¹Paroles du roi Lemuel. Sentences par lesquelles sa mère l'instruisit.

¹¶ Ko nga kupu a Kingi Remuera; ko te poropititanga i whakaakona ai ia e tona whaea.

²Que te dirai-je, mon fils? que te dirai-je, fils de mes entrailles? Que te dirai-je, mon fils, objet de mes voeux?

²He aha, e taku tama? He aha, e te tama a toku kopu? A he aha, e te tama a aku kupu taurangi?

³Ne livre pas ta vigueur aux femmes, Et tes voies à celles qui perdent les rois.

³Kaua e hoatu tou kaha ki nga wahine, ou ara hoki ki te mea whakangaro o nga kingi.

⁴Ce n'est point aux rois, Lemuel, Ce n'est point aux rois de boire du vin, Ni aux princes de rechercher des liqueurs fortes,

⁴Ehara ma nga kingi, e Remuera, ehara ma nga kingi te inu waina; ehara hoki ma nga rangatira te mea, Kei hea he wai kaha?

⁵De peur qu'en buvant ils n'oublient la loi, Et ne méconnaissent les droits de tous les malheureux.

⁵Kei inu ratou, a ka wareware ki te ture, a ka whakapeau ke i te whakawa o te tangata e tukinotia ana.

⁶Donnez des liqueurs fortes à celui qui périt, Et du vin à celui qui a l'amertume dans l'âme;

⁶Hoatu he wai kaha ma te tangata e tata ana te marere, he waina hoki ki nga wairua pouri:

⁷Qu'il boive et oublie sa pauvreté, Et qu'il ne se souvienne plus de ses peines.

⁷Tukua ia kia inu, kia wareware ai ki tona rawakore, a kore ake he mahara ki ona mate.

⁸Ouvre ta bouche pour le muet, Pour la cause de tous les délaissés.

⁸Kia puaki tou mangai mo te wahangu, i te whakawakanga o te hunga katoa kua waiho mo te mate.

⁹Ouvre ta bouche, juge avec justice, Et défends le malheureux et l'indigent.

⁹Kia puaki tou mangai, whakaritea te whakawa i runga i te tika, tohea te tohe a te ware, a te rawakore.

¹⁰Qui peut trouver une femme vertueuse? Elle a bien plus de valeur que les perles.

¹⁰¶ Ko wai e kite i te wahine e u ana tona pai? Ko tona utu hoki kei runga noa atu i to nga rupi.

¹¹Le coeur de son mari a confiance en elle, Et les produits ne lui feront pas défaut.

¹¹Ka whakapono te ngakau o tana tane ki a ia, a kahore ona hapanga i te taonga.

¹²Elle lui fait du bien, et non du mal, Tous les jours de sa vie.

¹²He pai tana e mea ai ki a ia, kahore hoki he kino, i nga ra katoa e ora ai ia.

¹³Elle se procure de la laine et du lin, Et travaille d'une main joyeuse.

¹³E kimi ana ia i te huruhuru hipi, i te muka, a ka ngakau nui te mahi a ona ringa.

¹⁴Elle est comme un navire marchand, Elle amène son pain de loin.

¹⁴Ko tona rite kei nga kaipuke o nga kaihokohoko; e mauria mai ana e ia tana kai i tawhiti.

¹⁵Elle se lève lorsqu'il est encore nuit, Et elle donne la nourriture à sa maison Et la tâche à ses servantes.

¹⁵E maranga ana hoki ia i te mea e po tonu ana, a hoatu ana e ia he kai ma tona whare, he mahi hoki e rite ana ma ana kotiro.

¹⁶Elle pense à un champ, et elle l'acquiert; Du fruit de son travail elle plante une vigne.

¹⁶E whakaaroaro ana ia ki tetahi mara, a ka hokona e ia: whakatokia ana e ia he mara waina, he hua na ona ringa.

¹⁷Elle ceint de force ses reins, Et elle affermit ses bras.

¹⁷E whitiki ana ia i tona hope ki te kaha, e mea ana i ona takakau kia pakari.

¹⁸Elle sent que ce qu'elle gagne est bon; Sa lampe ne s'éteint point pendant la nuit.

¹⁸Ka kite ia he pai tana i hokohoko ai: e kore tana rama e mate i te po.

¹⁹Elle met la main à la quenouille, Et ses doigts tiennent le fuseau.

¹⁹Ka totoro atu ona ringa ki te mea takai miro, ka pupuri ona ringa ki te pou muka.

²⁰Elle tend la main au malheureux, Elle tend la main à l'indigent.

²⁰Ka wherahia tona ringa ki te ware; ae ra, ka totoro atu ona ringa ki te rawakore.

²¹Elle ne craint pas la neige pour sa maison, Car toute sa maison est vêtue de cramoisi.

²¹E kore ia e wehi i te hukarere mo tona whare; no te mea kua kakahuria tona whare katoa ki te ngangana.

²²Elle se fait des couvertures, Elle a des vêtements de fin lin et de pourpre.

²²Oti ake i a ia te whatuwhatu he whariki mona; he rinena pai, he papura ona kakahu.

²³Son mari est considéré aux portes, Lorsqu'il siège avec les anciens du pays.

²³E mohiotia ana tana tane i nga kuwaha, ina noho tahi ia ki nga kaumatua o te whenua.

²⁴Elle fait des chemises, et les vend, Et elle livre des ceintures au marchand.

²⁴E hanga ana e ia he rinena pai, a hokona atu ana; e hoatu ana e ia he whitiki ki nga kaihoko.

²⁵Elle est revêtue de force et de gloire, Et elle se rit de l'avenir.

²⁵He kaha, he honore ona kakahu; a e kata ana ia ki nga ra o muri atu.

²⁶Elle ouvre la bouche avec sagesse, Et des instructions aimables sont sur sa langue.

²⁶He nui ona whakaaro ina puaki tona mangai; kei tona arero te ture o te atawhai.

²⁷Elle veille sur ce qui se passe dans sa maison, Et elle ne mange pas le pain de paresse.

²⁷Ka ata tirohia e ia nga ara o tona whare, e kore ano ia e kai i te taro o te mangere.

²⁸Ses fils se lèvent, et la disent heureuse; Son mari se lève, et lui donne des louanges:

²⁸Ka whakatika ana tamariki, a he kupu manaaki ta ratou mona; Tana tane hoki, ka whakamoemiti ano ia ki a ia, ka mea:

²⁹Plusieurs filles ont une conduite vertueuse; Mais toi, tu les surpasses toutes.

²⁹He tokomaha nga tamahine i u te pai o ta ratou mahi, otiia hira ake tau i a ratou katoa.

³⁰La grâce est trompeuse, et la beauté est vaine; La femme qui craint l'Eternel est celle qui sera louée.

³⁰He mea teka noa te manako, he mea horihori te ataahua: tena ko te wahine e wehi ana i a Ihowa, ko ia e whakamoemititia.

³¹Récompensez-la du fruit de son travail, Et qu'aux portes ses oeuvres la louent.

³¹Hoatu ki a ia o nga hua o ona ringa; a ma ana mahi ia e whakamoemiti i nga kuwaha.