¹But Jesus, full of [the] Holy Spirit, returned from the Jordan, and was led by the Spirit in the wilderness

¹O Jesus pherdo sas le Swuntone Duxosko kana gelotar katar o Jordan, ai sas angerdo katar O Swunto Duxo ande pusta.

²forty days, tempted of the devil; and in those days he did not eat anything, and when they were finished he hungered.

²Kotse zumadia les o beng shtarvardesh dies ai chi xalia kanchi sa kodola dies, ai kana nakhle kodola dies bokhailo.

³And the devil said to him, If thou be Son of God, speak to this stone, that it become bread.

³Antunchi o beng phendia leske, "Te san tu O Shav le Devlesko, phen kadale bax te kerdion manrho."

⁴And Jesus answered unto him saying, It is written, Man shall not live by bread alone, but by every word of God.

⁴O Jesus dia les atweto, "E Vorba le Devleski mothol, 'O manush nashtil traiil ferdi anda manrho,'"

⁵And [the devil], leading him up into a high mountain, shewed him all the kingdoms of the habitable world in a moment of time.

⁵Porme o beng angerdia les mai opre, ai sikadia leske strazo sa le amperetsi la phuviake.

⁶And the devil said to him, I will give thee all this power, and their glory; for it is given up to me, and to whomsoever I will I give it.

⁶O beng phendia ka Jesus, "Dava tu sakadia putiera ai o barvalimos kadale amperetsiango, sa kadala dieli sas dini mange ai me sai dav le kaske mangav.

⁷If therefore *thou* wilt do homage before me, all [of it] shall be thine.

⁷Ferdi te desa changa angla mande dav le sa tuke."

⁸And Jesus answering him said, It is written, Thou shalt do homage to [the] Lord thy God, and him alone shalt thou serve.

⁸O Jesus dia les atweto, "E Vorba le Devleski mothol, 'Rhugisavo ka cho Del ai ferdi les podaisar.'"

⁹And he led him to Jerusalem, and set him on the edge of the temple, and said to him, If thou be Son of God, cast thyself down hence;

⁹Antunchi o beng angerdia les ando Jerusalem ai thodia les ta opre pe tampla, ai phendia les, "Te san tu O Shav le Devlesko, shude tu katsar tele.

¹⁰for it is written, He shall give charge to his angels concerning thee to keep thee;

¹⁰Ke ramome ande Vorba le Devleski, 'Ke O Del dela ordina peske angelon te arakhen tu.'

¹¹and on [their] hands shall they bear thee, lest in any wise thou strike thy foot against a stone.

¹¹Ai phenel, 'Ankerena tu pe penge vas te na dukhaves cho punrho po bax.'"

¹²And Jesus answering said to him, It is said, Thou shalt not tempt [the] Lord thy God.

¹²O Jesus dia les atweto, "E Vorba le Devleski mothol, 'Na zumav che Devles.'"

¹³And the devil, having completed every temptation, departed from him for a time.

¹³Kana o beng getosardia te zumavel le Kristos sar wo manglia, wo meklia les xantsi vriama.

¹⁴And Jesus returned in the power of the Spirit to Galilee; and a rumour went out into the whole surrounding country about him;

¹⁴O Jesus gelo palpale ande Galilee, ande putiera le Swuntone Duxoski. Sa o narodo delas duma pa leste kotsar.

¹⁵and *he* taught in their synagogues, being glorified of all.

¹⁵Wo sicharelas ande le synagoguria ai sa o narodo luvudisardia les.

¹⁶And he came to Nazareth, where he was brought up; and he entered, according to his custom, into the synagogue on the sabbath day, and stood up to read.

¹⁶O Jesus gelo ando Nazareth kotse kai barilo sas, iek dies kana sas Sabato gelo ande synagogue sar kerelas butivar. Wushtilo opre te jinel E Vorba le Devleski.

