¹YA mato y egaan, todo y prinsipen y mamale, yan y manamco na taotao sija, mandaña y manaconseja entre sija contra si Jesus, para umapuno güe.

¹Y VENIDA la mañana, entraron en consejo todos los príncipes de los sacerdotes, y los ancianos del pueblo, contra Jesús, para entregarle á muerte.

²Ya anae munjayan magode güe, macone ya maentrega gui as Ponsio Pilato y magalaje.

²Y le llevaron atado, y le entregaron á Poncio Pilato presidente.

³¶ Ayo nae si Judas, y umentrega güe, jalie na esta umayogua, ya mañotsot ya jachule talo guato y treinta pidason salape gui prinsipen y mamale yan y manamco na taotao sija,

³Entonces Judas, el que le había entregado, viendo que era condenado, volvió arrepentido las treinta piezas de plata á los príncipes de los sacerdotes y á los ancianos,

⁴Ya ilegña: Guajo isaoyo, juentrega y taeisao na jâgâ. Lao sija ilegñija: Jafa ayo guiyajame? Jagoja adaje.

⁴Diciendo: Yo he pecado entregando la sangre inocente. Mas ellos dijeron: ¿Qué se nos da á nosotros? Viéras lo tú.

⁵Ya jayute y pidason salape jalom gui jalom y templo, ya mapos ya jañaca güe.

⁵Y arrojando las piezas de plata en el templo, partióse; y fué, y se ahorcó.

⁶Ya y prinsipen y mamale sija, jachule y salape ya ilegñija: Ti tunas na tapolo gui tesoro sa baliña y jâgâ.

⁶Y los príncipes de los sacerdotes, tomando las piezas de plata, dijeron: No es lícito echarlas en el tesoro de los dones, porque es precio de sangre.

⁷Ya manaconseja entre sija, ya mafajan y fangualuan oyero, para y naftan y taotaojuyong.

⁷Mas habido consejo, compraron con ellas el campo del alfarero, por sepultura para los extranjeros.

⁸Ayo mina mafanaan ayo na fangualuan: Fangualuan jâgâ, asta pago na jaane.

⁸Por lo cual fué llamado aquel campo, Campo de sangre, hasta el día de hoy.

⁹Ayo nae macumple y sinangan na pot y profeta Jeremias, ni ilegña: Ya sija jachule y treinta pidason salape, presio ayo y gaebale, y presio na mapolo gui jiloña y famaguon Israel;

⁹Entonces se cumplió lo que fué dicho por el profeta Jeremías, que dijo: Y tomaron las treinta piezas de plata, precio del apreciado, que fué apreciado por los hijos de Israel;

¹⁰Ya manmanae sija, para ujafajan y fangualuan y oyero taegüenao, na jatagoyo y Señot.

¹⁰Y las dieron para el campo del alfarero, como me ordenó el Señor.

¹¹¶ Ya si Jesus estaba tomotojgue gui menan y magalaje, ya y magalaje finaesen güe, ilegña: Jago y Ray Judio sija? Si Jesus ilegña: Jago umalog.

¹¹Y Jesús estuvo delante del presidente; y el presidente le preguntó, diciendo: ¿Eres tú el Rey de los judíos? Y Jesús le dijo: Tú lo dices.

¹²Ya anae mafaaela ni y prinsipen y mamale, yan y manamco sija, ti manope ni jafa.

¹²Y siendo acusado por los príncipes de los sacerdotes, y por los ancianos, nada respondió.

¹³Ayo nae si Pilato ilegña nu güiya: Ti unjujungog cuanto na güinaja nae manmadeclara contra jago?

¹³Pilato entonces le dice: ¿No oyes cuántas cosas testifican contra tí?

¹⁴Ya ti manope ni un sinangan; ya ninagosmanman y magalaje.

¹⁴Y no le respondió ni una palabra; de tal manera que el presidente se maravillaba mucho,

¹⁵Ya y jaanin y guipot, costumbreña y magalaje na usotta pot y taotao sija un preso, jaye y malagoñija.

¹⁵Y en el día de la fiesta acostumbraba el presidente soltar al pueblo un preso, cual quisiesen.

¹⁶Ya guaja presoñija uno na afamao, na y naanña si Barabas.

¹⁶Y tenían entonces un preso famoso que se llamaba Barrabás.

¹⁷Ya anae mandaña ilegña si Pilato nu sija: Jaye malagonmiyo jusottaye jamyo? Si Barabas pat si Jesus, ni mafanaan Cristo?

¹⁷Y juntos ellos, les dijo Pilato; ¿Cuál queréis que os suelte? ¿á Barrabás ó á Jesús que se dice el Cristo?

¹⁸Sa jatungoja na pot embidiañija muna maentrega güe.

