¹YA enseguidas y egaan güije, y magas mamale yan y manamco, yan y escriba sija, yan todo y inetnon ofisiat manaconseja entaloñija, ya magode si Jesus, ya macone, ya maentrega si Pilato.

¹Immediately in the morning the chief priests, with the elders and scribes, and the whole council, held a consultation, and bound Jesus, and carried him away, and delivered him up to Pilate.

²Ya finaesen as Pilato, ilegña nu güiya: Jago y Ray Judios? Ya manope ilegña: Jago sumangan.

²Pilate asked him, “Are you the King of the Jews?” He answered, “So you say.”

³Ya mafaaela ni y magas mamale, megae sija na güinaja.

³The chief priests accused him of many things.

⁴Ya finaesen güe talo as Pilato, ilegña: Ti unfanope ni jafa? liija na minegae finaela contra jago.

⁴Pilate again asked him, “Have you no answer? See how many things they testify against you!”

⁵Lao si Jesus ti manope ni jafa; ayo mina ninamanman si Pilato.

⁵But Jesus made no further answer, so that Pilate marveled.

⁶¶ Ya ayo na gupot, y costumbre masosotta un preso, yanguin jagagao jaye y malagoñija.

⁶Now at the feast he used to release to them one prisoner, whom they asked of him.

⁷Ya guaja güije uno, y naanña si Barabas, na mapreso yan y mangachongña gui un jatsamiento; sija manmamuno anae mangajulo gui jatsamiento.

⁷There was one called Barabbas, bound with those who had made insurrection, men who in the insurrection had committed murder.

⁸Ya y linajyan taotao manmato jijot, ya jatutujon manmangaogao na ufatinas taegüije y guinen jafatinas guiya sija,

⁸The multitude, crying aloud, began to ask him to do as he always did for them.

⁹Lao si Pilato manope sija, ilegña: Manmalago jamyo na jusottaye jamyo y Ray Judios?

⁹Pilate answered them, saying, “Do you want me to release to you the King of the Jews?”

¹⁰Sa jatungo, na ayo na maentrega ni y magas mamale, pot y embidia.

¹⁰For he perceived that for envy the chief priests had delivered him up.

¹¹Lao y magas mamale jatago y taotao sija, na ujagagao na si Barabas umasotta.

¹¹But the chief priests stirred up the multitude, that he should release Barabbas to them instead.

¹²Ya si Pilato manope ilegña talo nu sija: Jafanae malagomiyo jufatinas ayo y infananaan Ray Judios?

¹²Pilate again asked them, “What then should I do to him whom you call the King of the Jews?”

¹³Ya managang talo ilegñija: Atane gui quiluus.

¹³They cried out again, “Crucify him!”

¹⁴Ayonae si Pilato, ilegña nu sija: Jafa na taelaye finatinasña? Ya mas managang, ilegñija: Atane gui quiluus.

¹⁴Pilate said to them, “Why, what evil has he done?” But they cried out exceedingly, “Crucify him!”

¹⁵Ya si Pilato, malago na ufanmagof y taotao sija, jasottaye sija si Barabas, ya maentrega si Jesus, anae munjayan masaulag, para umaatane gui quiluus.

¹⁵Pilate, wishing to please the multitude, released Barabbas to them, and handed over Jesus, when he had flogged him, to be crucified.

¹⁶¶ Ya maosgaejon ni y sendalo sija, guato gui patio mafanaan Pretorio; ya madaña todo y mangachong.

¹⁶The soldiers led him away within the court, which is the Praetorium; and they called together the whole cohort.

¹⁷Ya manaminagago púrpura, ya matufog un coronan tituca.

¹⁷They clothed him with purple, and weaving a crown of thorns, they put it on him.

¹⁸Ya matutujon masaluda, ilegñija: Jafa tatatmanojao Ray Judios!

¹⁸They began to salute him, “Hail, King of the Jews!”

¹⁹Ya mapanag y iluña ni y piao, ya matolae güe, yan mandidimo, ya maadodora güe.

¹⁹They struck his head with a reed, and spat on him, and bowing their knees, did homage to him.

²⁰Ya anae munjayan mamofeagüe, manajanao y púrpura, ya manaminagago ni y magaguñaja. Ya macone güe para umaatane gui quiluus.

²⁰When they had mocked him, they took the purple off of him, and put his own garments on him. They led him out to crucify him.

²¹¶ Ya manacatga uno ni y malolofan para ufañija, si Simon Sirineo, tatan Alejandro yan Rufo, na mato guinen y fangualuan, para uquinatgaye ni y quiluus Jesus.

²¹They compelled one passing by, coming from the country, Simon of Cyrene, the father of Alexander and Rufus, to go with them, that he might bear his cross.

²²Ya macone guato gui un lugat na y naanña Golgota: cumequeilegña, Sagan calabera.

²²They brought him to the place called Golgotha, which is, being interpreted, “The place of a skull.”

²³Ya manae guimenña, bino manadaña yan mira, lao ti jaresibe.

²³They offered him wine mixed with myrrh to drink, but he didn’t take it.

²⁴Ya maatane güe gui quiluus, manafacae ni magaguña; ya manrifa jaye uchinile cada uno.

²⁴Crucifying him, they parted his garments among them, casting lots on them, what each should take.

²⁵Ya y mina tres na ora, anae maatane güe gui quiluus.

²⁵It was the third hour, 9:00 A. M. and they crucified him.

²⁶Ya y tinigue y fumaaelagüe, matugue gui sanjilo. Y RAY JUDIOS.

²⁶The superscription of his accusation was written over him, “THE KING OF THE JEWS.”

