¹And going on board the ship, he passed over and came to his own city.

¹O Jesus anklisto ando chuno, nakhlo inchal e maria, ai gelo ande pesko foro.

²And behold, they brought to him a paralytic, laid upon a bed; and Jesus, seeing their faith, said to the paralytic, Be of good courage, child; thy sins are forgiven.

²Andine leste ieke manushes kai sas bango, pashliolas po than. O Jesus dikhlia lengo pachamos, ai phendias le bangeske, "Raduisavo, murho shav! Che bezexa iertime le."

³And behold, certain of the scribes said to themselves, This [man] blasphemes.

³Antunchi le Gramnoturia phenenas peske, "Sar sai kado manush tromal te lel o than le Devlesko, ke ferdi O Del sai iertil le bezexa!"

⁴And Jesus, seeing their thoughts, said, Why do *ye* think evil things in your hearts?

⁴O Jesus zhanglia lenge ginduria ai phendia, "Sostar si tume kasave chorhe ginduria ande tumaro ilo?

⁵For which is easier: to say, Thy sins are forgiven; or to say, Rise up and walk?

⁵So si mai vushoro te phenes, 'Che bezexa iertime,' vai 'Wushti opre ai phir?"

⁶But that ye may know that the Son of man has power on earth to forgive sins, (then he says to the paralytic,) Rise up, take up thy bed and go to thy house.

⁶Numa te zhanen ke ka O Shav le Manushesko si e putiera pe phuv te iertil le bezexa." Antunchi phendia le bangeske, ' Wushti, le cho than, ai zha khere!'

⁷And he rose up and went to his house.

⁷O manush wushtilo ai gelotar khere.

⁸But the crowds seeing [it], were in fear, and glorified God who gave such power to men.

⁸Kana o narodo dikhlia kodia, daraile, chudisaile, ai luvudinas le Devles kai dias kasavi putiera ka o manush.

⁹And Jesus, passing on thence, saw a man sitting at the tax-office, called Matthew, and says to him, Follow me. And he rose up and followed him.

⁹O Jesus gelotar kotsar, ai dikhlia ieke manushes kai busholas Mate, beshelas tele kai skafidi kai pochinenas e taksa le themeske. Ai phendia leske, "Av pala mande." Wo wushtilo ai liape pala leste.

¹⁰And it came to pass, as he lay at table in the house, that behold, many tax-gatherers and sinners came and lay at table with Jesus and his disciples.

¹⁰Kana O Jesus xalas ande lesko kher, but manush kai chiden e taksa, ai le bezexale avile te beshen kai skafidi lesa ai leske disiplonsa.

¹¹And the Pharisees seeing [it], said to his disciples, Why does your teacher eat with tax-gatherers and sinners?

¹¹Le Farizeanuria dikhle kodia ai phushle leske disiplon, "Sostar tumaro gazda xal le manushensa kai chiden e taksa ai kodolensa kai si bezexale?"

¹²But [Jesus] hearing it, said, They that are strong have not need of a physician, but those that are ill.

¹²O Jesus ashundia ai phendia lenge, "Le manush kai si saste chi trobul le dokxtoro, le naswalen trobul.

¹³But go and learn what [that] is -- I will have mercy and not sacrifice; for I have not come to call righteous [men] but sinners.

¹³Zhan ai sichon te haliaren, me mangav mila te den iekavres, ai na sakrifis, ke chi avilem te akharav kodolen kai gindinpe vorta angla Del, numa le bezexalen."

¹⁴Then come to him the disciples of John, saying, Why do we and the Pharisees often fast, but thy disciples fast not?

¹⁴Le disipluria le Iovanoske o baptisto avile ka Jesus, ai phushle lestar, "Sostar ame ai le Farizeanuria zhonis butivar, numa chire disipluria chi zhonin?"

¹⁵And Jesus said to them, Can the sons of the bridechamber mourn so long as the bridegroom is with them? But days will come when the bridegroom will have been taken away from them, and then they will fast.

¹⁵O Jesus phendia lenge, "Sar sai zhelin le manush kai si akharde ka abiav, kana o manush kai ansurilpe lensa le? Numa avela e vriama kai o manush kai ansurilpe avela lino lendar, antunchi zhonina.

¹⁶But no one puts a patch of new cloth on an old garment, for its filling up takes from the garment and a worse rent takes place.

¹⁶Khonik chi thol nevo kotor poxtan te lasharel phurane tsalia, ke o nevo kotor tsigniol, ai kerdiolpe mai nasul o shinimos.

¹⁷Nor do men put new wine into old skins, otherwise the skins burst and the wine is poured out, and the skins will be destroyed; but they put new wine into new skins, and both are preserved together.

¹⁷Le manush chi thon nevi mol andel phurane morchia moliake, ke le morchia pharhadion, ai e mol shordiol, ai le morchia rimonpe. Numa thon e nevi mol andel morchia, kadia chi e mol ai chi le morchia chi rimonpe."