¹⁸Porque sabía que por envidia le habían entregado.

¹⁹¶ Ya anae estaba güe na matatachong gui tribuna, y asaguaña manago nu güiya, ilegña: Chamo umeentalo nu enao tunas na taotao; sa pago jupadedese megae sija gui güinife pot güiya.

¹⁹Y estando él sentado en el tribunal, su mujer envió á él, diciendo: No tengas que ver con aquel justo; porque hoy he padecido muchas cosas en sueños por causa de él.

²⁰Lao y prisipen y mamale sija, yan y manamco sija jasoyo y taotao sija, na ujagagao si Barabas, ya si Jesus, umapuno.

²⁰Mas los príncipes de los sacerdotes y los ancianos, persuadieron al pueblo que pidiese á Barrabás, y á Jesús matase.

²¹Ya y magalaje manope, ilegña nu sija: Jaye gui dos malagonmiyo jusottaye jamyo? Sija ilegñija: Si Barabas.

²¹Y respondiendo el presidente les dijo: ¿Cuál de los dos queréis que os suelte? Y ellos dijeron: á Barrabás.

²²Si Pilato ilegña nu sija: Ya jafa jufatinas as Jesus ni mafanaan Cristo? Todos sija ilegñija: Umatane gui quiluus.

²²Pilato les dijo: ¿Qué pues haré de Jesús que se dice el Cristo? Dícenle todos: Sea crucificado.

²³Ya ilegña: Jafa na taelaye finatinasña? Lao sija managang mas duro, ilegñija: Umatane gui quiluus.

²³Y el presidente les dijo: Pues ¿qué mal ha hecho? Mas ellos gritaban más, diciendo: Sea crucificado.

²⁴¶ Anae jalie si Pilato na taya jafa na probecho, lao mas y ninafanyaoyao, mañule janom ya jafagase y canaeña gui menan y taotao sija, ya ilegña: Taeisaoyo gui jâgâ este y tunas na taotao: lie jamyo.

²⁴Y viendo Pilato que nada adelantaba, antes se hacía más alboroto, tomando agua se lavó las manos delante del pueblo, diciendo: Inocente soy yo de la sangre de este justo veréis lo vosotros.

²⁵Ya manmanope todo y taotao sija ilegñija: Y jâgâña usaga guiya jame, yan y famaguonmame.

²⁵Y respondiendo todo el pueblo, dijo: Su sangre sea sobre nosotros, y sobre nuestros hijos.

²⁶Ayo nae masotta si Barabas, ya an munjayan mapanag si Jesus, maentrega para umaatane gui quiluus.

²⁶Entonces les soltó á Barrabás: y habiendo azotado á Jesús, le entregó para ser crucificado.

²⁷Ayo nae y sendalon y magalaje macone si Jesus gui pretorio, ya mandaña guiya güiya todo y manadan sendalo sija.

²⁷Entonces los soldados del presidente llevaron á Jesús al pretorio, y juntaron á él toda la cuadrilla;

²⁸Ya mapula y magaguña, ya manaminagago agaga na magagon anaco.

²⁸Y desnudándole, le echaron encima un manto de grana;

²⁹Ya mapolo gui iluña un corona na mafatinas ni títuca sija, yan un piao gui agapa na canaeña; ya mandimo gui menaña, ya mamofefea, ilegñija: Jafa talatmanu jao Ray Judio sija!

²⁹Y pusieron sobre su cabeza una corona tejida de espinas, y una caña en su mano derecha; é hincando la rodilla delante de él, le burlaban, diciendo: ­Salve, Rey de los Judíos!

³⁰Ya matolae güe, ya machule y piao ya mapanag y iluña.

³⁰Y escupiendo en él, tomaron la caña, y le herían en la cabeza.

³¹Ya anae munjayan mamofefea, mapula y magagon anaco, ya manaminagago ni magaguña, ya macone para umaatane gui quiluus.

³¹Y después que le hubieron escarnecido, le desnudaron el manto, y le vistieron de sus vestidos, y le llevaron para crucificarle.

³²¶ Ya anae jumajanao manasoda yan un taotao Sirene na y naanña si Simon: este maobliga para uchinilie ni quiluusña.

³²Y saliendo, hallaron á un Cireneo, que se llamaba Simón: á éste cargaron para que llevase su cruz.

³³¶ Ya anae manmato gui un lugat na mafanaan Golgota, cumequeilegña, y sagan calabera,

³³Y como llegaron al lugar que se llamaba Gólgotha, que es dicho, El lugar de la calavera,

³⁴Mannae para uguimen binagle, manadaña yan lalaet; ya anae jachague, ti malago jaguimen.

