¹YA anae manatan julo, jalie y manrico na taotao sija, na jayuyute jalom y ninaenñija gui cajon salape.

¹Y MIRANDO, vió á los ricos que echaban sus ofrendas en el gazofilacio.

²Ya jalie locue un pobble na biuda, na manyute jalom güije dos coble.

²Y vió también una viuda pobrecilla, que echaba allí dos blancas.

³Ya ilegña: Jusangane jamyo ni y magajet. Este y pebble na biuda, manyute jalom mas qui todo sija:

³Y dijo: De verdad os digo, que esta pobre viuda echó más que todos:

⁴Sa todo estesija, y sebblanñijaja manmayute jalom minaeñija: lao este yan y pinebbleña, jayute todo jalom y güinajaña.

⁴Porque todos estos, de lo que les sobra echaron para las ofrendas de Dios; mas ésta de su pobreza echó todo el sustento que tenía.

⁵¶ Yan pot y manguecuentos palo pot y templo, ni y maadotna manbonito na acho sija yan ninae sija, ilegña:

⁵Y á unos que decían del templo, que estaba adornado de hermosas piedras y dones, dijo:

⁶Este sija na güinaja y inlie, estagüe, ufanmato jaane sija, na taya usobbla güine un acho gui jilo y otro, na ti umayute papa.

⁶Estas cosas que veis, días vendrán que no quedará piedra sobre piedra que no sea destruída.

⁷¶ Ya mafaesen güe, ilegñija: Maestro, ngaean nae ujuyong estesija? yan jafa na señat uguaja, yanguin jijot para ufanmato este sija na güinaja?

⁷Y le preguntaron, diciendo: Maestro, ¿cuándo será esto? ¿y qué señal habrá cuando estas cosas hayan de comenzar á ser hechas?

⁸Ayonae ilegña: Guesadaje jamyo ya chamiyo fanmafabábaba: sa megae ufanmato pot y naanjo, ya ujaalog: Güiya yo ya y tiempo esta jijijot; chamiyo dumalálalaque sija.

⁸El entonces dijo: Mirad, no seáis engañados; porque vendrán muchos en mi nombre, diciendo: Yo soy; y, el tiempo está cerca: por tanto, no vayáis en pos de ellos.

⁹Lao yanguin injingog y guera sija, yan y atboroto, chamiyo faninespápanta: sa nesesita ufanmato este sija finena; lao y uttimo ti enseguidas.

⁹Empero cuando oyereis guerras y sediciones, no os espantéis; porque es necesario que estas cosas acontezcan primero: mas no luego será el fin.

¹⁰¶ Ayo nae ilegña nu sija: Y nasion sija ufangajulo contra y nasion, ya y raeno contra raeno:

¹⁰Entonces les dijo: Se levantará gente contra gente, y reino contra reino;

¹¹Ya uguaja dangculon linao, ya y cada lugat ñinalang yan peste; yan uguaja minaañao sija, yan mandangculo na señat guinin y langet.

¹¹Y habrá grandes terremotos, y en varios lugares hambres y pestilencias: y habrá espantos y grandes señales del cielo.

¹²Lao antes di todo este sija, ujapolo y canaeñija gui jilomiyo, ya infanmapetsigue, yan infanmaentrega gui sinagoga sija, yan y catset, yan infanmacone guato gui ray sija, yan y manmagas pot y naanjo.

¹²Mas antes de todas estas cosas os echarán mano, y perseguirán, entregándoos á las sinagogas y á las cárceles, siendo llevados á los reyes y á los gobernadores por causa de mi nombre.

¹³Ya ujuyong este guiya jamyo para testimonio.

¹³Y os será para testimonio.

¹⁴Polo gui corason miyo, na chamiyo jumajaso finena jafa para inepe:

¹⁴Poned pues en vuestros corazones no pensar antes cómo habéis de responder:

¹⁵Sa guajo junae jamyo pachot yan tiningo, ni todo y enimigunmiyo ti siña macontra ni umachaba.

¹⁵Porque yo os daré boca y sabiduría, á la cual no podrán resistir ni contradecir todos los que se os opondrán.

¹⁶Ya infanenentrega ni y mañaenanmiyo, yan y mañelunmiyo, yan y parientesmiyo, yan y amigonmiyo; yan guaja guiya jamyo umanamapuno.

¹⁶Mas seréis entregados aun de vuestros padres, y hermanos, y parientes, y amigos; y matarán á algunos de vosotros.

¹⁷Ya infanmachatlie ni todo y taotao pot y naanjo.

¹⁷Y seréis aborrecidos de todos por causa de mi nombre.

¹⁸Lao ni uno gui gaponulonmiyo ufalingo.

¹⁸Mas un pelo de vuestra cabeza no perecerá.

¹⁹Ya y manpasensianmiyo nae, inganaye y antenmiyo.

¹⁹En vuestra paciencia poseeréis vuestras almas.

²⁰Ya anae inlie Jerusalem, na esta ineriyaye ni y sendalo sija, intingoja na esta jijijot y mayulangña.

²⁰Y cuando viereis á Jerusalem cercada de ejércitos, sabed entonces que su destrucción ha llegado.

