¹And after five days came down the high priest Ananias, with the elders, and a certain orator called Tertullus, and laid their informations against Paul before the governor.

¹Pansh dies pala kodia avilo o baro rashai o Anianas ai avre manushensa mai phure, ai ieke ablakatosa ka busholas Tertullus, won avile karing o Felix ando Caesarea te thon dosh po Pavlo.

²And he having been called, Tertullus began to accuse, saying, Seeing we enjoy great peace through thee, and that excellent measures are executed for this nation by thy forethought,

²Akharde le Pavlos, ai o Tertullus liape te dosharel les, phenelas, "Tu kai san baro ando Caesarea, pala tute si ame iek bari pacha, ai but dieli kerdian te avel mishto amare themeske.

³we receive [it] always and everywhere, most excellent Felix, with all thankfulness.

³Ai so godi si ame, ande swako vriama, ai katar godi, ame naisisaras tuke.

⁴But that I may not too much intrude on thy time, I beseech thee to hear us briefly in thy kindness.

⁴Numa te na xasaras chi vriama, mangav ma tutar te ashunes ande cho lashimos so si ame te mothas tuke ande xantsi vorbi.

⁵For finding this man a pest, and moving sedition among all the Jews throughout the world, and a leader of the sect of the Nazaraeans;

⁵Ame arakhliam kadale manushes ek manush nai lasho, ai buntuil sa le Zhidovon ande lumia, ai o baro le Nazarengo.

⁶who also attempted to profane the temple; whom we also had seized, [and would have judged according to our law;

⁶Ai vi zumadia te marel mui katar o tampla, ai ame aterdiardiam les. Ame mangliam te das les pe kris pala amaro zakono,

⁷but Lysias, the chiliarch, coming up, took [him] away with great force out of our hands,

⁷numa o baro le ketanengo o Lysias kana avilo, lia les anda amare vas ai xaliape amensa.

⁸having commanded his accusers to come to thee;] of whom thou canst thyself, in examining [him], know the certainty of all these things of which we accuse him.

⁸Ai dia ordina kodolen kai thon dosh pe kado manush te aven tute. Dikhesa tu kana phushesa lestar ai ashunesa lestar sa le dieli, kai ame dosharas les."

⁹And the Jews also joined in pressing the matter against [Paul], saying that these things were so.

⁹Le Zhiduvuria mai zuravenas e dosh pe leste, ai mothonas ke kadia si.

¹⁰But Paul, the governor having beckoned to him to speak, answered, Knowing that for many years thou hast been judge to this nation, I answer readily as to the things which concern myself.

¹⁰Pala kodia o governori kerdia semno le Pavloske te del duma, o Pavlo dia atweto, "Zhanav ke tu san o baro kadale themesko de dumult, ai bi darako phenav angla tute ke chi sim doshalo.

¹¹As thou mayest know that there are not more than twelve days since I went up to worship at Jerusalem,

¹¹Sai dikhes tu korkorho ke nai mai but de sar desh u dui dies kai simas ande Jerusalem te rhugiv ma ka Del.

¹²and neither in the temple did they find me discoursing to any one, or making any tumultuous gathering together of the crowd, nor in the synagogues, nor in the city;

¹²Chi arakhle ma ande tampla, chi ande chi iek than, chi anda foro te dav duma varikasa, vai te chidav le narodos te buntuilpe.

¹³neither can they make good the things of which they now accuse me.

¹³Ai nai le so te sikaven te dosharen ma akana.

¹⁴But this I avow to thee, that in the way which they call sect, so I serve my fathers' God, believing all things which are written throughout the law, and in the prophets;

¹⁴Phenav tuke chachimasa, ke me kerav buchi le Devleski, O Del murhe dadengo, ai lav ma pala drom o nevo kai won mothon ke nai chacho, numa me pachav ma ande so godi si ramome ando zakono ai so mothon le profeturia.

¹⁵having hope towards God, which they themselves also receive, that there is to be a resurrection both of just and unjust.

¹⁵Ai si ma o pachamos ando Del, sar sas murhe daden ke zhuvindina, vi le manush kai si vorta ai vi le manush kai nai vorta.

¹⁶For this cause I also exercise [myself] to have in everything a conscience without offence towards God and men.

¹⁶Anda kodia thav murhi zor te avel sagda murho gindo bi doshako angla Del, ai angla manush.

¹⁷And after a lapse of many years I arrived, bringing alms to my nation, and offerings.

¹⁷But bersh gelemtar anda Jerusalem, numa akana avilem te anav zhutimos le lovensa ka murhe narodos.

¹⁸Whereupon they found me purified in the temple, with neither crowd nor tumult. But it was certain Jews from Asia,

¹⁸Uni Zhiduvuria andai Asia arakhle ma ande tampla vuzhardo. Nas narodo mansa, ai nas chi iek bunto.

¹⁹who ought to appear before thee and accuse, if they have anything against me;

¹⁹Won trobunas te aven tute, ai te mothon le dosha, kai won sas le pe mande.

²⁰or let these themselves say what wrong they found in me when I stood before the council,

²⁰Vai kakala te mothon, savestar baio won arakhle ke me sim doshalo, kana simas anglal bare kai keren la krisa.

²¹[other] than concerning this one voice which I cried standing amongst them: I am judged this day by you touching [the] resurrection of [the] dead.

²¹Vai amborim kai tsipisardem kana simas mashkar lende, ai kai phendem ke pachav ma ke le mule wushten, anda kodia dino sim pe kris adies angla tute."

²²And Felix, knowing accurately the things concerning the way, adjourned them, saying, When Lysias the chiliarch is come down I will determine your affair;

²²Ai o Felix zhanelas mishto kodo zakono, ai phendia, "Dikhasa mai angle pa kadia diela, kana o baro le ketanengo o Lysias avela, dikhava so kerava anda chi diela."

²³ordering the centurion to keep him, and that he should have freedom, and to hinder none of his friends to minister to him.

²³Ai dia ordina ka ek ketana te lel sama katar o Pavlo, te na nashel, numa te meken leske vortachen te dikhen les vai te den les vari so.

²⁴And after certain days, Felix having arrived with Drusilla his wife, who was a Jewess, he sent for Paul and heard him concerning the faith in Christ.

²⁴Xantsi dies pala kodia o Felix avilo peska rhomniasa, woi bushol Drusilla, woi si Zhidovaika. Ai akhardia le Paulos te ashunen sar del duma pa pachamos ando Kristo.

²⁵And as he reasoned concerning righteousness, and temperance, and the judgment about to come, Felix, being filled with fear, answered, Go for the present, and when I get an opportunity I will send for thee;

²⁵Numa o Pavlo delas duma sar te traiis ek traio vorta, ai te les tutar sama, ai e kris kai si te avel pe lumia, o Felix darailo, ai phendia, "Zhatar ai mai ashunava tute aver data kana avela ma vriama."

²⁶hoping at the same time that money would be given him by Paul: wherefore also he sent for him the oftener and communed with him.

²⁶Ai vi gindilas ke o Pavlo del les love, anda kodia akharela les butivar te del duma lesa.

²⁷But when two years were completed, Felix was relieved by Porcius Festus as his successor; and Felix, desirous to oblige the Jews, to acquire their favour, left Paul bound.

²⁷Dui bersh nakhle kadia, porme o Porcius Festus lia o than le governorosko o Felix, ai o Felix te avel drago le Zhidovonge, meklia le Pavlos ande temnitsa.