¹Jésus dit à ses disciples: Il est impossible qu'il n'arrive pas des scandales; mais malheur à celui par qui ils arrivent!

¹O Jesus phendia peske disiplonge, "Musai avel o zumaimos kai ingerel le manushen te peren ando bezex; numa nasul kodoleske kastar avel o zumaimos!

²Il vaudrait mieux pour lui qu'on mît à son cou une pierre de moulin et qu'on le jetât dans la mer, que s'il scandalisait un de ces petits.

²Mai bini te avel ek baro bax phanglo ka peski kox kai te avel shudino ande bari maria, de sar te kerel iek anda kadala tsinorhe kai pachanpe ande mande te peren ando bezex.

³Prenez garde à vous-mêmes. Si ton frère a péché, reprends-le; et, s'il se repent, pardonne-lui.

³"Arakhen tume! Te kerela bezex cho phral, phen leske zurale vorbi; te keilpe ai boldela palpale, iertisar les.

⁴Et s'il a péché contre toi sept fois dans un jour et que sept fois il revienne à toi, disant: Je me repens, -tu lui pardonneras.

⁴Te kerel bezex karing tute eftavar ande iek dies, ai eftavar avela tute, ai phenel, 'Keisailem anda so kerdem tuke.' Tu iertisar leske."

⁵Les apôtres dirent au Seigneur: Augmente-nous la foi.

⁵Le Apostles phendia le Devleske, "De ame mai pachamos."

⁶Et le Seigneur dit: Si vous aviez de la foi comme un grain de sénevé, vous diriez à ce sycomore: Déracine-toi, et plante-toi dans la mer; et il vous obéirait.

⁶Ai O Del phendia, "Te si tume pachamos sar iek sumuntsi garchitsaki, tu sai phenena kakala krenzhaki, 'Ankli avri andai phuv, ai tho tu ande maria!' ai kodia krenzha pachala tumaro mui."

⁷Qui de vous, ayant un serviteur qui laboure ou paît les troupeaux, lui dira, quand il revient des champs: Approche vite, et mets-toi à table?

⁷Savo anda tumende, kai si les ek sluga kai lasharel e phuv vai lel sama katar le bakre, phenela leske kana avela pal kimpuria. "Aidi sigo ai tho tu kai skafidi?"

⁸Ne lui dira-t-il pas au contraire: Prépare-moi à souper, ceins-toi, et sers-moi, jusqu'à ce que j'aie mangé et bu; après cela, toi, tu mangeras et boiras?

⁸Vai chi phenela leske, "Lashar mange te xav, tho angla tute pishtiri ai podaisar ma zhi kai xav ai piiav; ai antunchi tu xasa ai pesa."

⁹Doit-il de la reconnaissance à ce serviteur parce qu'il a fait ce qui lui était ordonné?

⁹Chi trobul te naisil le slugako anda so phendiasas leske te kerel, si vai nai?

¹⁰Vous de même, quand vous avez fait tout ce qui vous a été ordonné, dites: Nous sommes des serviteurs inutiles, nous avons fait ce que nous devions faire.

¹⁰Vi tume, kana kerdian so godi sas phendo tumenge te keren, phenen, "Ame sam ferdi slugi; ame kerdiam ferdi so sas phendo amenge te keras."

¹¹Jésus, se rendant à Jérusalem, passait entre la Samarie et la Galilée.

¹¹O Jesus zhalas ando Jerusalem, ai nakhelas mashkar e Samaria ai Galilee.

¹²Comme il entrait dans un village, dix lépreux vinrent à sa rencontre. Se tenant à distance,

¹²Sar zhalas andek gav, desh manush kai sas lepra avile karing Jesus numa dural sas;

¹³ils élevèrent la voix, et dirent: Jésus, maître, aie pitié de nous!

¹³vazde pengo glaso, ai phende, "Jesus! Tu o Gazda! Av tuke mila anda amende!"

¹⁴Dès qu'il les eut vus, il leur dit: Allez vous montrer aux sacrificateurs. Et, pendant qu'ils y allaient, il arriva qu'ils furent guéris.

¹⁴Ai kana O Jesus dikhlia le, phendia lenge, "Zhan sikadion kal rasha," ai pa drom kai zhanas kal rasha sastile.

¹⁵L'un d'eux, se voyant guéri, revint sur ses pas, glorifiant Dieu à haute voix.

¹⁵Iek anda lende, kana dikhlia ke sastilo, boldiape palpale, ai naisilas le Devleske zurales,

¹⁶Il tomba sur sa face aux pieds de Jésus, et lui rendit grâces. C'était un Samaritain.

¹⁶shudiape le mosa pe phuv kal punrhe le Jesusoske, ai naisisardia leske; kodo manush sas ek Samaritano.

¹⁷Jésus, prenant la parole, dit: Les dix n'ont-ils pas été guéris? Et les neuf autres, où sont-ils?

¹⁷O Jesus phendia, "Sastile sas le desh. Kai le kolaver inia?

¹⁸Ne s'est-il trouvé que cet étranger pour revenir et donner gloire à Dieu?

