¹AGUAGUATE, O Jeova, ayo y umaguaguaguateyo; mumo yan ayo y amumumujo.

¹{[A Psalm] of David.} Strive, O Jehovah, with them that strive with me; fight against them that fight against me:

²Mantiene y patang yan guinegüe, ya tojgue para unayudayo.

²Take hold of shield and buckler, and stand up for my help;

³Ya chule y lansa ya patang y chalan contra ayo y pumetsisigueyo: alog ni antijo: Guajo y satbasionmo.

³And draw out the spear, and stop [the way] against my pursuers: say unto my soul, I am thy salvation.

⁴Polo ya ufanmamajlao, ya ufanquinenfunde y umaliligao y antijo: polo ya ufanalo tate ya ufanmamajlao y jumajaso y taelayejo.

⁴Let them be put to shame and confounded that seek after my life; let them be turned backward and brought to confusion that devise my hurt:

⁵Polo sija ya calang y paja gui menan y manglo: ya y angjet Jeova ufanchineneg sija.

⁵Let them be as chaff before the wind, and let the angel of Jehovah drive [them] away;

⁶Polo y chalanñija ya jomjom yan palagse: ya y angjet Jeova ufanpinetsigue sija.

⁶Let their way be dark and slippery, and let the angel of Jehovah pursue them.

⁷Sa sin causa manatog para guajo y lagua gui joyo: ya sin causa manmanguadog joyo para y antijo.

⁷For without cause have they hidden for me their net [in] a pit; without cause they have digged [it] for my soul.

⁸Polo ya ufato guiya güiya ya yinilang ni ti jatungo: polo ya y lagua ni janaaatog, ucone maesagüe: yan y jalom yinilang nae upodong güe.

⁸Let destruction come upon him unawares, and let his net which he hath hidden catch himself: for destruction let him fall therein.

⁹Ya umagof y antijo gui as Jeova: ya umagof gui satbasionña.

⁹And my soul shall be joyful in Jehovah; it shall rejoice in his salvation.

¹⁰Todo y telangjo y ilegñija: Jeova, jaye parejumo? ni unalibre y mamoble gui mas manmetgot qui güiya: magajet na y mamoble yan y mannesesitao, guinin y jachulelejguan?

¹⁰All my bones shall say, Jehovah, who is like unto thee, who deliverest the afflicted from one stronger than he, yea, the afflicted and the needy from him that spoileth him!

¹¹Mangajulo testigon mandague: ya jafaesenyo ni y ti jutungo.

¹¹Unrighteous witnesses rise up; they lay to my charge things which I know not.

¹²Manaeyo ni taelaye pot y mauleg, ya manataelaye y antijo.

¹²They reward me evil for good, [to] the bereavement of my soul.

¹³Lao guajo anae manmalango sija, magagojo y luto: junatriste y antijo yan umayunat: y tinaetaejo tumalo jalom gui pechoco.

¹³But as for me, when they were sick, my clothing was sackcloth; I chastened my soul with fasting, and my prayer returned into mine own bosom:

¹⁴Mamomocat yo ya ileleco: Güiya buente y gachongjo, pat y chelujo: ya tumecon yo triste calang uno ni y umuugung pot si nanaña.

¹⁴I behaved myself as though [he had been] a friend, a brother to me; I bowed down in sadness, as one that mourneth [for] a mother.

¹⁵Lao anae desgrasiaoyo, sija manmagof ya mandaña: ya y gosnamaase mandaña contra guajo ya guajo ti jutungo: sija matitegyo ya ti manbasta.

¹⁵But at my halting they rejoiced, and gathered together: the slanderers gathered themselves together against me, and I knew [it] not; they did tear [me], and ceased not:

¹⁶Parejo yan y áplacha na minefea gui fandango, janachéchegcheg y nifenñija guiya guajo.

¹⁶With profane jesters for bread, they have gnashed their teeth against me.

¹⁷Jeova, asta ngaean nae unatan? nalibre y antijo gui yinilangña, yan y beya y corasonjo gui león.

¹⁷Lord, how long wilt thou look on? Rescue my soul from their destructions, my only one from the young lions.

¹⁸Junae jao grasias gui dangculon y inetnon taotao: ya jualaba jao gui entalo linajyan taotao.

¹⁸I will give thee thanks in the great congregation; I will praise thee among much people.

¹⁹Chamo pumopolo na ufanmamagof guiya guajo y enimigujo sin jafa? ni ayo y chumatlieyo sin causa jaachetgue yo nu y atadog.

¹⁹Let not them that are wrongfully mine enemies rejoice over me; let them not wink with the eye that hate me without cause.

²⁰Sa ti manguecuentos pas: ya contra y manmanso gui tano jajajaso y finijo dinague.

²⁰For they speak not peace; and they devise deceitful words against the quiet in the land.

²¹Magajet na jabababa y pachotñija contra guajo; ilegñija: Ja, ja y atadogmameja lumie.

²¹And they opened their mouth wide against me; they said, Aha! aha! our eye hath seen [it].

²²Unlie este, O Jeova; chamo famatquiquilo: O Jeova, chamo chachago guiya guajo.

²²Thou hast seen [it], Jehovah: keep not silence; O Lord, be not far from me.

²³Jaso ya fagmata para y juisioco; junggan, para y causaco Yuusso yan y Señotto.

²³Stir up thyself, and awake for my right, for my cause, my God and Lord!

²⁴Jusgayo taemanoja y tininasmo, O Jeova, Yuusso, ya chamo pumopolo na ufanmamagof guiya guajo.

²⁴Judge me, Jehovah my God, according to thy righteousness, and let them not rejoice over me.

²⁵Chamo pumopolo na ujaalog gui corasonñija: Ja, taegüije manmalagojit; chamo pumopolo na ujaalog: Jita jagas tacalamot güe.

²⁵Let them not say in their heart, Aha! so would we have it. Let them not say, We have swallowed him up.

²⁶Polo ya ufanmamajlao ya ufañatsaga ayo sija y manmagof pot y manadañujo: polo ya ufanminagago ni y minamajlao yan y disonra y munadangculo sija contra guajo.

²⁶Let them be ashamed and brought to confusion together that rejoice at mine adversity; let them be clothed with shame and dishonour that magnify themselves against me.

²⁷Polo ya ufanagang ni minagof ya ufanmagof y gumaeya y tinas na causaco: junggan, polo ya ujaalog siempre: innadangculo si Jeova, ni y yaña na memegae y tentagoña.

²⁷Let them exult and rejoice that delight in my righteousness; and let them say continually, Jehovah be magnified, who delighteth in the prosperity of his servant.

²⁸Ya y jilajo usangan ni y tininasmo, yan todotdia ni y alabansamo.

²⁸And my tongue shall talk of thy righteousness, [and] of thy praise, all the day.