¹מה יפו פעמיך בנעלים בת נדיב חמוקי ירכיך כמו חלאים מעשה ידי אמן׃

¹¶ Ano te ataahua o ou waewae i roto i ou hu, e te tamahine a te rangatira! Ko nga hononga o ou huha, koia ano kei o nga peara, he mea hanga na nga ringa o te kaimahi mohio.

²שררך אגן הסהר אל יחסר המזג בטנך ערמת חטים סוגה בשושנים׃

²Ko tou pito, koia ano kei te oko porotaka, kihai i hapa i te waina whakaranu; ko tou kopu, ano he puranga witi kua oti te karapoti ki nga rengarenga.

³שני שדיך כשני עפרים תאמי צביה׃

³Ko ou u e rua, ano ko nga kuao e rua, he mahanga na te anaterope.

⁴צוארך כמגדל השן עיניך ברכות בחשבון על שער בת רבים אפך כמגדל הלבנון צופה פני דמשק׃

⁴Ko tou kaki ano he pourewa rei; ko ou kanohi, ano ko nga roto wai i Hehepona, i te kuwaha o Peterapimi; ko tou ihu, ano ko te pourewa o Repanona, e titiro atu nei ki Ramahiku.

⁵ראשך עליך ככרמל ודלת ראשך כארגמן מלך אסור ברהטים׃

⁵Ko tou mahunga i runga i a koe rite tonu ki Karamere, a ko te makawe o tou mahunga ki te papura; e mau herehere ana te kingi i roto i ona uru.

⁶מה יפית ומה נעמת אהבה בתענוגים׃

⁶Ano te ataahua, ano te pai ou, e te mea e arohaina ana, ahuareka tonu!

⁷זאת קומתך דמתה לתמר ושדיך לאשכלות׃

⁷Rite tonu koe ki te nikau i a koe e tu nei, a ko ou u ki nga tautau karepe.

⁸אמרתי אעלה בתמר אחזה בסנסניו ויהיו נא שדיך כאשכלות הגפן וריח אפך כתפוחים׃

⁸I mea ahau, Ka pikitia e ahau te nikau, ka hopukia atu e ahau ona manga: kia rite ou u ki nga tautau o te waina, te kakara o tou ha ki te aporo;

⁹וחכך כיין הטוב הולך לדודי למישרים דובב שפתי ישנים׃

⁹A ko tou mangai kia rite ki te waina tino pai e mania nei tana heke ma taku e aroha nei, e rere ana na nga ngutu o te hunga e moe ana.

¹⁰אני לדודי ועלי תשוקתו׃

¹⁰¶ Kei taku e aroha nei ahau; ko ahau ano tana e hiahia ai.

¹¹לכה דודי נצא השדה נלינה בכפרים׃

¹¹Haere mai, e taku e aroha nei, taua ka haere ki te parae, ka moe taua ki nga pa ririki.

¹²נשכימה לכרמים נראה אם פרחה הגפן פתח הסמדר הנצו הרמונים שם אתן את דדי לך׃

¹²Kia moata to taua maranga ki nga mara waina; kia kite ai, e tupu ana ranei te waina, kua puta ranei te karepe hou, e kopuku ana ranei nga pamekaranete; ko reira hoatu ai e ahau toku aroha ki a koe.

¹³הדודאים נתנו ריח ועל פתחינו כל מגדים חדשים גם ישנים דודי צפנתי לך׃

¹³Kei te patu te kakara o nga manitareki, kei o taua kuwaha ano nga momo hua papai katoa, nga mea hou, nga mea tawhito, he mea rongoa naku mau, e taku e aroha nei.