¹Beginning of the glad tidings of Jesus Christ, Son of God;

¹E lashi viasta le Jesus Kristoski, O Shav le Devlesko.

²as it is written in [Isaiah] the prophet, Behold, *I* send my messenger before thy face, who shall prepare thy way.

²Ande klishka le profetoski sar ramosardia o Isaiah, O Del phenelas pa Iovano. Ashun! Tradava murho sluga mai anglal tutar te lasharel o drom tumenge.

³Voice of one crying in the wilderness, Prepare the way of [the] Lord, make his paths straight.

³Ek glaso kai del mui ande pusta, "Lashar o drom le Devlesko; keren leske vorta drom!"

⁴There came John baptising in the wilderness, and preaching [the] baptism of repentance for remission of sins.

⁴O Iovano o baptisto avilo ande pusta bolelas le manushen ai dia duma pa Del. Phenelas, "Kein tume anda tumare bezexa ai aven bolde.

⁵And there went out to him all the district of Judaea, and all they of Jerusalem, and were baptised by him in the river Jordan, confessing their sins.

⁵O Narodo avelas leste anda sa e Judea ai anda Jerusalem. Phende peske bezexale, ai o Iovano bolelas len ando pai Jordan.

⁶And John was clothed in camel's hair, and a leathern girdle about his loins, and ate locusts and wild honey.

⁶Le tsalia le Iovanoske sas kerde andal bal la gemulake, ai phiravelas prastia morchaki kruglom peske mashkar, xalas sarancha/grimptsuria ai avjin sirbatiko/divlo avjin.

⁷And he preached, saying, There comes he that is mightier than I after me, the thong of whose sandals I am not fit to stoop down and unloose.

⁷Wo dia duma pa Del, phenelas, "Kodo kai avela pala mande si mai baro mandar; chi sim dosta lasho te banjuav ai phutrav leske doria.

⁸*I* indeed have baptised you with water, but *he* shall baptise you with [the] Holy Spirit.

⁸Me bolav tume le paiesa, numa wo bolel tume le Swuntone Duxosa."

⁹And it came to pass in those days [that] Jesus came from Nazareth of Galilee, and was baptised by John at the Jordan.

⁹Ande kodia vriama, O Jesus avilo andai foro Nazareth, kai si ando them Galilee, ai o Iovano boldia les ando pai Jordan.

¹⁰And straightway going up from the water, he saw the heavens parting asunder, and the Spirit, as a dove, descending upon him.

¹⁰Kana O Jesus anklisto anda pai, strazo o cheri phuterdilo angla leste, ai O Duxo le Devlesko sar ek gulumbo xulelas ai avilo pe leste.

¹¹And there came a voice out of the heavens: *Thou* art my beloved Son, in thee I have found my delight.

¹¹Ai ek glaso anda rhaio phendia, "Tu san murho Shav kai si de sa mange drago. Kasa sim de sa raduime."

¹²And immediately the Spirit drives him out into the wilderness.

¹²Ai strazo O Jesus angerdosas katar O Swunto Duxo ande pusta.

¹³And he was in the wilderness forty days tempted by Satan, and was with the wild beasts; and the angels ministered to him.

¹³Ai sas kotse ande pusta shtarvardesh dies te avel zumado katar o beng. Ai sas kotse le chore zheganiasa, numa le angeluria le sama lestar.

¹⁴But after John was delivered up, Jesus came into Galilee preaching the glad tidings of the kingdom of God,

¹⁴Pala kodia o Iovano sas thodino ande temnitsa, O Jesus avilo ande Galilee. Wo del duma e lashi viasta le Devleski katar O Del.

¹⁵and saying, The time is fulfilled and the kingdom of God has drawn nigh; repent and believe in the glad tidings.

¹⁵Ai wo phenel, "E vriama te pherdiol, ai e amperetsia le rhaioski pashol: kein tume anda tumare bezexa ai pachan e lashi viasta."

¹⁶And walking by the sea of Galilee, he saw Simon, and Andrew, [Simon's] brother, casting out a net in the sea, for they were fishers.

¹⁶Sar phirelas O Jesus pasha maria Galilee, dikhlia o Simon ai lesko phral, o Andre shudenas sita ande maria ke won sas masharia.

¹⁷And Jesus said to them, Come after me, and I will make you become fishers of men;

¹⁷O Jesus phendia lenge, "Aven mansa ai kerava anda tumende masharia kai astaren manushen."

¹⁸and straightway leaving their trawl-nets they followed him.

¹⁸Strazo mekle penge siti ai linepe pala lesta.

¹⁹And going on thence a little, he saw James the [son] of Zebedee, and John his brother, and these [were] in the ship repairing the trawl-nets;

¹⁹O Jesus gelo mai angle ai dikhlia o Iakov ai o Iovano, le shave le Zebedeske. Won sas ando ek chuno lasharenas penge siti.

²⁰and straightway he called them; and leaving their father Zebedee in the ship with the hired servants, they went away after him.

²⁰Ai strazo O Jesus akhardia le; ai mekle peske dades, o Zebede ando chuno le slugensa kai kerenas buchi lenge, ai linepe pala Jesus.

²¹And they go into Capernaum. And straightway on the sabbath he entered into the synagogue and taught.

²¹Gele ando foro Caperaum. Ai strazo po dies Savatosko O Jesus gelo ande synagogue te sicharel le manushen.

²²And they were astonished at his doctrine, for he taught them as having authority, and not as the scribes.

