¹ואלה המשפטים אשר תשים לפניהם׃

¹Zvino ndiyo mirairo yaunofamra kuisa pamberi pavo:

²כי תקנה עבד עברי שש שנים יעבד ובשבעת יצא לחפשי חנם׃

²Kana ukatenga muranda muHebheru, ngaakubatire makore matanhatu; asi nerechinomwe anofanira kubuda hake asina chaanoripa.

³אם בגפו יבא בגפו יצא אם בעל אשה הוא ויצאה אשתו עמו׃

³Kana achipinda ari oga, anofanira kubuda ari oga; kana ano mukadzi, mukadzi wake anofanira kubuda naye.

⁴אם אדניו יתן לו אשה וילדה לו בנים או בנות האשה וילדיה תהיה לאדניה והוא יצא בגפו׃

⁴Kana tenzi wake akamupa mukadzi, iye akamuberekera vanakomana navanasikana, mukadzi navana vake vanofanira kuva vatenzi wake, asi iye anofanira kubuda ari oga.

⁵ואם אמר יאמר העבד אהבתי את אדני את אשתי ואת בני לא אצא חפשי׃

⁵Asi kana iye muranda akati, Ndinoda tenzi wangu nomukadzi wangu navana vangu, handidi kubuda hangu;

⁶והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם׃

⁶zvino tenzi wake anofanira kumuisa kuna Mwari, nokumuisa kumukova, kana kugwatidziro romukova; ipapo tenzi wake anofanira kumuurura nzeve yake norunji; zvino anofanira kumubatira nokusingaperi.

⁷וכי ימכר איש את בתו לאמה לא תצא כצאת העבדים׃

⁷Kana munhu akatengesa mukunda wake kuti ave murandakadzi, iye haafaniri kubuda savaranda varume.

⁸אם רעה בעיני אדניה אשר לא יעדה והפדה לעם נכרי לא ימשל למכרה בבגדו בה׃

⁸Kana asingafadzi tenzi wake, akafunga kumuwana amene, anofanira kutendera kuti adzikunurwe, haangavi nesimba rokumutengesa kuvatorwa, nekuti amunyengedzera.

⁹ואם לבנו ייעדנה כמשפט הבנות יעשה לה׃

⁹Kana akamuwanisa nomwanakomana wake; anofanira kumuitira nenzira yavakunda.

¹⁰אם אחרת יקח לו שארה כסותה וענתה לא יגרע׃

¹⁰Kana akazowana mumwe mukadzi, haafaniri kutapudza zvokudya zvake, kana nguvo dzake, kana zvaanofanirwa nazvo pakuwanikwa.

¹¹ואם שלש אלה לא יעשה לה ויצאה חנם אין כסף׃

¹¹Kana akasamuitira zvinhu izvi zvitatu, anofanira kubuda hake asingaripi chinhu, asingaripi mari.

¹²מכה איש ומת מות יומת׃

¹²Anorova munhu, akafa, zvirokwazvo iye anofanira kuurawa.

¹³ואשר לא צדה והאלהים אנה לידו ושמתי לך מקום אשר ינוס שמה׃

¹³Asi kana munhu asina kumuvandira, asi Mwari achinge atendera kuti awire muruoko rwake, ndichakutarira nzvimbo kwaangatizira.

¹⁴וכי יזד איש על רעהו להרגו בערמה מעם מזבחי תקחנו למות׃

¹⁴Kana munhu akaita nobwoni kuno wokwake, akamuuraya nokunyengedzera, iwe unofanira kumubvisa paaritari yangu afe.

¹⁵ומכה אביו ואמו מות יומת׃

¹⁵Anorova baba vake kana mai vake, zvirokwazvo anofanira kuurawa.

¹⁶וגנב איש ומכרו ונמצא בידו מות יומת׃

¹⁶Anoba munhu, akamutengesa, kana zvimwe akawanikwa ari muruoko rwake, zvirokwazvo anofanira kuurawa.

¹⁷ומקלל אביו ואמו מות יומת׃

¹⁷Anotuka baba vake kana mai vake, zvirokwazvo anofanira kuurawa.

¹⁸וכי יריבן אנשים והכה איש את רעהו באבן או באגרף ולא ימות ונפל למשכב׃

¹⁸Kana vanhu vakaita nharo, mumwe akarova mumwe nebwe, kana netsiva, akasafa, asi akavata panhovo;

¹⁹אם יקום והתהלך בחוץ על משענתו ונקה המכה רק שבתו יתן ורפא ירפא׃

¹⁹kana akazomukazve, akafamba panze achidonzva, akamurova haangavi nemhosva, asi anofanira kuripira nguva yaakarasikirwa nayo, uye anofanira kumurapisa kusvikira apora kwazvo.

