¹And he said to his disciples, It cannot be but that offences come, but woe [to him] by whom they come!

¹Ug siya miingon sa iyang mga tinon-an: Dili mahimo; apan nga moabut gayud ang mga kahigayonan sa pagkapangdol; apan alaut kadtong tungod kaniya moabut sila.

²It would be [more] profitable for him if a millstone were hanged about his neck and he cast into the sea, than that he should be a snare to one of these little ones.

²Maayo pa kaniya nga pagahiktan siya sa iyang liog ug usa ka galingang bato, ug igatambog siya sa dagat, kay sa magapapangdol siya sa usa niining mga gagmay.

³Take heed to yourselves: if thy brother should sin, rebuke him; and if he should repent, forgive him.

³Matngoni ninyo ang inyong kaugalingon; kong ang imong igsoon makasala batok kanimo, badlongon mo siya; ug kong siya maghinulsol, pasayloa siya.

⁴And if he should sin against thee seven times in the day, and seven times should return to thee, saying, I repent, thou shalt forgive him.

⁴Ug kong siya makasala batok kanimo sa makapito sulod sa usa ka adlaw, ug sa makapito magabalik kanimo sa pag-ingon: Nagahinulsol ako; pasayloon mo siya.

⁵And the apostles said to the Lord, Give more faith to us.

⁵Ug ang mga apostoles miingon sa Ginoo: Dugangi ang among pagtoo.

⁶But the Lord said, If ye have faith as a grain of mustard [seed], ye had said to this sycamine tree, Be thou rooted up, and be thou planted in the sea, and it would have obeyed you.

⁶Ug ang Ginoo miingon: Kong kamo adunay pagtoo nga ingon sa usa ka lugas nga mostaza, magaingon kamo niining kahoyng sicomoro: Maibut ka sa gamut, ug matanum ka sa dagat; ug kana magasugot kaninyo.

⁷But which of you [is there] who, having a bondman ploughing or shepherding, when he comes in out of the field, will say, Come and lie down immediately to table?

⁷Apan kinsa kaninyo nga adunay usa ka ulipon nga nagadaro, kun nagabantay ug mga carnero, nga magaingon kaniya sa nahauli siya gikan sa kapatagan: Umari ka gilayon ug maglingkod sa lamesa?

⁸But will he not say to him, Prepare what I shall sup on, and gird thyself and serve me that I may eat and drink; and after that *thou* shalt eat and drink?

⁸Ug dili ba hinoon magaingon kaniya: Hikaya ang igapanihapon ko, ug magbakus ka ug mag-alagad kanako hangtud nga ako makakaon ug makainum; ug sa human niini mokaon ug moinum ka?

⁹Is he thankful to the bondman because he has done what was ordered? I judge not.

⁹Magapasalamat ba siya niadto nga ulipon kay naghimo sa gisugo kaniya? Nagadahum ako nga dili.

¹⁰Thus *ye* also, when ye shall have done all things that have been ordered you, say, We are unprofitable bondmen; we have done what it was our duty to do.

¹⁰Ingon usab niini kamo: kong nakahimo kamo sa tanang gisugo kaninyo, moingon kamo: Kami mga ulipon nga walay pulos, kay gihimo lamang namo ang katungdanan namong pagabuhaton.

¹¹And it came to pass as he was going up to Jerusalem, that he passed through the midst of Samaria and Galilee.

¹¹Ug nahitabo, sa nagapadulong sila sa Jerusalem, nga siya miagi sa kadaplinan sa Samaria ug sa Galilea.

¹²And as he entered into a certain village ten leprous men met him, who stood afar off.

¹²Ug sa misulod siya sa usa ka balangay, may misugat kaniya nga napulo ka mga tawo nga sanlahon nga nagtindog sa halayo.

¹³And they lifted up [their] voice saying, Jesus, Master, have compassion on us.

¹³Ug gipatugbaw nila ang ilang mga tingog sa pag-ingon: Jesus, Magtutudlo, kaloy-i kami.

¹⁴And seeing [them] he said to them, Go, shew yourselves to the priests. And it came to pass as they were going they were cleansed.

¹⁴Ug sa iyang nakita sila, siya miingon kanila: Lumakaw kamo ug magpakita sa mga sacerdote. Ug nahatabo nga sa nagalakaw sila, nangahinlo sila.

¹⁵And one of them, seeing that he was cured, turned back, glorifying God with a loud voice,

¹⁵Ug ang usa kanila, sa pagkakita nga siya nahinlo, mibalik nga nagadayeg sa Dios sa makusog nga tingog;

¹⁶and fell on [his] face at his feet giving him thanks: and *he* was a Samaritan.

¹⁶Ug siya mihapa sa mga tiil ni Jesus sa pagpasalamat kaniya, ug siya usa ka Samariahanon.

¹⁷And Jesus answering said, Were not the ten cleansed? but the nine, where [are they]?

¹⁷Ug sa mitubag si Jesus, miingon: Wala ba magmahinlo ang napulo? Apan hain ang siyam?

¹⁸There have not been found to return and give glory to God save this stranger.

¹⁸Wala bay bisan kinsa kanila nga mibalik sa paghimaya sa Dios, gawas niining dumoduong?