²⁷Ya maatane dos na saque yan güiya: y uno gui agapaña, ya y otro gui acagüeña.

²⁷With him they crucified two robbers; one on his right hand, and one on his left.

²⁸(Ya macumple y tinigue ni y ilegña: Güiya, usaouao matufong yan y manisao.)

²⁸The Scripture was fulfilled, which says, “He was numbered with transgressors.” NU omits verse 28.

²⁹Ya macacase todo ni y manmalolofan, ya jayeyengyong y ilonñija, ya ilegñija: Ay! jago ni y unyulang y templo, ya unjatsa talo gui mina tres na jaane;

²⁹Those who passed by blasphemed him, wagging their heads, and saying, “Ha! You who destroy the temple, and build it in three days,

³⁰Satba maesajao, ya maela tunog papa güenao gui quiluus.

³⁰save yourself, and come down from the cross!”

³¹Taegüenaoja locue y magas mamale, manmanbotlelea gui entaloñija, ya ilegñija yan y escriba sija: Jasatba y palo, ya güiya na maesa ti siña güe jasatba.

³¹Likewise, also the chief priests mocking among themselves with the scribes said, “He saved others. He can’t save himself.

³²Si Cristo y Ray Israel, polo ya utunog pago gui quiluus, para utafanlie, ya utafanjonggue güe. Yan ayo y mangachochongña manmaatane gui quiluus madespresia güe.

³²Let the Christ, the King of Israel, now come down from the cross, that we may see and believe him. TR omits “him” ” Those who were crucified with him insulted him.

³³¶ Ya anae mato y mina saes na ora, jomjom todo y tano asta y mina nuebe na ora.

³³When the sixth hour or, noon had come, there was darkness over the whole land until the ninth hour. 3:00 PM

³⁴Ya y mina nuebe na ora, janagosagang si Jesus ilegña: Eli, Eli, lama sabactani? cumequeilegña: Yuusso, Yuusso, jafa muna undingoyo?

³⁴At the ninth hour Jesus cried with a loud voice, saying, “Eloi, Eloi, lama sabachthani?” which is, being interpreted, “My God, my God, why have you forsaken me?” Psalm 22:1

³⁵Ya palo ni y manotojgue gui oriyaña, anae majungog güe, ilegñija: Estagüe na jaaagang si Elias.

³⁵Some of those who stood by, when they heard it, said, “Behold, he is calling Elijah.”

³⁶Ya malago uno, ya jasupog y espongja gui binagle, ya japolo gui puntan y piao, ya janae para uguimen, ya ilegña: Poloja güe namaesa; ya utafanlie cao ufato si Elias, ya uninatunog.

³⁶One ran, and filling a sponge full of vinegar, put it on a reed, and gave it to him to drink, saying, “Let him be. Let’s see whether Elijah comes to take him down.”

³⁷Ya si Jesus umagang goságang, ya jaentrega y espiritu.

³⁷Jesus cried out with a loud voice, and gave up the spirit.

³⁸Ya y cottinan y templo, masisen dos pedaso, y sanjilo asta y sanpapa.

³⁸The veil of the temple was torn in two from the top to the bottom.

³⁹Ya anae y senturion ni y tumotojgue gui menaña, linie, na taegüenao jaentrega y espiritu, ilegña: Magajet na este na taotao Lajin Yuus.

³⁹When the centurion, who stood by opposite him, saw that he cried out like this and breathed his last, he said, “Truly this man was the Son of God!”

⁴⁰Ya mangaegue locue sija famalaoan, na maaatan gui chago, ya entre sija estaba si Maria Magdalena, yan si Maria nanan Santiago y patgon, yan si José, yan si Salome;

⁴⁰There were also women watching from afar, among whom were both Mary Magdalene, and Mary the mother of James the less and of Joses, and Salome;

⁴¹Ni y anae estaba güe guiya Galilea, madalalag güe, ya masetbe güe; yan megae sija na famalaoan mangachochongña julo guiya Jerusalem.

⁴¹who, when he was in Galilee, followed him, and served him; and many other women who came up with him to Jerusalem.

⁴²¶ Ya anae estaba pupuenge, sa ayo na jaane y Preparasion, cumequeilegña y jaane antes di y sábado,

⁴²When evening had now come, because it was the Preparation Day, that is, the day before the Sabbath,

⁴³Mato si José, taotao Arimatea, mauleg na taotao na pápagat, ni y jananangga locue y raenon Yuus; ya mapos yan atrebe malag as Pilato, ya jagagao y tataotao Jesus.

⁴³Joseph of Arimathaea, a prominent council member who also himself was looking for the Kingdom of God, came. He boldly went in to Pilate, and asked for Jesus’ body.

⁴⁴Ya ninamanman si Pilato, cao esta matae; ya jaagang y senturion, ya jafaesen cao esta matae algun tiempo.

⁴⁴Pilate marveled if he were already dead; and summoning the centurion, he asked him whether he had been dead long.

⁴⁵Ya anae jatungo gui senturion; janae si José ni y tataotao.

⁴⁵When he found out from the centurion, he granted the body to Joseph.

⁴⁶Ya güiya mamajan fino na magagao; ya janatunog y tataotaoña ya jabalutan ni y fino na magago, ya japolo gui un naftan ni maguadog gui acho, ya janagaliligue guato un acho, gui pettan y naftan.

⁴⁶He bought a linen cloth, and taking him down, wound him in the linen cloth, and laid him in a tomb which had been cut out of a rock. He rolled a stone against the door of the tomb.

⁴⁷Ya si Maria Magdalena, yan si Maria nanan José, jalie amano nae mapolo.

⁴⁷Mary Magdalene and Mary, the mother of Joses, saw where he was laid.