¹And it came to pass when Jesus had finished commanding his twelve disciples, he departed thence to teach and preach in their cities.

¹Zvino zvakaitika apo Jesu apedza kuraira vadzidzi vake gumi nevaviri, akabvira ipapo kudzidzisa nekuparidza pamaguta avo.

²But John, having heard in the prison the works of the Christ, sent by his disciples,

²Zvino Johwani wakati anzwa ari mutirongo mabasa aKristu, akatuma vaviri vevadzidzi vake,

³and said to him, Art *thou* the coming [one]? or are we to wait for another?

³akati kwaari: Imwi ndimwi unouya here, kana titarisire umwe?

⁴And Jesus answering said to them, Go, report to John what ye hear and see.

⁴Jesu akapindura akati kwavari: Endai munoudza Johwani zvinhu zvamunonzwa nezvamunoona:

⁵Blind [men] see and lame walk; lepers are cleansed, and deaf hear; and dead are raised, and poor have glad tidings preached to them:

⁵Mapofu anoonazve, uye vanokamhina vanofamba, vane maperembudzi vanonatswa, nevematsi vanonzwa, vakafa vanomutswa, nevarombo vanoparidzirwa evhangeri;

⁶and blessed is whosoever shall not be offended in me.

⁶wakaropafadzwa ani nani usingagumbuswi neni.

⁷But as they went [away], Jesus began to say to the crowds concerning John, What went ye out into the wilderness to see? a reed moved about by the wind?

⁷Ava vakati vachienda, Jesu akatanga kuudza zvaunga pamusoro paJohwani akati: Makange mabuda kurenje kunoonei? Rutsanga runozungunuswa nemhepo here?

⁸But what went ye out to see? a man clothed in delicate raiment? behold, those who wear delicate things are in the houses of kings.

⁸Asi makange mabuda kunoonei? Munhu wakapfeka nguvo dzakapfava here? Tarirai, vanopfeka zvakapfava vari mudzimba dzemadzimambo.

⁹But what went ye out to see? a prophet? Yea, I say to you, and more than a prophet:

⁹Asi makange mabuda kunoonei? Muporofita here? Hongu, ndinoti kwamuri: Kunyange unopfuura kwazvo muporofita;

¹⁰this is he of whom it is written, Behold, *I* send my messenger before thy face, who shall prepare thy way before thee.

¹⁰nekuti uyu ndiye wakanyorwa pamusoro pake zvichinzi: Tarira, ini ndinotuma mutumwa wangu pamberi pechiso chako, uchagadzira nzira yako pamberi pako.

¹¹Verily I say to you, that there is not arisen among [the] born of women a greater than John the baptist. But he who is a little one in the kingdom of the heavens is greater than he.

¹¹Zvirokwazvo ndinoti kwamuri: Hakuna kumuka pakati pevakaberekwa nevakadzi mukuru kuna Johwani Mubhabhatidzi. Asi mudukusa muushe hwekumatenga mukuru kwaari.

¹²But from the days of John the baptist until now, the kingdom of the heavens is taken by violence, and [the] violent seize on it.

¹²Uye kubva pamazuva aJohwani Mubhabhatidzi kusvikira zvino, ushe hwekumatenga hunopambwa, nevapambi vanohutora nesimba.

¹³For all the prophets and the law have prophesied unto John.

¹³Nekuti vaporofita vose nemurairo vakaporofita kusvikira kuna Johwani;

¹⁴And if ye will receive it, this is Elias, who is to come.

¹⁴kana muchida kuzvigamuchira, uyu ndiye Eria wakange achizouya.

¹⁵He that has ears to hear, let him hear.

¹⁵Une nzeve dzekunzwa, ngaanzwe.

¹⁶But to whom shall I liken this generation? It is like children sitting in the markets, which, calling to their companions,

¹⁶Asi ndicharifananidza nei zera iri? Rakafanana nevana vagere pamisika, vachidanidzira kushamwari dzavo,

¹⁷say, We have piped to you, and ye have not danced: we have mourned to you, and ye have not wailed.