¹⁷And [the] book of the prophet Esaias was given to him; and having unrolled the book he found the place where it was written,

¹⁷Dine les e klishka le profetoske kai busholas Isaiah. Phuterdia la ai arakhlia kai si ramome,

¹⁸[The] Spirit of [the] Lord is upon me, because he has anointed me to preach glad tidings to [the] poor; he has sent me to preach to captives deliverance, and to [the] blind sight, to send forth [the] crushed delivered,

¹⁸"O Swunto Duxo le Devlesko pe mandelo, wo alosardia ma te anav e lashi viasta kal chorhe. Wo tradia ma te anav o skepimos kodolenge kai si phangle, ai te sastiarav le korhen, te skepiv le manushen kai si chinuime.

¹⁹to preach [the] acceptable year of [the] Lord.

¹⁹Te mothav o bersh kai sikadiola o lashimos le Devlesko."

²⁰And having rolled up the book, when he had delivered it up to the attendant, he sat down; and the eyes of all in the synagogue were fixed upon him.

²⁰Porme O Jesus phandadia e klishka ai dia la kal slugi la synagogaki ai beshlo tele. Sa o narodo kai sas ande synagogue dikhenas pe leste.

²¹And he began to say to them, To-day this scripture is fulfilled in your ears.

²¹Ai wo antunchi mothon lenge, "So jindem ande Vorba le Devleski sikadilia adies kana tume ashundian so jindem."

²²And all bore witness to him, and wondered at the words of grace which were coming out of his mouth. And they said, Is not this the son of Joseph?

²²Savorhe raduimesas karing O Jesus ai chudinaspe andal shukar vorbi kai motholas.

²³And he said to them, Ye will surely say to me this parable, Physician, heal thyself; whatsoever we have heard has taken place in Capernaum do here also in thine own country.

²³Ai mothonas, "Nai kado o shav le Josefosko?" O Jesus phendia lenge, "Suguro si te mothol mange, 'Dokxtoro, sastiar tu tut.' Ai vi mothon mange, 'Ashundiam, so godi kerdian ando foro kai bushol Capernaum, kerdian sa kodola dieli katse ande cho foro.'"

²⁴And he said, Verily I say to you, that no prophet is acceptable in his [own] country.

²⁴Porme mai phendia, "Phenav tumenge o chachimos, 'Chi iek profeto nai premisardo ande pesko foro kai kerdilo.

²⁵But of a truth I say to you, There were many widows in Israel in the days of Elias, when the heaven was shut up for three years and six months, so that a great famine came upon all the land,

²⁵Ashun mange, suguro ke sas but phivlia ande Israel, ande vriama kai sas o Elijah kana o breshind chi dia trin bersh ai dopash, ai ma nas xaben ando them.

²⁶and to none of them was Elias sent but to Sarepta of Sidonia, to a woman [that was] a widow.

²⁶Ai O Del chi tradia kudules kai bushol Elisha lende numa kai ek zhuvli ka ma nas la rhom kai traiilas andek foro kai busholas Zarephath karing Sidon.

²⁷And there were many lepers in Israel in the time of Elisha the prophet, and none of them was cleansed but Naaman the Syrian.

²⁷Ai sas vi but lepuria (manush kai chirniolas ka lenge morchi) ando Israel kana sas o profeto o Elisha, inker chi iek anda lende chi sastilo, numa iek manush kai busholas Namaan ande Syria."

²⁸And they were all filled with rage in the synagogue, hearing these things;

²⁸Savorhe ande synagogue sas xoliariko kana ashunde kodola vorbi.

²⁹and rising up they cast him forth out of the city, and led him up to the brow of the mountain upon which their city was built, so that they might throw him down the precipice;

²⁹Wushtilo opre, angerde O Jesus avri anda foro ai angerde les opre po plai kai lengo foro sas kerdo, te shuden les tele.

³⁰but *he*, passing through the midst of them, went his way,

³⁰Numa O Jesus nakhlo mashkar lende ai gelotar.