²¹Ya ayonae y mangaegue guiya Judea, ufanmalago para y egso sija; ya ayo sija y mangaegue gui entaloña ufanjuyong; ya y mangaegue gui fangualuan, chañija fanjajalom güije.

²¹Entonces los que estuvieren en Judea, huyan á los montes; y los que en medio de ella, váyanse; y los que estén en los campos, no entren en ella.

²²Sa este sija y jaanin inemog, sa para umacumple todo y güinaja ni y esta manmatugue.

²²Porque estos son días de venganza: para que se cumplan todas las cosas que están escritas.

²³Lao mannamaase ayo sija y manmapotgue, yan y mannanasusu güije sija na jaane! sa uguaja dangculon chinatsaga gui jilo tano, yan binibo gui jilo este taotao sija.

²³Mas ­ay de las preñadas, y de las que crían en aquellos días! porque habrá apuro grande sobre la tierra é ira en este pueblo.

²⁴Ya ufamodong gui jilo y filon y espada, ya ufanmacone preso gui todo y nasion: ya Jerusalem umagacha papa ni y Gentiles, asta qui umacumple y tiempon y Gentiles.

²⁴Y caerán á filo de espada, y serán llevados cautivos á todas las naciones: y Jerusalem será hollada de las gentes, hasta que los tiempos de las gentes sean cumplidos.

²⁵¶ Ya uguaja señat sija gui atdao yan y pilan, yan y pution sija; yan chinatsagan nasion sija gui jilo tano pot y guinadon pangpang y tase yan y napo.

²⁵Entonces habrá señales en el sol, y en la luna, y en las estrellas; y en la tierra angustia de gentes por la confusión del sonido de la mar y de las ondas:

²⁶Manlalalango y taotao sija, pot y manmaañaoñija, yan pot y ninanangga ni ayo sija y manmamamaela para y tano: sa manmayengyong y ninasiñan y langet sija.

²⁶Secándose los hombres á causa del temor y expectación de las cosas que sobrevendrán á la redondez de la tierra: porque las virtudes de los cielos serán conmovidas.

²⁷Ya ayonae ujalie y Lajin taotao na mamamaela gui y mapagajes yan y ninasiña yan y dangculon minalag.

²⁷Y entonces verán al Hijo del hombre, que vendrá en una nube con potestad y majestad grande.

²⁸Ya anae esta jatutujon sumesede este sija, ayonae infanalag jilo, ya injatsa julo y ilunmiyo; sa esta jijijot y para inmanafanlibre.

²⁸Y cuando estas cosas comenzaren á hacerse, mirad, y levantad vuestras cabezas, porque vuestra redención está cerca.

²⁹¶ Ya jasangane sija un acomparasion, ilegña: Atanja y trongcon igos, yan todo y trongcon jayo sija.

²⁹Y díjoles una parábola: Mirad la higuera y todos los árboles:

³⁰Yanguin esta manmañúñuso, inlie ya intingoja maesa jamyo na esta jijijot y verano.

³⁰Cuando ya brotan, viéndolo, de vosotros mismos entendéis que el verano está ya cerca.

³¹Taegüenaoja locue jamyo yanguin inlie esta sija na masusede, tingo na esta jijijot y raenon Yuus.

³¹Así también vosotros, cuando viereis hacerse estas cosas, entended que está cerca el reino de Dios.

³²Magajet jusangane jamyo: Ti ufapos este na generasion, asta qui todo sija manmacumple.

³²De cierto os digo, que no pasará esta generación hasta que todo sea hecho.

³³Y langet yan y tano ufanmalofan, lao y finojo ti ufalofan.

³³El cielo y la tierra pasarán; mas mis palabras no pasarán.

³⁴¶ Ya inguesadaje jamyo na ufanbula y corasonmiyo ni y pinadog mañocho yan inelacho, yan y inadajen este na linâlâ, ya ufato guiya jamyo ayo na jaane derepente,

³⁴Y mirad por vosotros, que vuestros corazones no sean cargados de glotonería y embriaguez, y de los cuidados de esta vida, y venga de repente sobre vosotros aquel día.

³⁵Taegüijeja y laso: sa taegüijeja ufinatoña gui jilo todo sija y mañasaga gui jilo tano.

³⁵Porque como un lazo vendrá sobre todos los que habitan sobre la faz de toda la tierra.

³⁶Enaomina fanbela todo tiempo, ya infanmanaetae, ya para infansiña manescapa ni todo estesija y ni ufanmato, yan para infanojgue gui menan y Lajin taotao.

³⁶Velad pues, orando en todo tiempo, que seáis tenidos por dignos de evitar todas estas cosas que han de venir, y de estar en pie delante del Hijo del hombre.

³⁷¶ Ya mamananagüe cada jaane gui templo; yan cada puenge jumajanao, ya sumasaga gui un ogso na mafanaan ogso Olibo.

³⁷Y enseñaba de día en el templo; y de noche saliendo, estábase en el monte que se llama de las Olivas.

³⁸Ya todo y taotao sija manmafato gui templo, taftaf gui egaan, para umaecungog güe.

³⁸Y todo el pueblo venía á él por la mañana, para oirle en el templo.