¹Thou therefore, my child, be strong in the grace which [is] in Christ Jesus.

¹No tu, murho shav, le zor katar o lashimos kai si ame le Jesus Kristosa.

²And the things thou hast heard of me in the presence of many witnesses, these entrust to faithful men, such as shall be competent to instruct others also.

²So ashundian mande ke phendem angla but marturia, de kal manush kai si tu pachamos ande lende, ai kai won zhanena te sicharen vi le kolavren.

³Take thy share in suffering as a good soldier of Jesus Christ.

³Te avel tuke mishto andel vutuimata sar ek ketana le Jesus Kristosko kai chi mekel peski buchi.

⁴No one going as a soldier entangles himself with the affairs of life, that he may please him who has enlisted him as a soldier.

⁴Nai ketana kai marelpe ando marimos sai kerel buchi te traiil. Trobul te plachal kodoles kai thodia les ketana.

⁵And if also any one contend [in the games], he is not crowned unless he contend lawfully.

⁵Iek manush kai nashel, ai te nashela nashtil te niril de ferdi te lelape pala zakono.

⁶The husbandman must labour before partaking of the fruits.

⁶Ai koko kai bariarel kai kerdia e buchi e phari trobul te avel o pervo te lel so si lesko kana avel e vriama te chidel.

⁷Think of what I say, for the Lord will give thee understanding in all things.

⁷De tu mishto goji so phenav, ke O Kristo dela tu e goji te haliares swako fielo.

⁸Remember Jesus Christ raised from among [the] dead, of [the] seed of David, according to my glad tidings,

⁸De tu goji ka Jesus Kristo kai sas andino katar e martia kai traio, ai kai sas andai vitsa le Davidoski, sar mothol e lashi viasta ai ke me phenav le kolavrenge.

⁹in which I suffer even unto bonds as an evil-doer: but the word of God is not bound.

⁹Ai ke phenav pa kadia lashi viasta chinuime sim, ai vi phanglo sim le lantsonsa sar iek manush kai kerel nasulimos. Numa E Vorba le Devleski nai phangli andel lantsuria,

¹⁰For this cause I endure all things for the sake of the elect, that *they* also may obtain the salvation which [is] in Christ Jesus with eternal glory.

¹⁰anda kodia rhevdiv swako fielo po mishtimos kodolenge kai O Del alosardia, saxke vi won te sai avel le o skepimos kai si ando Jesus Kristo ai vi o luvudimos ande swako vriama.

¹¹The word [is] faithful; for if we have died together with [him], we shall also live together;

¹¹Kadala vorbi kai si te mothav chache le: "Te mulian le Kristosa, vi traiisaras lesa.

¹²if we endure, we shall also reign together; if we deny, *he* also will deny us;

¹²Ai te inkerasa lesa zhando gor, iame poronchisarasa lesa.

¹³if we are unfaithful, *he* abides faithful, for he cannot deny himself.

¹³Numa te shudasa les, vi wo shudela amen. Ame te na pachasa so mothol O Kristo kerel so mothol, ke wo nashtil te xoxavel pe pes."

¹⁴Of these things put in remembrance, testifying earnestly before the Lord not to have disputes of words, profitable for nothing, to the subversion of the hearers.

¹⁴Phen kado divano savorhenge, ai mang lendar sakonestar angla Del te na xanpe andal vorbi, ke kodia chi mol kanchi, de ferdi xasarela kodolen kai ashunen.

¹⁵Strive diligently to present thyself approved to God, a workman that has not to be ashamed, cutting in a straight line the word of truth.

¹⁵Ker mishto buchi saxke te mothol tuke O Del "Ke mishto kerdia," sar iek manush kai chi trobul te avel leske lazhav anda peski buchi, kai mothol vorta e Vorba le chachimaski.

¹⁶But profane, vain babblings shun, for they will advance to greater impiety,

¹⁶Durion katar le divanuria le intaino ai bi malade, ke kodola kai keren kadala dieli duriona mai but ai mai but katar O Del.

¹⁷and their word will spread as a gangrene; of whom is Hymenaeus and Philetus;

¹⁷Ke so won sicharen avela sar iek dukh kai si infeksion/pugnia ai kai xal e morchi, ai mashkar kodo narodo si o Himenaeus ai o Philetus.

¹⁸[men] who as to the truth have gone astray, saying that the resurrection has taken place already; and overthrow the faith of some.

¹⁸Won durile katar o chachimos, ai rimon bute manushen katar o pachamos, ke mothona ke O Kristo vunzhe avilo.

¹⁹Yet the firm foundation of God stands, having this seal, [The] Lord knows those that are his; and, Let every one who names the name of [the] Lord withdraw from iniquity.

¹⁹Numa le zurale fundani kai thodia O Del inkeren, ai eta le vorbi kai si ramome, "O Kristo zhanel peske manushen." ai "So godi manush kai mothol ke wo si le Kristosko trobul te duriol katar o nasulimos."

²⁰But in a great house there are not only gold and silver vessels, but also wooden and earthen; and some to honour, and some to dishonour.

²⁰Andek baro kher nai ferdi vasuria sumnakune ai rupune, si vi kashtune ai chikake; le pervo vasuria garade le le bare pachivenge, ai le kolaver pel prosto dies.

²¹If therefore one shall have purified himself from these, [in separating himself from them], he shall be a vessel to honour, sanctified, serviceable to the Master, prepared for every good work.

²¹Te vuzharelape vari kon anda sa o nasulimos kai ma phenav, kodo manush avela sar ek tiari kerdia anda sumnakai. Wo avela respektime, ai o gazda le kheresko thol les te kerel lashe dieli.

²²But youthful lusts flee, and pursue righteousness, faith, love, peace, with those that call upon the Lord out of a pure heart.

²²Durios katar le dieli le nasul kai si andel ginduria le ternenge, ai rode o chachimos, o pachamos, e dragostia, ai e pacha, kodolensa kai ieke vuzhe ilesa mangenpe katar O Kristo.

²³But foolish and senseless questionings avoid, knowing that they beget contentions.

²³Numa shude le divanuria le dzile ai le bi malade; ke zhanes ke kodia angerel kai chingar.

²⁴And a bondman of [the] Lord ought not to contend, but be gentle towards all; apt to teach; forbearing;

²⁴Ai e sluga le Devleske kai del duma pa Del chi trobul te xalpe. Numa trobul te avel lasho savorhensa, ai eta zhanel te sicharel, ai te avel manush kai si les rhavda,

²⁵in meekness setting right those who oppose, if God perhaps may sometime give them repentance to acknowledgment of [the] truth,

²⁵trobul te sicharel lashimasa kodolen kai nai vorta lesa; ke O Del dela le ambroim te sai parhudion ande pengo traio ai te aresen te zhanen o chachimos.

²⁶and that they may awake up out of the snare of the devil, [who are] taken by him, for *his* will.

²⁶Ai antunchi avena pe pengo gindo o lasho, ai anklena avri andal atsaimos le bengeske, kai astardia le ai kai kerelas le te keren leski voia.