²²Kodo narodo chudimesas sar sicharelas o zakono, ke O Jesus sicharelas le putierasa, nas sar le Gramnoturia.

²³And there was in their synagogue a man [possessed] by an unclean spirit, and he cried out

²³Ande synagogue sas iek manush kai sas ande leste o bi vuzho; ai tsipisardia zurales.

²⁴saying, Eh! what have we to do with thee, Jesus, Nazarene? Art thou come to destroy us? I know thee who thou art, the holy one of God.

²⁴"So manges amendar, O Jesus andai Nazareth? Avilian te mudares ame? Zhanav kon san. Tu san O Swunto Shav le Devlesko!"

²⁵And Jesus rebuked him, saying, Hold thy peace and come out of him.

²⁵O Jesus dia les trad, ai phendia leske, "Chi mai des duma ai ankles avri anda leste!"

²⁶And the unclean spirit, having torn him, and uttered a cry with a loud voice, came out of him.

²⁶O bi vuzho peradia kodole manushes pe phuv, tsipisardia zurales, ai anklisto avri anda leste.

²⁷And all were amazed, so that they questioned together among themselves, saying, What is this? what new doctrine is this? for with authority he commands even the unclean spirits, and they obey him.

²⁷Savorhe chudisaile ai phushenas iek kavreske, "So kerdilia? Si nevo sicharimos? Kado manush del duma le putierasa ai zorasa ka le bengen ai anklen avri."

²⁸And his fame went out straightway into the whole region of Galilee around.

²⁸Ai strazo katar godi o narodo delas duma po Jesus ande sa o them Galilee.

²⁹And straightway going out of the synagogue, they came with James and John into the house of Simon and Andrew.

²⁹Won geletar andai synagogue and strazo avile ando kher le Simonosko ai Andresko, o Iakov ai o Iovano gele lensa.

³⁰And the mother-in-law of Simon lay in a fever. And straightway they speak to him about her.

³⁰E sakra le Petreski, sas ando than ke phabolas, ai strazo won phende leske pa late.

³¹And he went up to [her] and raised her up, having taken her by the hand, and straightway the fever left her, and she served them.

³¹Wo avilo late, lia lako vas ai vazdia la. Ai strazo o zharo mekia la, wushtili ai podaisardia les,

³²But evening being come, when the sun had gone down, they brought to him all that were suffering, and those possessed by demons;

³²Akana peli e riat, andine ka Jesus sa le manush kai sas naswale, ai kodolen kai sas beng ande lende.

³³and the whole city was gathered together at the door.

³³Sa le manush ande foro chidinesas angla o kher.

³⁴And he healed many suffering from various diseases; and he cast out many demons, and did not suffer the demons to speak because they knew him.

³⁴O Jesus sastiardia but naswalen kai sas le but fialuria naswalimata, ai gonisardia le bengen; ai chi meklia le beng te mothon, ke won zhanenas les.

³⁵And rising in the morning long before day, he went out and went away into a desert place, and there prayed.

³⁵Kana phuterdilo o dies O Jesus wushtilo, ai gelotar vari kai te avel korkorho, ai kotse rhugisailo.

³⁶And Simon and those with him went after him:

³⁶O Simon ai won kai sas lesa gele te roden les;

³⁷and having found him, they say to him, All seek thee.

³⁷Kana arakhle les, phende leske, "Savorhen roden tu."

³⁸And he says to them, Let us go elsewhere into the neighbouring country towns, that I may preach there also, for for this purpose am I come forth.

³⁸O Jesus phendia lenge, "Aventar, trobul te zhas ande aver gava kai si pashe te sicharav E Vorba le Devleski, ke sostar avilem."

³⁹And he was preaching in their synagogues in the whole of Galilee, and casting out demons.

³⁹Ai wo dia duma pa Del ande synagoguria ande sa Galilee, ai gonisardia le bengen.

⁴⁰And there comes to him a leper, beseeching him, and falling on his knees to him, and saying to him, If thou wilt thou canst cleanse me.

⁴⁰Iek lepra avilo ka Jesus, thodiape ande changende angla leste, ai phendia leske, "Tu te mangesa, sai vuzhares ma."

⁴¹But Jesus, moved with compassion, having stretched out his hand, touched him, and says to him, I will, be thou cleansed.

⁴¹Ai O Jesus sas leske mila leste, lunzhardia o vas, azbadia les, ai phendia leske, "Mangav, av vuzho!"

⁴²And as he spoke straightway the leprosy left him, and he was cleansed.

⁴²Strazo wuzhilo andai leprosi, sasto sas.

⁴³And having sharply charged him, he straightway sent him away,

⁴³Ai strazo O Jesus dia les trad te zhaltar, phenelas,

⁴⁴and says to him, See thou say nothing to any one, but go, shew thyself to the priest, and offer for thy cleansing what Moses ordained, for a testimony to them.

⁴⁴"Arakh tu, te na phenes kanikaske, numa zha sikadiol kal baro rasha, porme de e podarka kai phendia o Moses te den, kashte te zhanen."

⁴⁵But he, having gone forth, began to proclaim [it] much, and to spread the matter abroad, so that he could no longer enter openly into the city, but was without in desert places, and they came to him from every side.

⁴⁵Numa kado manush gelo ai dia duma pa so kerdia O Jesus, ai phendia e lashi viasta kai godi zhalas. Pala kodia O Jesus nashti zhal ando foro angla le manushen, numa sas ande pusta, ai le manush avile leste katar swako rig.