul-id; Ikaw nagapatuman ug justicia ug pagkamatarung diha kang Jacob.

⁴The King’s strength also loves justice. You do establish equity. You execute justice and righteousness in Jacob.

⁵Bayawa ninyo si Jehova nga atong Dios, Ug managsimba kamo didto sa tumbanan sa iyang mga tiil: Balaan man siya.

⁵Exalt Yahweh our God. Worship at his footstool. He is Holy!

⁶Si Moises ug si Aaron anaa sa taliwala sa iyang mga sacerdote, Ug si Samuel lakip kanila nga nanagsangpit sa iyang ngalan; Nanagsangpit sila kang Jehova, ug siya mitubag kanila.

⁶Moses and Aaron were among his priests, Samuel among those who call on his name; they called on Yahweh, and he answered them.

⁷Siya misulti kanila diha sa haligi nga panganod: Nanagbantay sila sa iyang mga pagpamatuod, Ug sa kabalaoran nga iyang gihatag kanila.

⁷He spoke to them in the pillar of cloud. They kept his testimonies, the statute that he gave them.

⁸Ikaw mitubag kanila, Oh Jehova nga among Dios: Ikaw mao ang Dios nga nagpasaylo kanila, Bisan ikaw nagpanimalus sa ilang mga buhat.

⁸You answered them, Yahweh our God. You are a God who forgave them, although you took vengeance for their doings.

⁹Bayawa ninyo si Jehova nga atong Dios, Ug managsimba kamo didto sa bungtod sa iyang pagkabalaan; Kay si Jehova nga atong Dios balaan man.

⁹Exalt Yahweh, our God. Worship at his holy hill, for Yahweh, our God, is holy!