¹⁸Ferdi kako streino avilo palpale te naisil le Devles."

¹⁹Puis il lui dit: Lève-toi, va; ta foi t'a sauvé.

¹⁹Porme O Jesus phendia, "Wushti ai zhas: cho pachamos sastiardian tu."

²⁰Les pharisiens demandèrent à Jésus quand viendrait le royaume de Dieu. Il leur répondit: Le royaume de Dieu ne vient pas de manière à frapper les regards.

²⁰Uni Farizeanuria phushle katar O Jesus kana avela e amperetsia le Devleski. O Jesus phendia lenge, "E amperetsia le Devleski chi avel te dikhen la le manush

²¹On ne dira point: Il est ici, ou: Il est là. Car voici, le royaume de Dieu est au milieu de vous.

²¹Khonik chi phenela, "Dikh! Katarlo!" vai "Kotelo!" Ke e amperetsia le Devleski mashkar tumende lo."

²²Et il dit aux disciples: Des jours viendront où vous désirerez voir l'un des jours du Fils de l'homme, et vous ne le verrez point.

²²O Jesus phendia le disiplonge, "Avena uni diesa kana mangenas te dikhen iek andal diesa O Shav le Manushesko, numa chi dikhena les.

²³On vous dira: Il est ici, il est là. N'y allez pas, ne courez pas après.

²³Uni phenena tumenge, "Dikh! Katar lo!" vai "Kote lo!" Na zhan pala lende.

²⁴Car, comme l'éclair resplendit et brille d'une extrémité du ciel à l'autre, ainsi sera le Fils de l'homme en son jour.

²⁴Sar o rhunjito sikadiol ai strefial anda iek gor le cheresko zhando kolaver gor, kadia aven O Shav le Manushesko kana avela lesko dies.

²⁵Mais il faut auparavant qu'il souffre beaucoup, et qu'il soit rejeté par cette génération.

²⁵Numa trobul mai anglal te chinuil but, te gonin les le manush.

²⁶Ce qui arriva du temps de Noé arrivera de même aux jours du Fils de l'homme.

²⁶"Sar sas ando dies kana sas o Noah, sakadia si te avel kana avela O Shav le Manushesko.

²⁷Les hommes mangeaient, buvaient, se mariaient et mariaient leurs enfants, jusqu'au jour où Noé entra dans l'arche; le déluge vint, et les fit tous périr.

²⁷Le manush xanas, penas, ansurinas penge shaven zhi ka dies kai o Noah gelo ande pharaxodo, avilo baro pai, ai savorhe xasaile.

²⁸Ce qui arriva du temps de Lot arrivera pareillement. Les hommes mangeaient, buvaient, achetaient, vendaient, plantaient, bâtissaient;

²⁸Sar sas ando dies kana sas o Lot; sakadia le manush xanas ai penas, chinenas ai bichinenas, bariarenas ai kerenas khera;

²⁹mais le jour où Lot sortit de Sodome, une pluie de feu et de soufre tomba du ciel, et les fit tous périr.

²⁹Numa o dies kai o Lot anklisto avri anda Sodom, iag ai Sulfer pelo anda cheri sar breshind, ai savorhe xasaile.

³⁰Il en sera de même le jour où le Fils de l'homme paraîtra.

³⁰Sakadia avela kana O Shav le Manushesko sikadiola.

³¹En ce jour-là, que celui qui sera sur le toit, et qui aura ses effets dans la maison, ne descende pas pour les prendre; et que celui qui sera dans les champs ne retourne pas non plus en arrière.

³¹"Ande kodo dies, kodo kai si opral pesko kheresko, ai si les leske dieli ando kher, nashti hulela tele te les le; ai kuko kai si ando kimpo (niva), nashti zhal palpale ka pesko kher.

³²Souvenez-vous de la femme de Lot.

³²Den tume goji kai zhuvli le manushesko kai busholas Lot.

³³Celui qui cherchera à sauver sa vie la perdra, et celui qui la perdra la retrouvera.

³³"Kodo kai rodela te skepil pesko traio xasarela les; ai kodo kai xasarela pesko traio skepila les.

³⁴Je vous le dis, en cette nuit-là, de deux personnes qui seront dans un même lit, l'une sera prise et l'autre laissée;

³⁴Phenav tumenge, kodia riat dui manush sovena ande iek pato; iek avela lino, ai iek ashela.

³⁵de deux femmes qui moudront ensemble, l'une sera prise et l'autre laissée.

³⁵Dui zhuvlia licharena jiv andek than; iek avela lini, ai iek ashela.

³⁶De deux hommes qui seront dans un champ, l'un sera pris et l'autre laissé.

³⁶Dui manush si te aven ande niva (kimpo); iek avel lino, ai iek ashela."

³⁷Les disciples lui dirent: Où sera-ce, Seigneur? Et il répondit: Où sera le corps, là s'assembleront les aigles.

³⁷Ai le disipluria phushle les, "Kai kerdiola kadia diela, Devla?" O Jesus phendia, "Kai si ek mulo stato, kotse chidenape le ulruria."