¹For this reason *I* Paul, prisoner of the Christ Jesus for you nations,

¹¶ Na konei taku, ta Paora, he herehere nei ahau na Karaiti Ihu, hei mahi ki a koutou ki nga Tauiwi;

²(if indeed ye have heard of the administration of the grace of God which has been given to me towards you,

²Kua rongo pea koutou ki te mahi tuari i te aroha noa o te Atua kua homai nei ki ahau, hei mea ki a koutou:

³that by revelation the mystery has been made known to me, (according as I have written before briefly,

³Ara tana whakakitenga, tana whakaaturanga i te mea ngaro ki ahau; he pera hoki me ena kupu torutoru i tuhituhia na e ahau i mua;

⁴by which, in reading it, ye can understand my intelligence in the mystery of the Christ,)

⁴Ka oti i a koutou tena te korero, ka mohio koutou ki toku matauranga ki te mea ngaro a te Karaiti,

⁵which in other generations has not been made known to the sons of men, as it has now been revealed to his holy apostles and prophets in [the power of the] Spirit,

⁵Kihai nei i whakakitea i era atu whakatupuranga ki nga tama a te tangata, kihai i penei me te whakakitenga inaianei e te Wairua ki ana apotoro tapu ratou ko nga poropiti;

⁶that [they who are of] the nations should be joint heirs, and a joint body, and joint partakers of [his] promise in Christ Jesus by the glad tidings;

⁶Ara mo nga Tauiwi kia uru tahi ki nga taonga, kia tinana kotahi, kia whiwhi ngatahi ki ana mea i whakaari i mua i roto i a te Karaiti, he meatanga na te rongopai:

⁷of which I am become minister according to the gift of the grace of God given to me, according to the working of his power.

⁷Mo reira ahau i meinga nei hei minita, i runga i ta te aroha noa o te Atua, i homai nei ki ahau, he mahinga na tona kaha.

⁸To me, less than the least of all saints, has this grace been given, to announce among the nations the glad tidings of the unsearchable riches of the Christ,

⁸I homai ki ahau, ki te mea iti iho i te iti rawa o te hunga tapu katoa, tenei aroha noa, kia kauwhautia e ahau i roto i nga Tauiwi te taonga o te Karaiti e kore nei e taea te rapu;

⁹and to enlighten all [with the knowledge of] what is the administration of the mystery hidden throughout the ages in God, who has created all things,

⁹Kia whakakitea ano hoki e ahau ki nga tangata katoa te whiwhinga tahitanga ki te mea ngaro, ki te mea i huna nei inamata noa atu i roto i te Atua, nana nei i hanga nga mea katoa:

¹⁰in order that now to the principalities and authorities in the heavenlies might be made known through the assembly the all-various wisdom of God,

¹⁰Kia ai te hahi inaianei hei whakaatu ki nga rangatiratanga, ki nga mana i nga wahi o te rangi, i te maha o nga whakaaro nui o te Atua.

¹¹according to [the] purpose of the ages, which he purposed in Christ Jesus our Lord,

¹¹I runga i tana i whakatakoto ai i mua noa atu, he mea mahi nana i roto i to tatou Ariki, i a Karaiti Ihu:

¹²in whom we have boldness and access in confidence by the faith of him.

¹²Kei roto nei i a ia to tatou maiatanga me to tatou whakatatanga atu i te mea e u nei te whakaaro, he meatanga na te whakapono ki a ia.

¹³Wherefore I beseech [you] not to faint through my tribulations for you, which is your glory.

¹³Koia ahau ka mea nei kia kaua koutou e ngakaukore i oku tukinotanga mo koutou; ko to koutou kororia hoki tenei.

¹⁴For this reason I bow my knees to the Father [of our Lord Jesus Christ],

¹⁴¶ No konei i tuturi ai oku turi ki te Matua, o to tatou Ariki a Ihu Karaiti,

¹⁵of whom every family in [the] heavens and on earth is named,

¹⁵Nona nei te ingoa e huaina ana ki nga hapu katoa i te rangi, i te whenua,

¹⁶in order that he may give you according to the riches of his glory, to be strengthened with power by his Spirit in the inner man;

¹⁶Kia rite ki te nui rawa o tona kororia he homaitanga mana ki a koutou, kia pakari ai a roto i a koutou i te kaha o tona Wairua:

¹⁷that the Christ may dwell, through faith, in your hearts, being rooted and founded in love,

¹⁷Kia noho ai a te Karaiti ki roto ki o koutou ngakau, he mea whakapono; a, i te mea kua whai pakiaka, me te whai turanga mo koutou i roto i te aroha,

¹⁸in order that ye may be fully able to apprehend with all the saints what [is] the breadth and length and depth and height;

¹⁸Kia kaha ai koutou me te hunga tapu katoa ki te whakaaro i te whanui, i te roa, i te hohonu, i te tiketike,

¹⁹and to know the love of the Christ which surpasses knowledge; that ye may be filled [even] to all the fulness of God.

¹⁹A kia mohio ki te aroha o te Karaiti, e kore nei e taea te whakaaro; kia tino ki rawa ai koutou i te Atua.

²⁰But to him that is able to do far exceedingly above all which we ask or think, according to the power which works in us,

²⁰Na ki a ia, e kaha nei ki te mahi i nga mea nui whakaharahara, nui noa atu i nga mea katoa e inoi ai, e whakaaro ai tatou, he penei ano me te kaha e mahi nei i roto i a tatou,

²¹to him be glory in the assembly in Christ Jesus unto all generations of the age of ages. Amen).

²¹Waiho atu i a ia te kororia i roto i te hahi i runga i a Karaiti Ihu, a taea noatia nga whakatupuranga katoa, ake ake. Amine.