¹AYO nae quinene si Jesus ni Espiritu para y jalomtano para umatienta ni anite;

¹ENTONCES Jesús fué llevado del Espíritu al desierto, para ser tentado del diablo.

²Ya estaba umayunat cuarenta na jaane yan cuarenta na puenge ya despues ñalang.

²Y habiendo ayunado cuarenta días y cuarenta noches, después tuvo hambre.

³Ya mato guiya güiya y manienienta, ya ilegña: Yaguin jago lajin Yuus, tago este y acho ya ufamapan.

³Y llegándose á él el tentador, dijo: Si eres Hijo de Dios, di que estas piedras se hagan pan.

⁴Güiya manope ilegña: Matugue esta: Ti y panja uninalâlâ y taotao, lao y todo y sinangan ni y jumuyong gui pachot Yuus.

⁴Mas él respondiendo, dijo: Escrito está: No con solo el pan vivirá el hombre, mas con toda palabra que sale de la boca de Dios.

⁵Ayo nae ninamalofan ni anite gui santa na siuda; pinelo gui jilo torren diquique, iyon y templo.

⁵Entonces el diablo le pasa á la santa ciudad, y le pone sobre las almenas del templo,

⁶Y ilegña: Yaguin jago lajin Yuus, yutejao güine papa, sa matugue esta: Y angjet sija uninadje ya unquinajat ni canaeñija, para chaña y adengmo umatotpe contra y acho.

⁶Y le dice: Si eres Hijo de Dios, échate abajo; que escrito está: A sus ángeles mandará por ti, Y te alzarán en las manos, Para que nunca tropieces con tu pie en piedra.

⁷Si Jesus ilegña: Locue esta matugue, chamo tietienta y Señot, Yuusmo.

⁷Jesús le dijo: Escrito está además: No tentarás al Señor tu Dios.

⁸Tumalo ninamalofan ni anite gui un sabana na sentáquilo ya jafanue todo y raeno sija gui jilo y tano yan y minagofñija,

⁸Otra vez le pasa el diablo á un monte muy alto, y le muestra todos los reinos del mundo, y su gloria,

⁹Ya ilegña: Todo este sija junaejao yaguin dumimojao ya unadora yo.

⁹Y dícele: Todo esto te daré, si postrado me adorares.

¹⁰Ayonae si Jesus ilegña nu güiya: Janao Satanas, sa matugue esta, y Señot Yuusmo na güiyaja unadora yan güiyaja unsetbe.

¹⁰Entonces Jesús le dice: Vete, Satanás, que escrito está: Al Señor tu Dios adorarás y á él solo servirás.

¹¹Ayo nae diningo ni anite, ya y angjet sija manmato ya masetbe güe.

¹¹El diablo entonces le dejó: y he aquí los ángeles llegaron y le servían.

¹²¶ Anae jajungog si Jesus na si Juan esta mapongle, tumalo guato Galilea.

¹²Mas oyendo Jesús que Juan era preso, se volvió á Galilea;

¹³Ya jadingo Nasaret, mato Capernaum ya sumaga gui oriyan tase gui oriyan tanon Sabulon yan Neftalim.

¹³Y dejando á Nazaret, vino y habitó en Capernaum, ciudad marítima, en los confines de Zabulón y de Nephtalim:

¹⁴Para umacumple y guinin jasangan y profeta Isaias, na ilegña:

¹⁴Para que se cumpliese lo que fué dicho por el profeta Isaías, que dijo:

¹⁵Y tano Sabulon yan y tano Neftalim, chalan tase yan para otro banda guiya Jordan, Galilea y Gentiles.

¹⁵La tierra de Zabulón, y la tierra de Nephtalim, Camino de la mar, de la otra parte del Jordán, Galilea de los Gentiles;

¹⁶Ya y taotao sija nu y mañasaga gui jemjom, dangculo na manana liniiñija; y ayo sija nu y mañasaga tanon anineng y finatae, candet ufaninina.

¹⁶El pueblo asentado en tinieblas, Vió gran luz; Y á los sentados en región y sombra de muerte, Luz les esclareció.

¹⁷¶ Desde ayo jatutujon si Jesus sumetmon ya ilegña: Fanmañotsot, sa y raenon langet jijijot.

¹⁷Desde entonces comenzó Jesús á predicar, y á decir: Arrepentíos, que el reino de los cielos se ha acercado.

¹⁸¶ Ya anae jumajanao si Jesus gui tasen Galilea, jalie dos chumelo; si Simon mafanaan Pedro yan si Andres cheluña, na janatutunog y lagua gui tase sa manpescadot.

¹⁸Y andando Jesús junto á la mar de Galilea, vió á dos hermanos, Simón, que es llamado Pedro, y Andrés su hermano, que echaban la red en la mar; porque eran pescadores.

¹⁹Ya ilegña nu sija: Dalalag yo ya junafanpescadot taotao jamyo.

¹⁹Y díceles: Venid en pos de mí, y os haré pescadores de hombres.

²⁰Sija japolo y lagua sija ya madalalag güe.

²⁰Ellos entonces, dejando luego las redes, le siguieron.

²¹Anae jumanao güije, jalie otro dos chumelo, si Santiago lajin Sebedeo, yan si Juan cheluña, gui sajyan yan si tatañija as Sebedeo na jalememenda y laguañija; ya jaagang.

²¹Y pasando de allí vió otros dos hermanos, Jacobo, hijo de Zebedeo, y Juan su hermano, en el barco con Zebedeo, su padre, que remendaban sus redes; y los llamó.

²²Sija enseguidas japolo y sajyan yan si tatañija ya madalalag güe.

²²Y ellos, dejando luego el barco y á su padre, le siguieron.

²³¶ Ya jalilicue si Jesus iya Galilea mamanagüe gui sinagoga sija ya sumetmetmon ni raenon y evangelio, ya janafanjomlo todo y chetnot yan todo y pinite gui taotao;

²³Y rodeó Jesús toda Galilea, enseñando en las sinagogas de ellos, y predicando el evangelio del reino, y sanando toda enfermedad y toda dolencia en el pueblo.

²⁴Ya y matunaña matungo todo guiya Siria; ya maquenenee güe guato todo manmalango, ni guaja todo clasen chetnot yan pinite; y maninanite yan y manbababa yan y manparalitico; ya janafanjomlo.

²⁴Y corría su fama por toda la Siria; y le trajeron todos los que tenían mal: los tomados de diversas enfermedades y tormentos, y los endemoniados, y lunáticos, y paralíticos, y los sanó.

²⁵Ya madalalag güe linajyan taotao, guinin Galilea, yan guinin Decapolis, yan guinin Jerusalem, yan guinin Judea, yan y otro banda guiya Jordan.

²⁵Y le siguieron muchas gentes de Galilea y de Decápolis y de Jerusalem y de Judea y de la otra parte del Jordán.