¹And Moses collected all the assembly of the children of Israel, and said to them, These are the things which Jehovah has commanded, to do them.

¹Zvino Mozisi wakaunganidza ungano yose yavana vaIsiraeri, akati kwavari, Ndiwo mashoko akarairwa naJehovha kuti muaite.

²Six days shall work be done, but on the seventh day there shall be to you a holy day, a sabbath of rest to Jehovah: whoever does work on it shall be put to death.

²Mabasa ose ngaabatwe namazuva matanhatu, asi zuva rechinomwe rinofanira kuva kwamuri zuva dzvene, sabata rokuzorora kwazvo pamberi paJehovha; ani naani anobata basa ripi neripi naro, ngaaurawe.

³Ye shall kindle no fire throughout your dwellings upon the sabbath day.

³Regai kuvesa moto padzimba dzenyu dzose nezuva resabata.

⁴And Moses spoke to all the assembly of the children of Israel, saying, This is the word which Jehovah has commanded, saying,

⁴Mozisi akataura neungano yose yavana vaIsiraeri, akati, Ndicho chinhu chakarairwa naJehovha, achiti,

⁵Take from among you a heave-offering to Jehovah: every one whose heart [is] willing, let him bring it, Jehovah's heave-offering -- gold, and silver, and copper,

⁵Ripirai Jehovha chipo pazvinhu zvenyu; ani naani ane moyo unoda, ngaauye nacho, chive chipo chaJehovha, zvinoti: Ndarama, nesirivha, nendarira,

⁶and blue, and purple, and scarlet, and byssus, and goats' [hair],

⁶nezvakarukwa zvitema, nezvishava, nezvitsvuku, nemicheka yakaisvonaka, nemvere dzembudzi,

⁷and rams' skins dyed red, and badgers' skins, and acacia-wood,

⁷namatebwe amakondobwe akazodzwa zvitsvuku, namatebwe amatenhe, namatanda omuakasia,

⁸and oil for the light, and spices for the anointing oil, and for the incense of fragrant drugs;

⁸namafuta omwenje, nezvinonhuhwira zvamafuta okuzodza, noupfu hunonhuhwira,

⁹and onyx stones, and stones to be set for the ephod, and for the breastplate.

⁹nezvibwe zveonikisi, nezvibwe zvokuisa paefodhi napahombodo yechipfuva.

¹⁰And all who are wise-hearted among you shall come and make all that Jehovah has commanded:

¹⁰Varume vose pakati penyu vane moyo yakachenjera ngavauye, vaite zvose zvakarairwa naJehovha;

¹¹the tabernacle, its tent, and its covering, its clasps, and its boards, its bars, its pillars, and its bases;

¹¹zvinoti: Tabhenakeri netende rayo, nechifukidzo chayo, nezvikorekedzo zvayo, namapuranga ayo, nembariro dzayo, nembiru dzayo, nezvigadziko zvayo;

¹²the ark, and its staves; the mercy-seat, and the veil of separation;

¹²neareka, namatanda ayo, nechifunhiro chokuyananisa, nechidzitiro chinodzitira,

¹³the table and its staves, and all its utensils, and the shewbread;

¹³netafura, namatanda ayo, nenhumbi dzayo dzose, nechingwa chokuratidza,

¹⁴and the lamp-stand for the light, and its utensils, and its lamps, and the oil for the light;

¹⁴nechigadziko chemwenje yokuvheneka nayo, nenhumbi dzacho, nemwenje yacho, namafuta okuvhenekesa nawo,

¹⁵and the altar of incense, and its staves; and the anointing-oil, and the incense of fragrant drugs; and the entrance-curtain at the entrance of the tabernacle;

¹⁵nearitari yezvinonhuhwira, namatanda ayo, namafuta okuzodza nawo, noupfu hunonhuhwira, nechidzitiro chomukova pamukova wetabhenakeri,

¹⁶the altar of burnt-offering, and the copper grating for it, its staves, and all its utensils; the laver and its stand;

¹⁶nearitari yezvipiriso zvinopiswa, nechakarukwa chayo chendarira, namatanda ayo, nenhumbi dzayo dzose, nomudziyo wokushambidzira, nechigadziko chawo,

¹⁷the hangings of the court, its pillars, and its bases, and the curtains of the gate of the court;

¹⁷nezvidzitiro zvoruvanze, nembiru dzazvo, nezvigadziko zvadzo, nechidzitiro chesuwo roruvanze,

¹⁸the pegs of the tabernacle, and the pegs of the court, and their cords;

¹⁸nembambo dzetabhenakeri, nembambo dzoruvanze, netambo dzadzo,

¹⁹the garments of service, to do service in the sanctuary, the holy garments for Aaron the priest, and the garments of his sons, to serve as priests.

¹⁹nenguvo dzakarukwa zvakanaka dzokushumira nadzo panzvimbo tsvene, nenguvo tsvene dzaAroni mupristi, nenguvo dzavanakomana vake dzokushumira nadzo pabasa roupristi.

²⁰And all the assembly of the children of Israel departed from before Moses.

²⁰Zvino ungano yose yavana vaIsiraeri yakabva kuna Mozisi,

²¹And they came, every one whose heart moved him, and every one whose spirit prompted him; they brought Jehovah's heave-offering for the work of the tent of meeting, and for all its service, and for the holy garments.

