¹Paul, apostle, not from men nor through man, but through Jesus Christ, and God [the] Father who raised him from among [the] dead,

¹¶ Naku, na Paora, na te apotoro, kihai nei i tonoa e te tangata, kihai ano hoki ma roto i te tangata, engari i ma roto i a Ihu Karaiti, i te Atua Matua ano hoki, nana nei ia i whakaara i te hunga mate;

²and all the brethren with me, to the assemblies of Galatia.

²Na nga teina katoa hoki i ahau nei, ki nga hahi o Karatia.

³Grace to you, and peace, from God [the] Father, and our Lord Jesus Christ,

³Kia tau ki a koutou te aroha noa me te rangimarie, he mea na te Atua Matua, na to tatou Ariki hoki, na Ihu Karaiti,

⁴who gave himself for our sins, so that he should deliver us out of the present evil world, according to the will of our God and Father;

⁴I tuku nei i a ia ano mo o tatou hara, kia whakaorangia ai tatou e ia i tenei ao kino, i runga i ta te Atua, i ta to tatou Matua i pai ai.

⁵to whom [be] glory to the ages of ages. Amen.

⁵Waiho atu i a ia te kororia ake ake. Amine.

⁶I wonder that ye thus quickly change, from him that called you in Christ's grace, to a different gospel,

⁶¶ Miharo tonu ahau ki te hohoro o to koutou nekehanga atu i te kaikaranga o koutou i runga i te aroha noa o te Karaiti ki tetahi rongopai ke:

⁷which is not another [one]; but there are some that trouble you, and desire to pervert the glad tidings of the Christ.

⁷Ehara nei ia i te mea ke atu; engari tena tetahi hunga e whakararuraru ana i a koutou, e mea ana kia whakaputaia ketia te rongopai o te Karaiti.

⁸But if even *we* or an angel out of heaven announce as glad tidings to you [anything] besides what we have announced as glad tidings to you, let him be accursed.

⁸Otira, ahakoa ko matou, ko tetahi anahera ranei o te rangi, ki te kauwhau i te rongopai ki a koutou, i te mea rere ke i ta matou i kauwhau ai ki a koutou, kia kanga ia.

⁹As we have said before, now also again I say, If any one announce to you as glad tidings [anything] besides what ye have received, let him be accursed.

⁹Kia rite ki ta matou i ki ai i mua, ka ki ano ahau inaianei, ki te puta ke te kauwhau a tetahi ki a koutou i tera kua riro i a koutou, kia kanga ia.

¹⁰For do I now seek to satisfy men or God? or do I seek to please men? If I were yet pleasing men, I were not Christ's bondman.

¹⁰¶ He tangata ranei, ko te Atua ranei, taku e kukume nei? he tangata ranei aku e whai nei kia whakamanawarekatia? mehemea kei runga tonu ahau i te whakamanawareka tangata, ehara ahau i te pononga na te Karaiti.

¹¹But I let you know, brethren, [as to] the glad tidings which were announced by me, that they are not according to man.

¹¹Na, kia mohio mai koutou, e oku teina, ko te rongopai i kauwhautia e ahau, ehara i te tangata.

¹²For neither did I receive them from man, neither was I taught [them], but by revelation of Jesus Christ.

¹²Ehara hoki na te tangata i riro mai ai i ahau, nana ranei i whakaako ki ahau, engari i haere mai ki ahau ra te whakakitenga mai a Ihu Karaiti.

¹³For ye have heard [what was] my conversation formerly in Judaism, that I excessively persecuted the assembly of God, and ravaged it;

¹³Kua rongo na hoki koutou ki taku whakahaere i mua i runga i ta nga Hurai tikanga, nui atu hoki taku tukino i te hahi a te Atua, mongamonga ana i ahau:

¹⁴and advanced in Judaism beyond many [my] contemporaries in my nation, being exceedingly zealous of the doctrines of my fathers.

¹⁴I hipa noa atu ahau ki mua i etahi tokomaha tonu o matou, rite nga tau ki oku, i waenganui i toku iwi ki te tikanga a nga Hurai, hira noa atu hoki toku ngakau ki nga whakarerenga iho a oku matua.

¹⁵But when God, who set me apart [even] from my mother's womb, and called [me] by his grace,

¹⁵Otira i te mea ka pai te Atua, nana nei ahau i momotu mai i roto tonu i te kopu o toku whaea, i karanga hoki, he meatanga na tona aroha noa,

¹⁶was pleased to reveal his Son in me, that I may announce him as glad tidings among the nations, immediately I took not counsel with flesh and blood,

¹⁶Ki te whakakite i tana Tama i roto i ahau, kia kauwhautia ai ia e ahau ki nga tauiwi; i reira tonu iho kihai ahau i korerorero ki te kikokiko, ki te toto:

¹⁷nor went I up to Jerusalem to those [who were] apostles before me; but I went to Arabia, and again returned to Damascus.

¹⁷Kihai ano ahau i haere atu ki Hiruharama, ki te hunga i apotoro i mua i ahau; heoi haere ana ahau ki Arapia, a hoki ana mai ki Ramahiku.

¹⁸Then after three years I went up to Jerusalem to make acquaintance with Peter, and I remained with him fifteen days;

¹⁸A muri iho i te takanga o nga tau e toru ka haere ake ahau ki Hiruharama kia kite i a Pita, a tekau ma rima nga ra i noho ai ahau ki a ia.

¹⁹but I saw none other of the apostles, but James the brother of the Lord.

¹⁹Engari kihai ahau i kite i tetahi atu o nga apotoro, ko Hemi anake, ko te teina o te Ariki.

²⁰Now what I write to you, behold, before God, I do not lie.

²⁰Na, ko nga mea e tuhituhia atu nei e ahau ki a koutou, nana, kei te aroaro tenei o te Atua, kahore aku teka.

²¹Then I came into the regions of Syria and Cilicia.

²¹Muri iho ka haere ahau ki nga wahi o Hiria, o Kirikia;

²²But I was unknown personally to the assemblies of Judaea which [are] in Christ;

²²Kihai ano toku mata i mohiotia e nga hahi o Huria i roto i a te Karaiti:

²³only they were hearing that he who persecuted us formerly now announces the glad tidings of the faith which formerly he ravaged:

²³I rongo kau ratou, Ko te tangata tukino i a matou i mua, e kauwhautia ana e ia inaianei te whakapono i whakangaromia ra e ia.

²⁴and they glorified God in me.

²⁴A whakakororia ana ratou i te Atua mo tana ki ahau.