³⁴Le dieron á beber vinagre mezclado con hiel: y gustando, no quiso beber lo

³⁵Anae munjayan maatane gui quiluus, mandesapatta y magaguña, mayute suette sija gui jiloña; (para umacumple y mumayan masangan pot y profeta: Ujanaadesapatta y magagujo, ya y jilo y magagujo ufanmayute suette sija.)

³⁵Y después que le hubieron crucificado, repartieron sus vestidos, echando suertes: para que se cumpliese lo que fué dicho por el profeta: Se repartieron mis vestidos, y sobre mi ropa echaron suertes.

³⁶Ya manmatachong, ya maadadaje güe güije.

³⁶Y sentados le guardaban allí.

³⁷Ya mapolo gui iluña y mafaelaña, matugue: ESTE SI JESUS RAY Y JUDIO SIJA.

³⁷Y pusieron sobre su cabeza su causa escrita: ESTE ES JESUS EL REY DE LOS JUDIOS.

³⁸Ayo nae maatane yan güiya gui quiluus yan y dos na saque; y uno gui agapaña ya y otro gui acagüeña.

³⁸Entonces crucificaron con él dos ladrones, uno á la derecha, y otro á la izquierda.

³⁹¶ Ya y taotao na manmalolofan, masangane güe innataelaye, ya jayeyengyong y iluñija,

³⁹Y los que pasaban, le decían injurias, meneando sus cabezas,

⁴⁰Ya ilegñija: Jago y yumute papa y templo, ya y mina tres na jaane unnacajulo; libre maesajao; yaguin jago Lajin Yuus, tunog papa güenao gui quiluus.

⁴⁰Y diciendo: Tú, el que derribas el templo, y en tres días lo reedificas, sálvate á ti mismo: si eres Hijo de Dios, desciende de la cruz.

⁴¹Taegüinija locue mamofefea güe y prisipen mamale sija, yan y escriba sija, yan y Fariseo sija, yan y manamco na taotao sija, ilegñija:

⁴¹De esta manera también los príncipes de los sacerdotes, escarneciendo con los escribas y los Fariseos y los ancianos, decían:

⁴²Janalibre y palo, ya ti siñagüe janalibre na maesa. Güiya y Ray y Israel; polo ya utunog papa pago gui quiluus, ya ayo nae utajonggue güe.

⁴²á otros salvó, á sí mismo no puede salvar: si es el Rey de Israel, descienda ahora de la cruz, y creeremos en él.

⁴³Jaangoco si Yuus; polo ya ulinibre pago, yaguin malago nu güiya, sa ilegña: Güajo Lajin Yuus.

⁴³Confió en Dios: líbrele ahora si le quiere: porque ha dicho: Soy Hijo de Dios.

⁴⁴Y mañaque locue, ni y manmaatane yan güiya gui quiluus, manajuyonge güe locue.

⁴⁴Lo mismo también le zaherían los ladrones que estaban crucificados con él.

⁴⁵¶ Ya desde y mina saes na ora guaja jinemjom todo y jilo y tano, asta y mina nuebe na ora.

⁴⁵Y desde la hora de sexta fueron tinieblas sobre toda la tierra hasta la hora de nona.

⁴⁶Ya y mina nuebe na ora, si Jesus umagang nu y dangculon inagang ilegña: Eli, Eli, lama sabactani! cumequeilegña: Yuusso, Yuusso, jafa na undingo yo?

⁴⁶Y cerca de la hora de nona, Jesús exclamó con grande voz, diciendo: Eli, Eli, ¿lama sabachtani? Esto es: Dios mío, Dios mío, ¿por qué me has desamparado?

⁴⁷Ya y palo ni manestaba güije, majungog güe, ya ilegñija: Si Elias este jaaagang.

⁴⁷Y algunos de los que estaban allí, oyéndolo, decían: A Elías llama éste.

⁴⁸Ya enseguidas malago uno guiya sija, ya jachule y espongja y janafañopchop binagle, ya japolo gui un piao, ya janae güe para uguimen.

⁴⁸Y luego, corriendo uno de ellos, tomó una esponja, y la hinchió de vinagre, y poniéndola en una caña, dábale de beber.

⁴⁹Y palo ilegñija: Polo ya talie cao ufato si Elias ya uninalibre.

⁴⁹Y los otros decían: Deja, veamos si viene Elías á librarle.

⁵⁰¶ Ayo nae si Jesus, anae munjayan umagang talo otro biaje nu y dangculon inagang jaentrega y espiritu.

⁵⁰Mas Jesús, habiendo otra vez exclamado con grande voz, dió el espíritu.

⁵¹Ya estagüe y cottinan y templo na masise y dos pedaso, guinin sumanjilo asta y sumanpapa; ya y tano mayengyong, ya y acho sija mangoca.