²⁰וכי יכה איש את עבדו או את אמתו בשבט ומת תחת ידו נקם ינקם׃

²⁰Kana munhu akarova muranda wake kana murandakadzi wake neshamhu, akafira paruoko rwake, zvirokwazvo anofanira kutsiviwa.

²¹אך אם יום או יומים יעמד לא יקם כי כספו הוא׃

²¹Asi kana akararama zuva rimwe kana maviri, haafaniri kutsiviwa; nekuti iye imari yake.

²²וכי ינצו אנשים ונגפו אשה הרה ויצאו ילדיה ולא יהיה אסון ענוש יענש כאשר ישית עליו בעל האשה ונתן בפללים׃

²²Kana varume vakarwa, vakakuvadza mukadzi ane mimba, akashaya, asi asina kukuvadzwa hake zvikuru, iye anofanira kuripiswa sezvaanotarirwa nomurume womukadzi uyo; anofanira kuripa sezvinotarwa navatongi.

²³ואם אסון יהיה ונתתה נפש תחת נפש׃

²³Asi kana achinge akuvadzwa kwazvo, iye anofanira kutsiva upenyu noupenyuwo,

²⁴עין תחת עין שן תחת שן יד תחת יד רגל תחת רגל׃

²⁴ziso neziso, zino nezino, ruoko noruoko, rutsoka norutsoka,

²⁵כויה תחת כויה פצע תחת פצע חבורה תחת חבורה׃

²⁵kutsva nokutsva, vanga nevanga, kukuvadzwa nokukuvadzwa.

²⁶וכי יכה איש את עין עבדו או את עין אמתו ושחתה לחפשי ישלחנו תחת עינו׃

²⁶Kana munhu akarova ziso romuranda wake, kana ziso romurandakadzi wake, akariuraya, anofanira kumurega kuti aende hake nokuda kweziso rake.

²⁷ואם שן עבדו או שן אמתו יפיל לחפשי ישלחנו תחת שנו׃

²⁷Kana akarova muranda wake kana murandakadzi wake, zino rake rikabva, anofanira kumurega kuti aende hake nokuda kwezino rake.

²⁸וכי יגח שור את איש או את אשה ומת סקול יסקל השור ולא יאכל את בשרו ובעל השור נקי׃

²⁸Kana nzombe ikatunga murume kana mukadzi, akafa, nzombe iyoyo inofanira kutakwa namabwe, nenyama yayo haifaniri kudyiwa; asi muridzi wenzombe haangavi nemhosva.

²⁹ואם שור נגח הוא מתמל שלשם והועד בבעליו ולא ישמרנו והמית איש או אשה השור יסקל וגם בעליו יומת׃

²⁹Asi kana nzombe yaisitunga kare, muridzi wayo akaudzwa izvozvo, akasaichengeta, ikauraya murume kana mukadzi, nzombe inofanira kutakwa namabwe, naiye muridzi wayo anofanira kuurawa.

³⁰אם כפר יושת עליו ונתן פדין נפשו ככל אשר יושת עליו׃

³⁰Kana achinge atarirwa rudzikunuro, anofanira kuripa zvose zvaatarirwa, kuti adzikunure upenyu hwake.

³¹או בן יגח או בת יגח כמשפט הזה יעשה לו׃

³¹Kunyange ikatunga mwanakomana kana mwanasikana vanofanira kumuitira nomurayiro uyu.

³²אם עבד יגח השור או אמה כסף שלשים שקלים יתן לאדניו והשור יסקל׃

³²Kana nzombe ikatunga muranda kana murandakadzi, muridzi wayo anofanira kuripira tenzi wake mashekeri esirivha ana makumi matatu, uye nzombe iyoyo inofanira kutakwa namabwe.

³³וכי יפתח איש בור או כי יכרה איש בר ולא יכסנו ונפל שמה שור או חמור׃

³³Kana munhu akadziura gomba, uye kana munhu akachera gomba, akasaridzivira, nzombe kana dhongi rikawiramo,

³⁴בעל הבור ישלם כסף ישיב לבעליו והמת יהיה לו׃

³⁴muridzi wegomba anofanira kuripa, anofanira kubudisira muridzi wayo mari, asi chipfuwo chakafa chichava chake.

³⁵וכי יגף שור איש את שור רעהו ומת ומכרו את השור החי וחצו את כספו וגם את המת יחצון׃

³⁵Kana nzombe yomumwe munhu ikatunga yomumwe, ikafa, vanofanira kutengesa nzombe mhenyu, vagovane mutengo wayo, naiyo yakafa vanofanira kuigovana.

³⁶או נודע כי שור נגח הוא מתמול שלשם ולא ישמרנו בעליו שלם ישלם שור תחת השור והמת יהיה לו׃

³⁶Kana vaiziva kare kuti nzombe iyo inotunga, muridzi wayo akasaichengeta, zvirokwazvo anofanira kuripa, nzombe nenzombe, asi yakafa ichava yake.