¹בני אם ערבת לרעך תקעת לזר כפיך׃

¹Ex cualal incßajol, cui lâex xecßûluban saß êbên xtojbal lix cßas lê ras êrîtzßin cui aßan incßaß tixtoj, malaj ut têsume xtojbal lix cßas junak incßaß nequenau ru,

²נוקשת באמרי פיך נלכדת באמרי פיך׃

²yôquex chixbokbal raylal saß êbên. Êjunes yôquex chixqßuebal êrib saß chßaßajquilal.

³עשה זאת אפוא בני והנצל כי באת בכף רעך לך התרפס ורהב רעיך׃

³Ex cualal incßajol, cui lâex xeqßue êrib saß chßaßajquilal, chenauhak xcolbal êrib chiruheb lê ras êrîtzßin li xesume oquênc chirix. Checubsihak êrib, ut yehomak re nak incßaß tixqßue saß êbên xtojbal lix cßas.

⁴אל תתן שנה לעיניך ותנומה לעפעפיך׃

⁴Mêcanab êrib. Yîbomak ru lê chßaßajquilal. Mexcuar. Yîbomak ban ru chi junpât.

⁵הנצל כצבי מיד וכצפור מיד יקוש׃

⁵Chenauhak xcolbal êrib chiruheb li cristian aßin joß nak naxcol rib li quej chiruheb laj yô. Chenauhak xcolbal êrib joß nak li xul li naxicßan naxcol rib chiru li raßal.

⁶לך אל נמלה עצל ראה דרכיה וחכם׃

⁶Ilomakeb li sânc, lâex li incßaß nacuulac chêru cßanjelac. Qßuehomak retal li cßaßru nequeßxbânu ut tzolomak êrib riqßuineb.

⁷אשר אין לה קצין שטר ומשל׃

⁷Eb li sânc mâ ani nataklan reheb chi moco cuan ta junak ani nayehoc reheb cßaßru teßxbânu.

⁸תכין בקיץ לחמה אגרה בקציר מאכלה׃

⁸Abanan chiru li sakßehil nequeßxsicß lix tzacaêmk nak yô li kßoloc ut nequeßxchßutub re teßxxoc.

⁹עד מתי עצל תשכב מתי תקום משנתך׃

⁹Ut lâex li incßaß nequeraj cßanjelac, ¿jokße têcanab li cuârc? ¿Ma incßaß texcuaclîk? ¿Ma junelic yocyôkex?

¹⁰מעט שנות מעט תנומות מעט חבק ידים לשכב׃

¹⁰Lâex nequeye: —Chocuârk cuan chic junpâtak, chanquex. Ut kßalkßo êrukß saß êrochoch ut yôquex chi hilânc chi mâcßaß êcßaßux.

¹¹ובא כמהלך ראשך ומחסרך כאיש מגן׃

¹¹Mâcßaß saß êchßôl nak tâchâlk li nebaßil saß êbên. Tâchâlk joß nak nachal laj êlkß cuan xchßîchß saß rukß.

¹²אדם בליעל איש און הולך עקשות פה׃

¹²Eb li incßaß useb xnaßleb mâcßaß nequeßoc cuiß. Junes ticßtißic nequeßxbânu.

¹³קרץ בעינו מלל ברגלו מרה באצבעתיו׃

¹³Nequeßxmutzß lix nakßeb ru re xyebal cßaßru nequeßraj. Ut nequeßrecßasi li rokeb ut li rukßeb re xcßutbal li cßaßru nequeßraj.

¹⁴תהפכות בלבו חרש רע בכל עת מדנים ישלח׃

¹⁴Junes mâusilal cuan saß xchßôleb. Junelic yôqueb xcßoxlanquil li mâusilal. Junes ticoc plêt nequeßxbânu.

¹⁵על כן פתאם יבוא אידו פתע ישבר ואין מרפא׃

¹⁵Joßcan nak tâchâlk raylal saß xbêneb chi mâcßaß saß xchßôleb. Ut saß junpât teßsachekß ruheb. Incßaß chic teßcolekß.

¹⁶שש הנה שנא יהוה ושבע תועבות נפשו׃

¹⁶Cuan cuukub li naßleb li incßaß nacuulac chiru li Dios. Aßan eb aßin:

¹⁷עינים רמות לשון שקר וידים שפכות דם נקי׃

¹⁷li ani naxnimobresi rib ut li ani naticßtißic, ut li ani naxcamsi ras rîtzßin chi mâcßaß xmâc,

¹⁸לב חרש מחשבות און רגלים ממהרות לרוץ לרעה׃

¹⁸li ani naxcßoxla chanru nak tixbânu li mâusilal, ut li ani nacuulac chiru xbânunquil li incßaß us,

¹⁹יפיח כזבים עד שקר ומשלח מדנים בין אחים׃

¹⁹li ani nakßaban ut li ani nayoßoban pletic saß xyânkeb li ras rîtzßin.