³¹and descended to Capernaum, a city of Galilee, and taught them on the sabbaths.

³¹Antunchi O Jesus gelo ando Capernaum, o foro ande Galilee, kai sicharelas le narodos dies savatosko.

³²And they were astonished at his doctrine, for his word was with authority.

³²Kodo narodo chudimesas sar sicharelas, ke O Jesus delas duma putierasa.

³³And there was in the synagogue a man having a spirit of an unclean demon, and he cried with a loud voice,

³³Ande synagogue sas iek manush kai sas ande leste ek beng; kodo manush tsipilas zurales.

³⁴saying, Eh! what have we to do with thee, Jesus, Nazarene? hast thou come to destroy us? I know thee who thou art, the Holy [One] of God.

³⁴"So manges amendar, Jesus andai Nazareth? Tu avilian te mudares ame? Zhanav mishto ke O Swunto san kai si tradino karar O Del!"

³⁵And Jesus rebuked him, saying, Hold thy peace, and come out from him. And the demon, having thrown him down into the midst, came out from him without doing him any injury.

³⁵O Jesus dia duma zurales le bengesa, ai dia les ordina te na mai del duma ai te anklel avri anda manush! O beng peredia kodole manushes pe phuv angla sa o narodo ai anklisto avri anda leste, bi te kerel leske chi iek baio.

³⁶And astonishment came upon all, and they spoke to one another, saying, What word [is] this? for with authority and power he commands the unclean spirits, and they come out.

³⁶Sa o narodo chudisailo ai mothonas iek kavreske, "Savata vorba? Kado manush del ordina putierasa ai zorasa le benges ai anklel avri!"

³⁷And a rumour went out into every place of the country round concerning him.

³⁷Ai porme katar godi o narodo delas duma pa Jesus ande kodo foro.

³⁸And rising up out of the synagogue, he entered into the house of Simon. But Simon's mother-in-law was suffering under a bad fever; and they asked him for her.

³⁸O Jesus gelotar andai synagogue ai gelo ka Simon leste khere. E sakra le Simonoski sas la e baro zharo, ai mangle katar O Jesus te sastiarel la.

³⁹And standing over her, he rebuked the fever, and it left her; and forthwith standing up she served them.

³⁹Pashilo karing late, ai dia duma zurales ai dia ordina le zharos, ai o zharo gelotar pa late, wushtilo opre ai podaisardia les.

⁴⁰And when the sun went down, all, as many as had persons sick with divers diseases, brought them to him, and having laid his hands on every one of them, he healed them;

⁴⁰Kana o kham pelo tele, sa kodola kai sa le naswale kai sas len but fialuria naswalimata. Andine le ka Jesus ai thodia le vas pe lende ai sastiardia le.

⁴¹and demons also went out from many, crying out and saying, *Thou* art the Son of God. And rebuking them, he suffered them not to speak, because they knew him to be the Christ.

⁴¹Ai vi but benga ankliste avri anda lende, ai tsipinas, "Tu san O Shav le Devlesko!" Numa O Jesus dias le trad te na mothon, ke zhanenas won ke wo sas o skepitori.

⁴²And when it was day he went out, and went into a desert place, and the crowds sought after him, and came up to him, and [would have] kept him back that he should not go from them.

⁴²Kana phuterdilo o dies O Jesus anklisto avri anda foro, ai gelotar vari kai te avel korkorho. But narodo rodelas les, kana arakhle les mangenas te ankeren les ai te na meken te zhaltar lendar.

⁴³But he said to them, I must needs announce the glad tidings of the kingdom of God to the other cities also, for for this I have been sent forth.

⁴³Numa O Jesus phendia lenge, "Trobul te phenav e lashi viasta le rhaioski le Devleski ande kolaver foruria, ke anda kodia O Del tradia ma."

⁴⁴And he was preaching in the synagogues of Galilee.

⁴⁴Vi delas duma pa Del ande le synagoguria ande Galilee.