¹For the rest, brethren, pray for us, that the word of the Lord may run and be glorified, even as also with you;

¹Murhe palune vorbi tumenge amare phral si te rhugin tume anda amende, saxke e Vorba le Kristoski te zhal angle, ai te ashundiol sigo, ai te avel respektime, sar sas tumende.

²and that we may be delivered from bad and evil men, for faith [is] not [the portion] of all.

²Ai rhugin tume vi te ankalavel ame O Del katar le manush le chorhe ai le bi lashe: ke chi mangen sa le manush te pachanpe.

³But the Lord is faithful, who shall establish you and keep [you] from evil.

³Numa O Kristo shoxar chi mekel ame. Wo dela tume zor ai arakhela tume katar o nasulimos.

⁴But we trust in the Lord as to you, that the things which we enjoin, ye both do and will do.

⁴Ai O Kristo del ame te na daras anda tumende; ke tume keren ai tume kerena le dieli kai ame phendiam tumenge.

⁵But the Lord direct your hearts into the love of God, and into the patience of the Christ.

⁵O Kristo te ingerel tumare ile karing e dragostia le Devleski ai karing e rhavda kai del O Kristo.

⁶Now we enjoin you, brethren, in the name of our Lord Jesus Christ, that ye withdraw from every brother walking disorderly and not according to the instruction which he received from us.

⁶Amare phral, mangas tumendar ando anav le Kristosko: te durion katar sa le phral kai traiin andek traio kai nai lashai chi lenpe pala so phendiam lenge.

⁷For ye know yourselves how ye ought to imitate us, because we have not walked disorderly among you;

⁷Tume zhanen mishto sar trobul te keren saxe te len tume pala amende. Ke chi traiisardiam bi malades kana samas tumende.

⁸nor have we eaten bread from any one without cost; but in toil and hardship working night and day not to be chargeable to any one of you:

⁸Ame chi mekliam te pravarel ame khonik ivia. Numa kerdiam buchi ai butivar samas defielo chine. Ame kerdiam buchi vi adiese ai vi e riate saxke te na dela ame khonik kanchi anda tumende.

⁹not that we have not the right, but that we might give ourselves as an example to you, in order to your imitating us.

⁹Ame kerdiam kadia, na ke amenge slobodo te premisaras tumaro zhutimos; numa ke mangliam te sikavas tumenge sar te keren.

¹⁰For also when we were with you we enjoined you this, that if any man does not like to work, neither let him eat.

¹⁰Chaches kana samas tumende ame phendiam tumenge, "Ke kodo kai chi mangel te kerel buchi chi trobul te xal."

¹¹For we hear that [there are] some walking among you disorderly, not working at all, but busybodies.

¹¹Ame dasas duma tumensa kadia ke ashundiam ke uni anda tumende kandine le ai chi keren kanchi, ferdi amimpe kal kolavrenge dieli.

¹²Now such we enjoin and exhort in [the] Lord Jesus Christ, that working quietly they eat their own bread.

¹²Kodole manushenge ame mangas ai phenas kacha diela ando anav le Kristosko, te keren buchi swako dies saxke te avel le so trobul le.

¹³But *ye*, brethren, do not faint in well-doing.

¹³Numa tume murhe phral, na aterdion te keren o mishtimos.

¹⁴But if any one obey not our word by the letter, mark that man, and do not keep company with him, that he may be ashamed of himself;

¹⁴Te si vari kon kai chi pachal o mui kal dieli kai ame phenas ande kado lil. Len sama kon si, ai na mai phiren lesa, saxke te avel leske lazhav.

¹⁵and do not esteem him as an enemy, but admonish [him] as a brother.

¹⁵Numa na keren lesa sar te avino tumaro duzhmano; numa sicharen les sar ieke phrales.

¹⁶But the Lord of peace himself give you peace continually in every way. The Lord [be] with you all.

¹⁶O Kristo kai del e pacha, te del tume wo e pacha sagda, ai ande soste godi, O Kristo te avel tumensa savorhensa.

¹⁷The salutation by the hand of me, Paul, which is [the] mark in every letter; so I write.

¹⁷Murhe vastesa tradav kadala vorbi: but bax, zor ai sastimos katar o Pavlo. Dikh, sar ramov murho anav pe sa murhe lila: ai eta, sar ramov.

¹⁸The grace of our Lord Jesus Christ [be] with you all.

¹⁸O mishtimos amare Devlesko O Jesus Kristo te avel tumensa savorhensa. Amen.