²⁰נצר בני מצות אביך ואל תטש תורת אמך׃

²⁰Ex cualal incßajol, cheqßuehak saß êchßôl lê kßusbal li nequeßxqßue lê naß êyucuaß. Mêtzßektâna li naßleb nequeßxqßue.

²¹קשרם על לבך תמיד ענדם על גרגרתך׃

²¹Junelic cuânk saß êchßôl lê chakßrabinquil ut mêcanab xbânunquil.

²²בהתהלכך תנחה אתך בשכבך תשמר עליך והקיצות היא תשיחך׃

²²Aßan tâberesînk êre nak yôkex chi bêc. Ut aßan tâcolok êre nak yôkex chi cuârc. Ut nak texcuaclîk, aßan tixcßut chêru cßaßru têbânu.

²³כי נר מצוה ותורה אור ודרך חיים תוכחות מוסר׃

²³Relic chi yâl nak li kachakßrabinquil ut li katijbal aßan naxcutanobresi li kacßaßux. Li kakßusbal naxqßue kanaßleb re nak takanau chanru nak tocuânk.

²⁴לשמרך מאשת רע מחלקת לשון נכריה׃

²⁴Cui nequeqßue saß êchßôl lê kßusbal, tênau xcolbal êrib chiruheb li ixk li incßaß useb xnaßleb, li nequeßkßunbesin riqßuin châbil âtin.

²⁵אל תחמד יפיה בלבבך ואל תקחך בעפעפיה׃

²⁵Mêra ruheb li ixk aßan yal xban lix chßinaßusaleb. Ut mêqßue êrib chixbalakßiheb yal xban li rilobâleb.

²⁶כי בעד אשה זונה עד ככר לחם ואשת איש נפש יקרה תצוד׃

²⁶Li cuînk li naxic chixsicßbaleb li ixk li nequeßxcßayi rib, naxsach chixjunil lix tumin xban. Ut li cuînk li naxchßic rib riqßuin junak li sumsûquil ixk naxsach lix yußam.

²⁷היחתה איש אש בחיקו ובגדיו לא תשרפנה׃

²⁷¿Ma târûk ta biß tixqßue xam chire xchßôl li cuînk chi incßaß tâcßatk li rakß?

²⁸אם יהלך איש על הגחלים ורגליו לא תכוינה׃

²⁸¿Ma târûk ta biß tâbêk saß xbên li ru xam chi incßaß tixcßat li rok?

²⁹כן הבא אל אשת רעהו לא ינקה כל הנגע בה׃

²⁹Joßcan ajcuiß li cuînk li tixchßic rib riqßuin rixakil li ras rîtzßin. Ac chßolchßo nak tixtoj xmâc.

³⁰לא יבוזו לגנב כי יגנוב למלא נפשו כי ירעב׃

³⁰Li ani na-elkßac xban xtzßocajic incßaß natzßektânâc.

³¹ונמצא ישלם שבעתים את כל הון ביתו יתן׃

³¹Abanan cui tâtaßekß chi elkßac tento nak tixkßaxtesi rêkaj. Cuukub sut chic xqßuial li rêkaj tixqßue, usta tento nak tixkßaxtesi chixjunil li cßaßru cuan re.

³²נאף אשה חסר לב משחית נפשו הוא יעשנה׃

³²Li ani naxchßic rib riqßuin junak sumsu, aßan mâcßaß xnaßleb. Li jun aßan naxsach rib xjunes.

³³נגע וקלון ימצא וחרפתו לא תמחה׃

³³Kßaxal ra tixcßul. Mâ ani târahok re ut xutânal tixcßul chi junelic.

³⁴כי קנאה חמת גבר ולא יחמול ביום נקם׃

³⁴Li cuînk li yô xjoskßil xban xcakal xchßôl, mâ jokße târil xtokßobâl ru li tâmâcobk chiru.Incßaß tâcßojlâk xchßôl usta li cuînk li cuan xmâc târaj tixyîb ru li chßaßajquilal. Chi moco tâcßojlâk xchßôl cui tâsihîk nabalak cßaßru re.

³⁵לא ישא פני כל כפר ולא יאבה כי תרבה שחד׃

³⁵Incßaß tâcßojlâk xchßôl usta li cuînk li cuan xmâc târaj tixyîb ru li chßaßajquilal. Chi moco tâcßojlâk xchßôl cui tâsihîk nabalak cßaßru re.