²¹vakauya, mumwe nomumwe wakamutswa nomoyo wake, nomumwe nomumwe wakatendiswa nomweya wake, vakauya nechipo chaJehovha, chokubata basa retende rokusangana namabasa aro ose, nenguvo tsvene.

²²And they came, both men and women; every one who was of willing heart brought nose-rings, and earrings, and rings, and bracelets, all kinds of utensils of gold: every man that waved a wave-offering of gold to Jehovah.

²²Vakauya varume navakadzi, vose vaiva nemoyo yakanga ichida, vakauya nezvikorekedzo, nezvindori zvenzeve, nezvindori zvokusimbisa, nezvishongo zvamaoko, nezvishongo zvose zvendarama; mumwe nomumwe wakavigira Jehovha chipo chendarama.

²³And every man with whom was found blue, and purple, and scarlet, and byssus, and goats' [hair], and rams' skins dyed red, and badgers' skins, brought [them].

²³Murume mumwe nomumwe waiva nezvakarukwa zvitema, nezvishava, nezvitsvuku, nemicheka yakaisvonaka, nemvere dzembudzi, namatebwe amakondobwe akazodzwa zvitsvuku, namatebwe amatenhe, wakauya nazvo.

²⁴All they that offered a heave-offering of silver and copper brought Jehovah's heave-offering. And every one with whom was found acacia-wood for all manner of work of the service, brought [it].

²⁴Mumwe nomumwe waigona kuripa chipo chesirivha nechendarira wakauya nechipo chaJehovha; mumwe nomumwe waiva namatanda omuakasia, avaigona kubata nawo, wakauya nawo.

²⁵And every woman that was wise-hearted spun with her hands, and brought what she had spun: the blue, and the purple, and the scarlet, and the byssus.

²⁵Vakadzi vose vaiva nemoyo yakangwara vakaruka namaoko avo, vakauya nezvavakaruka, zvaiti: Zvakarukwa zvitema, nezvishava, nezvitsvuku, nemicheka yakaisvonaka.

²⁶And all the women whose heart moved them in wisdom spun goats' [hair].

²⁶Vakadzi vose vakanga vamutswa nemoyo yavo kuva vakachenjera vakaruka mvere dzembudzi.

²⁷And the principal men brought the onyx stones, and the stones to be set, for the ephod, and for the breastplate;

²⁷Navakuru vakauya nezvibwe zveonikisi, nezvibwe zvokuisa paefodhi, napahombodo yechipfuva,

²⁸and the spice, and the oil for the light, and for the anointing oil, and for the incense of fragrant drugs.

²⁸nemiti inonhuhwira, namafuta okuvhenekesa nawo, nezvokuzodza nazvo, noupfu hunonhuhwira.

²⁹The children of Israel brought a voluntary offering to Jehovah, every man and woman whose heart prompted them to bring for all manner of work, which Jehovah, by the hand of Moses, had commanded to be done.

²⁹Vana vaIsiraeri vakauya nemoyo yavo nezvipo zvokupa Jehovha; murume mumwe nomumwe nomukadzi mumwe nomumwe waitendiswa nomoyo wake kuti avigire zvokubata nazvo basa rose rakanga rarairwa naJehovha, kuti riitwe naMozisi.

³⁰And Moses said to the children of Israel, See, Jehovah has called by name Bezaleel the son of Uri, the son of Hur, of the tribe of Judah,

³⁰Zvino Mozisi akati kuvana vaIsiraeri, Tarirai, Jehovha wakadana nezita rake Bhezareri, mwanakomana waUri, mwanakomana waHuri, worudzi rwaJudha,

³¹and he has filled him with the spirit of God, in wisdom, in understanding, and in knowledge, and in all manner of workmanship,

³¹akamuzadza noMweya waMwari ave nokuchenjera, nokunzwisisa, nokuziva kose, nokugona marudzi ose amabasa,

³²and to devise artistic things: to work in gold, and in silver, and in copper,

³²kuti afunge mano oumhizha, nokubata nendarama, nesirivha, nendarira,

³³and in cutting of stones, for setting, and in carving of wood, to execute all artistic work;

³³nokuveza mabwe anoiswa mukati, nokuveza matanda, nokugona kubata mabasa ose oumhizha.

³⁴and he has put in his heart to teach, he and Aholiab, the son of Ahisamach, of the tribe of Dan:

³⁴Akaisa mumoyo make uchenjeri hwokudzidzisa vamwe, iye naOhoriabhu, mwanakomana waAhisamaki, worudzi rwaDhani.

³⁵he has filled them with wisdom of heart, to work all manner of work of the engraver, and of the artificer, and of the embroiderer, in blue, and in purple, in scarlet, and in byssus, and of the weaver, [even] of them that do every kind of work, and of those that devise artistic work

³⁵Akavazadza nokuchenjera komoyo, kuti vagone kubata mabasa ose omuvezi wamabwe, neemhizha, naavasoni vezvakarukwa zvitema, nezvishava, nezvitsvuku, nemicheka yakaisvonaka, naavaruki vanobata mabasa ose, naavose vanofunga mano amabasa oumhizha.