¹⁹And he said to him, Rise up and go thy way: thy faith has made thee well.

¹⁹Ug siya miingon kaniya: Tumindog ug lumakaw ka, ang imong pagtoo maoy nagluwas kanimo.

²⁰And having been asked by the Pharisees, When is the kingdom of God coming? he answered them and said, The kingdom of God does not come with observation;

²⁰Ug sa gipangutana siya sa mga Fariseo kong anus-a moabut ang gingharian sa Dios, siya mitubag kanila ug miingon: Dili moanhi ang gingharian sa Dios pinaagi sa mga pagpaminaw.

²¹nor shall they say, Lo here, or, Lo there; for behold, the kingdom of God is in the midst of you.

²¹Ug dili usab sila magaingon: Ania dinhi! kun, Atua didto! Kay ania karon, ang gingharian sa Dios anaa kaninyo.

²²And he said to the disciples, Days are coming, when ye shall desire to see one of the days of the Son of man, and shall not see [it].

²²Ug siya miingon sa iyang mga tinon-an: Moabut ang mga adlaw nga buot unta kamo motan-aw ug usa sa mga adlaw sa Anak sa tawo, ug dili ninyo kini hikit-an.

²³And they will say to you, Lo here, or Lo there; go not, nor follow [them].

²³Ug sila magaingon kaninyo: Ania dinhi! kun, Atua didto! Dili kamo manlakat, ug dili usab kamo magsunod kanila.

²⁴For as the lightning shines which lightens from [one end] under heaven to [the other end] under heaven, thus shall the Son of man be in his day.

²⁴Kay ingon sa kilat, sa magadan-ag kini gikan sa usa ka bahin sa ilalum sa langit, magadan-ag usab ngadto sa usa ka bahin sa ilalum sa langit; ingon niini usab ang Anak sa tawo sa iyang adlaw.

²⁵But first he must suffer many things and be rejected of this generation.

²⁵Apan kinahanglan una siya magaantus ug daghang mga butang; ug igasalikway niini nga kaliwatan.

²⁶And as it took place in the days of Noe, thus also shall it be in the days of the Son of man:

²⁶Ug ingon sa nahatabo sa mga adlaw ni Noe, mao usab sa mga adlaw sa Anak sa tawo.

²⁷they ate, they drank, they married, they were given in marriage, until the day that Noe entered into the ark, and the flood came and destroyed all [of them];

²⁷Nanagpangaon sila, nanagpanginum, nanagpangasawa, gipangasawa, hangtud sa adlaw nga misulod si Noe sa arca, ug miabut ang lunop ug naglaglag kanilang tanan.

²⁸and in like manner as took place in the days of Lot: they ate, they drank, they bought, they sold, they planted, they builded;

²⁸Mao usab sumala sa nahitabo sa mga ad law ni Lot: nanagpangaon sila, nanagpanginum, nanagpamalit, nanagpamaligya, nanagpananum, nanagpatindog ug mga puloy-anan.

²⁹but on the day that Lot went out from Sodom, it rained fire and sulphur from heaven, and destroyed all [of them]:

²⁹Apan sa adlaw nga mipahawa si Lot sa Sodoma, miulan ug kalayo ug azufre gikan sa langit, ug milaglag kanilang tanan.

³⁰after this [manner] shall it be in the day that the Son of man is revealed.

³⁰Mao usab ang mahatabo sa adlaw nga igapadayag ang Anak sa tawo.

³¹In that day, he who shall be on the housetop, and his stuff in the house, let him not go down to take it away; and he that is in the field, let him likewise not return back.

³¹Niadtong adlawa, siya nga anaa sa ibubungan, ug ang iyang mga butang anaa sa sulod sa balay, dili siya manaug sa pagkuha kanila; ug siya nga anaa sa kapatagan dili usab magabalik.

³²Remember the wife of Lot.

³²Hinumdumi ninyo ang asawa ni Lot.

³³Whosoever shall seek to save his life shall lose it, and whosoever shall lose it shall preserve it.

³³Bisan kinsa nga magapaninguha sa pagluwas sa iyang kinabuhi, mawala kini kaniya; apan bisan kinsa nga mawad-an sa iyang kinabuhi, maluwas kini niya.

³⁴I say to you, In that night there shall be two [men] upon one bed; one shall be seized and the other shall be let go.

³⁴Nagaingon ako kaninyo nga niadtong gabhiona may duha ka tawo sa usa ka higdaanan; ang usa pagakuhaon ug ang usa pagabiyaan;

³⁵Two [women] shall be grinding together; the one shall be seized and the other shall be let go.

³⁵May duha ka babaye nga magaabay paggaling; ang usa pagadad-on ug ang usa pagabiyaan;

³⁶[Two men shall be in the field; the one shall be seized and the other let go.]

³⁶May duha ka tawo nga anaa sa kapatagan; ang usa pagadad-on ug ang usa pagabiyaan.

³⁷And answering they say to him, Where, Lord? And he said to them, Where the body [is], there the eagles will be gathered together.

³⁷Ug sila mingtubag ug nanag-ingon kaniya: Hain, Ginoo? Ug siya miingon kanila: Kong hain ang lawas, didto magatigum ang mga agila.