¹FANMAGOF gui as Jeova jamyo manunas: sa y manunas bonito na alabansa.

¹Exult, ye righteous, in Jehovah: praise is comely for the upright.

²Fanmannae grasias indandane si Jeova ni atpa: cantaye güe ni alabansa nu y guitala ni y gaecuetdas dies.

²Give thanks unto Jehovah with the harp; sing psalms unto him with the ten-stringed lute.

³Cantaye güe ni y nuebo na canta: dandan mauleg ni y agang.

³Sing unto him a new song; play skilfully with a loud sound.

⁴Sa y fino Jeova tunas: ya todo y chechoña esta mafatinas ni y minagajet.

⁴For the word of Jehovah is right, and all his work is in faithfulness.

⁵Güiya yaña y tininas yan y juisio; ya cariño na güinaeya gui as Jeova, bula y tano.

⁵He loveth righteousness and judgment: the earth is full of the loving-kindness of Jehovah.

⁶Pot y fino Jeova esta mafatinas y langetsija: ya pot y jajaja ni y pachotña, todo y inetnonñija.

⁶By the word of Jehovah were the heavens made, and all the host of them by the breath of his mouth.

⁷Güiya munadaña gui un monton y janom gui tase: güiya pumolo gui atmasén y tinadongsija.

⁷He gathereth the waters of the sea together as a heap; he layeth up the deeps in storehouses.

⁸Manmaañao as Jeova todo y tano: manmaañao nu güiya todo mañasaga gui tano.

⁸Let all the earth fear Jehovah; let all the inhabitants of the world stand in awe of him.

⁹Sa güiya umalog ya jumuyong: güiya manago ya sumaga fitme.

⁹For *he* spoke, and it was [done]; *he* commanded, and it stood fast.

¹⁰Si Jeova munataesetbe y pinagat y nasion; ya güiya munataebale y jinaso y taotao.

¹⁰Jehovah frustrateth the counsel of the nations; he maketh the thoughts of the peoples of none effect.

¹¹Y pinagat Jeova sumaga para taejinecog: y jinason y corasonña para todo y generasion.

¹¹The counsel of Jehovah standeth for ever, the thoughts of his heart from generation to generation.

¹²Dichoso y nasion ni si Jeova Yuusña: yan y taotao ni y jaayeg pot erensia para güiya.

¹²Blessed is the nation whose God is Jehovah, the people that he hath chosen for his inheritance!

¹³Desde y langet jaatan si Jeova: jalilie todos y famaguon Adam.

¹³Jehovah looketh from the heavens; he beholdeth all the sons of men:

¹⁴Desde y sagaña na lugat jaatan; jaatitutuye todo y mañasaga gui jilo y tano.

¹⁴From the place of his habitation he looketh forth upon all the inhabitants of the earth;

¹⁵Güiya fumatinas y corasonñija todos: yan jaatitutuye todo y chechoñija.

¹⁵He who fashioneth the hearts of them all, who considereth all their works.

¹⁶Y ray ti umalibre pot y dangculon inetnon sendaloña: y matatnga na taotao ti umasatba pot y dangculon minetgotña.

¹⁶The king is not saved by the multitude of [his] forces; a mighty man is not delivered by much strength.

¹⁷Y cabayo taebale para useguro: sa güiya ti unalibre ni uno nu y dangculon jinilatña.

¹⁷The horse is a vain thing for safety; neither doth he deliver by his great power.

¹⁸Estagüeja, y atadog Jeova gui jilo y manmaañagüe güe: gui jiloñija y numanangga y minaaseña.

¹⁸Behold, the eye of Jehovah is upon them that fear him, upon them that hope in his loving-kindness,

¹⁹Para unalibre gui finatae y antiñija: ya para unae linâlâ gui ñinalang.

¹⁹To deliver their soul from death, and to keep them alive in famine.

²⁰Y antita jagas jananangga si Jeova: y ayudata yan y patangta güiya.

²⁰Our soul waiteth for Jehovah: he is our help and our shield.

²¹Pot güiya manmagof y corasonta, sa y sinantos naanña nae jagas taangocojit.

²¹For in him shall our heart rejoice, because we have confided in his holy name.

²²Polo y minaasemo, O Jeova, ugaegue guiya jame, según ninangganmamame guiya jago.

²²Let thy loving-kindness, O Jehovah, be upon us, according as we have hoped in thee.