¹ויברך אלהים את נח ואת בניו ויאמר להם פרו ורבו ומלאו את הארץ׃

¹¶ Na ka manaakitia a Noa ratou ko ana tama e te Atua. I mea ia ki a ratou, Kia hua, kia tini koutou, kia kapi ano hoki te whenua i a koutou.

²ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו׃

²A ko to koutou wehi, ko to koutou whakamataku, ka tau ki runga ki nga kirehe katoa o te whenua, ki nga manu katoa o te rangi, ki nga mea katoa e ngahue ana i runga i te whenua, ki nga ika katoa ano hoki o te moana; kua hoatu ena mea ki to koutou ringa.

³כל רמש אשר הוא חי לכם יהיה לאכלה כירק עשב נתתי לכם את כל׃

³Hei kai ma koutou nga mea korikori katoa, nga mea ora; rite tonu ki taku hoatutanga i nga otaota matomato taku hoatutanga i nga mea katoa ki a koutou.

⁴אך בשר בנפשו דמו לא תאכלו׃

⁴Otiia kaua e kainga e koutou te kikokiko me tona ora, ara ko ona toto.

⁵ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו אדרש את נפש האדם׃

⁵Na ko o koutou toto, ko te toto e ora nei koutou, he pono ka rapua e ahau he utu; ka rapua e ahau he utu i nga kirehe katoa; i te tangata ano hoki, ka rapua e ahau he utu mo te matenga o te tangata i te teina o ia tangata, o ia tangata.

⁶שפך דם האדם באדם דמו ישפך כי בצלם אלהים עשה את האדם׃

⁶Ko ia e whakaheke i nga toto o te tangata, ma te tangata ano ona toto e whakaheke: no te Atua hoki te ahua i hanga ai e ia te tangata.

⁷ואתם פרו ורבו שרצו בארץ ורבו בה׃

⁷A ko koutou, kia hua, kia tini; kia nui to koutou uri ki runga kite whenua, kia tini hoki ki reira.

⁸ויאמר אלהים אל נח ואל בניו אתו לאמר׃

⁸¶ A i korero te Atua ki a Noa ratou ko ana tama, i mea,

⁹ואני הנני מקים את בריתי אתכם ואת זרעכם אחריכם׃

⁹Ko ahau nei, nana, ka whakapumau ahau i taku kawenata ki a koutou, ki to koutou uri i muri i a koutou;

¹⁰ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץ׃

¹⁰Ki nga mea ora katoa hoki i a koutou, ki te manu, ki te kararehe, ki nga kirehe katoa hoki o te whenua e noho ana i a koutou; ki nga mea katoa i puta mai i roto i te aaka, puta noa ki nga kirehe katoa o te whenua.

¹¹והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץ׃

¹¹A ka whakapumautia e ahau taku kawenata ki a koutou; e kore e hatepea atu nga kikokiko katoa a muri ake nei e nga wai o te waipuke; e kore ano e puta mai he waipuke a muri ake nei hei whakangaro mo te whenua.

¹²ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם לדרת עולם׃

¹²¶ Ka mea te Atua, Ko te tohu tenei o te kawenata, e whakatakotoria nei e ahau ki waenganui oku, o koutou tae atu ki nga mea ora katoa i a koutou, mo nga whakatupuranga mutungakore:

¹³את קשתי נתתי בענן והיתה לאות ברית ביני ובין הארץ׃

¹³Ka whakatakotoria e ahau taku kopere ki te kapua, a ka waiho hei tohu mo te kawenata i waenganui oku, o te whenua.

¹⁴והיה בענני ענן על הארץ ונראתה הקשת בענן׃

¹⁴Tenei ake ano, i te wa e whakaputa ai ahau i te kapua ki runga ki te whenua, ka kitea te kopere i te kapua:

¹⁵וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר׃

¹⁵A ka mahara ahau ki taku kawenata i waenganui oku, o koutou me nga mea ora katoa, ara nga kikokiko katoa; e kore nga wai e pupuke a muri ake nei hei whakangaro i nga kikokiko katoa.

¹⁶והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ׃

¹⁶A ka piri te kopere ki te kapua; a ka titiro atu ahau ki taua mea, kia mahara ai ahau ki te kawenata mau tonu i waenganui o te Atua, o nga wairua ora katoa o nga kikokiko katoa i runga i te whenua.

¹⁷ויאמר אלהים אל נח זאת אות הברית אשר הקמתי ביני ובין כל בשר אשר על הארץ׃

¹⁷Na ka mea te Atua ki a Noa, Ko te tohu tenei o te kawenata e whakapumautia nei e ahau ki waenganui oku, o nga kikokiko katoa i runga i te whenua.

¹⁸ויהיו בני נח היצאים מן התבה שם וחם ויפת וחם הוא אבי כנען׃

¹⁸¶ Na ko nga tama a Noa, i puta mai nei i roto i te aaka, ko Hema, ko Hama, ko Iapeta: a ko Hama te matua o Kanaana.

¹⁹שלשה אלה בני נח ומאלה נפצה כל הארץ׃

¹⁹Ko nga tama tokotoru enei a Noa: a na enei i kapi ai te whenua katoa.

²⁰ויחל נח איש האדמה ויטע כרם׃

²⁰Na ka timata a Noa te ngaki whenua, a whakatokia ana e ia he mara waina:

²¹וישת מן היין וישכר ויתגל בתוך אהלה׃

²¹A ka inumia e ia te waina, ka haurangi; na ka takoto tahanga i roto i tona teneti.

²²וירא חם אבי כנען את ערות אביו ויגד לשני אחיו בחוץ׃

²²A, i te kitenga o Hama, o te matua o Kanaana, i tona matua e takoto tahanga ana, ka korerotia e ia ki ona tuakana tokorua i waho.

²³ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו׃

²³Na ka tango a Hema raua ko Iapeta i tetahi kakahu, maka iho e raua ki runga ki o raua pokohiwi, na ka haere whakatuara atu raua, a hipokina ana te wahi takoto kau o to raua papa; me te ahu ano o raua kanohi ki muri, a kihai raua i kite i te wahi takoto kau o to raua papa.

²⁴וייקץ נח מיינו וידע את אשר עשה לו בנו הקטן׃

²⁴¶ Na ka maranga ake a Noa i tana waina, ka mohio ki ta tana potiki i mea ai ki a ia.

²⁵ויאמר ארור כנען עבד עבדים יהיה לאחיו׃

²⁵Na ka mea ia, Ka kanga a Kanaana, ka waiho ia hei tino pononga ma ona tuakana.

²⁶ויאמר ברוך יהוה אלהי שם ויהי כנען עבד למו׃

²⁶I mea ano ia, Kia whakapaingia a Ihowa, te Atua o Hema; a ka waiho a Kanaana hei pononga mana.

²⁷יפת אלהים ליפת וישכן באהלי שם ויהי כנען עבד למו׃

²⁷Ka meinga a Iapeta e te Atua kia tohatoha noa atu, kia noho hoki ia ki nga teneti o Hema; a hei pononga a Kanaana mana.

²⁸ויחי נח אחר המבול שלש מאות שנה וחמשים שנה׃

²⁸¶ A e toru rau e rima tekau nga tau i ora ai a Noa i muri i te waipuke.

²⁹ויהיו כל ימי נח תשע מאות שנה וחמשים שנה וימת׃

²⁹A ko nga ra katoa o Noa e iwa rau e rima tekau tau: a ka mate ia.