¹⁸As he spoke these things to them, behold, a ruler coming in did homage to him, saying, My daughter has by this died; but come and lay thy hand upon her and she shall live.

¹⁸Sar O Jesus phenelas lenge kadala vorbi, iek baro andai synagogue avilo ai thodiape ande changende angla leste, ai phendias, " Numa so muli murhi shei; haidi tho cho vas pe late, ai woi traiila."

¹⁹And Jesus rose up and followed him, and [so did] his disciples.

¹⁹O Jesus wushtilo, ai gelo pala leste, peske disiplonsa.

²⁰And behold, a woman, who had had a bloody flux [for] twelve years, came behind and touched the hem of his garment;

²⁰Antunchi, iek naswali zhuvli, kai xasarelas rat de desh u dui bersh, avili palal pala leste, ai azbadia e tivala leska raxamaki.

²¹for she said within herself, If I should only touch his garment I shall be healed.

²¹Woi phenelas peske, "Numa te sai azbava leske tsalia, avava sasti."

²²But Jesus turning and seeing her, said, Be of good courage, daughter; thy faith has healed thee. And the woman was healed from that hour.

²²O Jesus amboldiape, dikhlia la, ai phendia, "Raduisavo murhi shei! Ke cho pachamos sastiardia tu." Ai ande kodo chaso sastili.

²³And when Jesus was come to the house of the ruler, and saw the flute-players and the crowd making a tumult,

²³Kana O Jesus areslo ka kher le baresko andai synagogue. Dikhlia le musikanton, ai baro narodo buntuime, but mui kerenas.

²⁴he said, Withdraw, for the damsel is not dead, but sleeps. And they derided him.

²⁴Wo phendias lenge, "Zhantar ke e sheiorhi nai muli, numa sovel!" Won asaie lestar.

²⁵But when the crowd had been put out, he went in and took her hand; and the damsel rose up.

²⁵Kana gonisardia le narodos, gelo ando kher, lia la vastestar, ai e shovorhi wushtili.

²⁶And the fame of it went out into all that land.

²⁶Kodia viasta geli ande sa kodo them.

²⁷And as Jesus passed on thence, two blind [men] followed him, crying and saying, Have mercy on us, Son of David.

²⁷Sar zhalastar O Jesus, dui korhe linepe palal leste ai tsipinas, "Al tuke mila anda amende, Shav le Davidosko."

²⁸And when he was come to the house, the blind [men] came to him. And Jesus says to them, Do ye believe that I am able to do this? They say to him, Yea, Lord.

²⁸Kana O Jesus areslo ando kher, le korhe avile leste, O Jesus phushlia le, "Pachan tume ke sai kerav kodia?" "Sai, Gazda," Won phende leske.

²⁹Then he touched their eyes, saying, According to your faith, be it unto you.

²⁹Antunchi azbadia lenge iakha ai phendia, "Te kerdiol tumenge, so pachaian!"

³⁰And their eyes were opened; and Jesus charged them sharply, saying, See, let no man know it.

³⁰Ai lenge iakha phuterdile. O Jesus phendia lenge, "Len tume sama, te na zhanel khonik!"

³¹But they, when they were gone out, spread his name abroad in all that land.

³¹Numa kana geletar, phende e viasta pe leste pe sa kodo them.

³²But as these were going out, behold, they brought to him a dumb man possessed by a demon.

³²Kana won zhanastar, andine leste ieke manushes kai nashti delas duma ke sas beng ande leste.

³³And the demon having been cast out, the dumb spake. And the crowds were astonished, saying, It has never been seen thus in Israel.

³³Kana o beng gonime anda leste, o muto dia duma. Sa o narodo chudisaile, ai phenenas, 'Shoxar chi dikhliam kadia ande Israel!"

³⁴But the Pharisees said, He casts out the demons through the prince of the demons.

³⁴Numa le Farizeanuria phenenas, "O baro le bengengo del les e putiera te gonil le bengen."

³⁵And Jesus went round all the cities and the villages, teaching in their synagogues, and preaching the glad tidings of the kingdom, and healing every disease and every bodily weakness.

³⁵O Jesus gelo anda sa le foruria ai anda sa le gava, ai sicharelas ande lenge synagoguria, delas duma e lashi viasta pa e amperetsia, ai sastiarelas sa le naswalimata ai sa o nasulipe.

³⁶But when he saw the crowds he was moved with compassion for them, because they were harassed, and cast away as sheep not having a shepherd.

³⁶Kana wo dikhlia o narodo bari mila lia les anda lende, ke chinuinas nekezhime sas, ai nashti zhutinaspe, sar bakriorhe kai nai le pastuxo.

³⁷Then saith he to his disciples, The harvest [is] great and the workmen [are] few;

³⁷Antunchi phendias peske disiplonge, "But jiv si te chidelpe, numa xantsi bucharia si.

³⁸supplicate therefore the Lord of the harvest, that he send forth workmen unto his harvest.

³⁸Rhugin tume ka o gazda le chidimasko te tradel bucharia ande pesko chidimos.