¹GAEASE nu guajo, O Yuus, gaease nu guajo; sa y antijo guinegüe güe guiya jago: magajet, y anineng y papamo ugogüeyo asta qui manmalofan y chinatsaga.

¹Be merciful to me, God, be merciful to me, for my soul takes refuge in you. Yes, in the shadow of your wings, I will take refuge, until disaster has passed.

²Bae juagang si Yuus Gueftaquilo; si Yuus ni y jafatinas todo y güinaja para guajo.

²I cry out to God Most High, to God who accomplishes my requests for me.

³Ufanago guinin y langet ya unalibreyo; anae jalalatde ayo y malago pumañotyo. Sila. Si Yuus utago y minaaseña yan y minagajetña.

³He will send from heaven, and save me, he rebukes the one who is pursuing me. Selah. God will send out his loving kindness and his truth.

⁴Y antijo gaegue gui entalo y león sija: ya umaasonyo gui entalo ayo sija y minañila guafe, junggan, yan y lalajin taotao sija ni y nifenñija y lansa sija, yan flecha sija, ya y jilañija malagtos na espada.

⁴My soul is among lions. I lie among those who are set on fire, even the sons of men, whose teeth are spears and arrows, and their tongue a sharp sword.

⁵Nadangculojao gui jilo y langet, O Yuus; polo y inenramo todo gui sanjilo tano.

⁵Be exalted, God, above the heavens! Let your glory be above all the earth!

⁶Jagas mamatinas laso, para y pinecatto; y antijo tumecon papa; jagas manmaguadog joyo gui menajo; ya sija mamodong maesaja gui taloloja. Sila.

⁶They have prepared a net for my steps. My soul is bowed down. They dig a pit before me. They fall into its midst themselves. Selah.

⁷Y corasonjo, esta meton, O Yuus, y corasonjo esta meton; bae jucanta, magajetja, jucanta alabansa sija.

⁷My heart is steadfast, God, my heart is steadfast. I will sing, yes, I will sing praises.

⁸Fagmata, inenrajo; fagmata, guitala yan atpa; guajoja na maesa magmatayo taftaf.

⁸Wake up, my glory! Wake up, psaltery and harp! I will wake up the dawn.

⁹Bae junaetjao grasias, O Jeova, gui entalo y taotao sija; jucantayejao alabansa sija gui entalo y nasion sija.

⁹I will give thanks to you, Lord, among the peoples. I will sing praises to you among the nations.

¹⁰Sa asta y langet, dangculo y minaasemo, yan asta y mapagajes y minagajetmo.

¹⁰For your great loving kindness reaches to the heavens, and your truth to the skies.

¹¹Nadangculojao gui jilo y langet, O Yuus; polo y minalagmo todo gui sanjilo y tano.

¹¹Be exalted, God, above the heavens. Let your glory be over all the earth.