⁵¹Y he aquí, el velo del templo se rompió en dos, de alto á bajo: y la tierra tembló, y las piedras se hendieron;

⁵²Ya y naftan sija manmababa ya megae na tataotao mañantos sija ni manmamaego, mangajulo;

⁵²Y abriéronse los sepulcros, y muchos cuerpos de santos que habían dormido, se levantaron;

⁵³Ya jumanao gui naftan, despues di quinajiloña, ya mato gui santos na siuda, ya manalie ya megae.

⁵³Y salidos de los sepulcros, después de su resurrección, vinieron á la santa ciudad, y aparecieron á muchos.

⁵⁴Ya y senturion, yan y mangaegue yan güiya na maadadaje si Jesus, anae malie y linao yan todo ayo sija y manmafatinas, mangosmaañao ya ilegñija: Sumen magajet na Lajin Yuus este.

⁵⁴Y el centurión, y los que estaban con él guardando á Jesús, visto el terremoto, y las cosas que habían sido hechas, temieron en gran manera, diciendo: Verdaderamente Hijo de Dios era éste.

⁵⁵Ya mangaegue güije megae na famalaoan na manmanaatan gui chago, ni jadalalag si Jesus guine Galilea ya jasesetbe.

⁵⁵Y estaban allí muchas mujeres mirando de lejos, las cuales habían seguido de Galilea á Jesús, sirviéndole:

⁵⁶Gui entalo ayo sija si Maria Magdalena, yan si Maria nanan Santiago yan José, yan y nanan y famaguon Sebedeo.

⁵⁶Entre las cuales estaban María Magdalena, y María la madre de Jacobo y de José, y la madre de los hijos de Zebedeo.

⁵⁷¶ Ya anae este pupuenge güije na jaane, mato un taotao Arimatea, na rico, na y naanña si José, na güiya locue disipulon Jesus.

⁵⁷Y como fué la tarde del día, vino un hombre rico de Arimatea, llamado José, el cual también había sido discípulo de Jesús.

⁵⁸Güiya mato gui as Pilato, ya jagagao y tataotao Jesus. Ayo nae si Pilato manago na umanae.

⁵⁸Este llegó á Pilato, y pidió el cuerpo de Jesús: entonces Pilato mandó que se le diese el cuerpo.

⁵⁹Ya jachule si José y tataotao, ya jabalutan ni un sabanas na gasgas,

⁵⁹Y tomando José el cuerpo, lo envolvió en una sábana limpia,

⁶⁰Ya japolo gui nuebo na naftanña, ni y finatinasñaja gui acho ni sacapico; ya janagalileque guato un dangculon acho y pettan y naftan, ya mapos.

⁶⁰Y lo puso en su sepulcro nuevo, que había labrado en la peña: y revuelta una grande piedra á la puerta del sepulcro, se fué.

⁶¹¶ Ya manestaba güije si Maria Magdalena, yan y otro Maria, na manmatatachong gui menan y naftan.

⁶¹Y estaban allí María Magdalena, y la otra María, sentadas delante del sepulcro.

⁶²¶ Ya y inagpaña na jaane, despues di y jaanen finamauleg, mandaña y prinsipen y mamale sija, yan y Fariseo sija gui as Pilato,

⁶²Y el siguiente día, que es después de la preparación, se juntaron los príncipes de los sacerdotes y los Fariseos á Pilato,

⁶³Ya ilegñija: Señot, injaso na ayo y dacon ilegña, anae estaba lalâlâ: Despues di tres na jaane, jucajulo talo.

⁶³Diciendo: Señor, nos acordamos que aquel engañador dijo, viviendo aún: Después de tres días resucitaré.

⁶⁴Enao mina fanago, ya umaasegura y naftan, asta y mina tres na jaane; sa noseaja ufanmato y disipulo sija an puenge ya ujasaque; ya ujaalog ni taotao sija: Cajulo esta gui entalo manmatae: ya y uttimo na linache udangculoña qui y finenana.

⁶⁴Manda, pues, que se asegure el sepulcro hasta el día tercero; porque no vengan sus discípulos de noche, y le hurten, y digan al pueblo: Resucitó de los muertos. Y será el postrer error peor que el primero.

⁶⁵Ilegña si Pilato nu sija: Inguaja un guatdianmiyo; janao, ya inasegura todo manu y ninasiñanmiyo.

⁶⁵Y Pilato les dijo: Tenéis una guardia: id, aseguradlo como sabéis.

⁶⁶Ayo nae manmapos sija, ya maadaje y naftan para umaasegura, ya maseyo y acho.

⁶⁶Y yendo ellos, aseguraron el sepulcro, sellando la piedra, con la guardia.