¹⁷vachiti: Takakuridzirai nyere, asi hamuna kutamba; takakuririrai, asi hamuna kuchema.

¹⁸For John has come neither eating nor drinking, and they say, He has a demon.

¹⁸Nekuti Johwani wakauya asingadyi kana kumwa, asi vanoti: Une dhimoni.

¹⁹The Son of man has come eating and drinking, and they say, Behold, a man [that is] eating and wine-drinking, a friend of tax-gatherers, and of sinners: -- and wisdom has been justified by her children.

¹⁹Mwanakomana wemunhu wakauya achidya, achimwa, zvino vanoti: Tarirai munhu unokara mumwi wewaini, shamwari yevateresi nevatadzi. Asi njere dzinoruramiswa nevana vadzo.

²⁰Then began he to reproach the cities in which most of his works of power had taken place, because they had not repented.

²⁰Ipapo akatanga kutsiura maguta makange maitwa mabasa ake esimba mazhinji, nekuti haana kutendeuka, akati:

²¹Woe to thee, Chorazin! woe to thee Bethsaida! for if the works of power which have taken place in you, had taken place in Tyre and Sidon, they had long ago repented in sackcloth and ashes.

²¹Une nhamo, Korazini! Une nhamo, Bhetisaidha! Nekuti dai akaitwa muTire neSidhoni mabasa esimba akaitwa mamuri, vangadai vakatendeuka kare vakapfeka masaga nedota.

²²But I say to you, that it shall be more tolerable for Tyre and Sidon in judgment-day than for you.

²²Asi ndinoti kwamuri: Zvicharerukira Tire neSidhoni nezuva rekutongwa kupfuura imwi.

²³And *thou*, Capernaum, who hast been raised up to heaven, shalt be brought down even to hades. For if the works of power which have taken place in thee, had taken place in Sodom, it had remained until this day.

²³Newe Kapenaume, wakasimudzirwa kudenga, uchawisirwa pasi muHadhesi; nekuti dai akaitwa muSodhoma mabasa esimba akaitwa mauri, vangadai vachipo kusvikira zuva rino.

²⁴But I say to you, that it shall be more tolerable for [the] land of Sodom in judgment-day than for thee.

²⁴Asi ndinoti kwamuri: Zvicharerukira nyika yeSodhoma nezuva rekutongwa kupfuura iwe.

²⁵At that time, Jesus answering said, I praise thee, Father, Lord of the heaven and of the earth, that thou hast hid these things from the wise and prudent, and hast revealed them to babes.

²⁵Nenguva iyo Jesu akapindura akati: Ndinokutendai, Baba, Ishe wedenga nenyika, nekuti makavanzira zvinhu izvi vakachenjera nevakangwara, mukazvizarurira vacheche.

²⁶Yea, Father, for thus has it been well-pleasing in thy sight.

²⁶Hongu Baba, nekuti zvakadaro zvakava zvakanaka pamberi penyu.

²⁷All things have been delivered to me by my Father, and no one knows the Son but the Father, nor does any one know the Father, but the Son, and he to whom the Son may be pleased to reveal [him].

²⁷Zvinhu zvose zvakakumikidzwa kwandiri naBaba vangu; uye hakuna unoziva Mwanakomana kunze kwaBaba; hakunazve unoziva Baba kunze kweMwanakomana, uye ani nani Mwanakomana waanenge achida kuzarurira.

²⁸Come to me, all ye who labour and are burdened, and *I* will give you rest.

²⁸Uyai kwandiri mose makaneta makaremerwa, uye ini ndichakupai zororo.

²⁹Take my yoke upon you, and learn from me; for I am meek and lowly in heart; and ye shall find rest to your souls;

²⁹Torai joko rangu muise pamusoro penyu, mudzidze kwandiri, nekuti ndiri munyoro, ndakaderera mumoyo; uye muchawana zororo pamweya yenyu;

³⁰for my yoke is easy, and my burden is light.

³⁰nekuti joko rangu rakanakisa, nemutoro wangu wakareruka.