¹గోని నిమ్మ అతుకు కలితి ఇల్లో నిజమత్త బోదతిని బోథిసవాలె.

¹But say the things which fit sound doctrine,

²ముక్క మనుసుర్కు నిమ్మలమ్ మందనోరుగా, మంచి మరియూద ఏంతోరుగా, తేట బుథ్ది మందనోరుగా మందవాలె. ఓరు గెట్టి నమ్మకమ్, పేమా, పెయుసి మందనోరుగ మందవాలె ఇంజి ఓరికి బుథ్ది కెల్లా.

²that older men should be temperate, sensible, sober minded, sound in faith, in love, and in patience:

³ఆలాకె ముక్క నాటోకు గూడ సుబ్బరంగా నడదవాలె ఇంజి, ఓరు సాడి మాట కెత్తనోరాసి మంద గూడొ ఇంజి, ఓరు నిసాతికి బానిసుర్కాసి మంద గూడో ఇంజి బుథ్ది కెల్లా.

³and that older women likewise be reverent in behavior, not slanderers nor enslaved to much wine, teachers of that which is good;

⁴ఆలాకె పడుసు పిల్లా ఓరి ముతపలోరిని, ఓరి పిల్లాని పేమిసనోరుగా మందవాలె ఇంజి నేర్పిసనాంకి ముక్క నాటోంకి మంచిగా బోథిసి బుథ్ది కెల్లా.

⁴that they may train the young women to love their husbands, to love their children,

⁵ఓరు తేట బుథ్దిగలవారుగా ఓరి ఒల్దె, ఆత్మాతె సుబ్బరంగ మందవాలె ఇంజి కెల్లా; లోత్తె మంజి పని తుంగవాలె ఇంజి; థేమటె మాట దూసిసకుండా ఓరి ముత్తపలోరికి లోబరిసి, మంచి పెథేరు ఏందవాలె ఇంజి బుథ్ది కెల్లా,

⁵to be sober minded, chaste, workers at home, kind, being in subjection to their own husbands, that God’s word may not be blasphemed.

⁶ఆలాకె, పడుసు బొందలోరు గూడ తేట బుథ్దిగలవారాసి మందవాలె ఇంజి ఓరికి బుథ్ది కెల్లా.

⁶Likewise, exhort the younger men to be sober minded;

⁷పతిథాంటె నిమ్మే నీ మంచి నడకతిని తోపిసి వేరెవారి మున్నె గురుతుగా మంథా. మంచి మరియూద మందనోండుగా, బేనో గూడ నీ పొం్రొ తప్పు వాటకుండా నిజాయుతి మందనోండుగా బోథిసవాలె.

⁷in all things showing yourself an example of good works; in your teaching showing integrity, seriousness, incorruptibility,

⁸నీకు విరోదంగా మందనోండు నీ గురుంచి సెడ్డ మాటా కెత్తనాంకి బాత ఇల్లె ఇంజి ఊడి సిగ్గు పరదనాటు, నిమ్మ బొక్కిసాని బోద బోథిసకుండా మందవాలె.

⁸and soundness of speech that can’t be condemned; that he who opposes you may be ashamed, having no evil thing to say about us.

⁹బానిసుర్కు ఓరి ఎజమానుర్కింకి లోబరిసి మంజి, ఎదురు మాట తిరియకుండా పతిథాంటె మంచిగా నడదవాలె.

⁹Exhort servants to be in subjection to their own masters, and to be well-pleasing in all things; not contradicting;

¹⁰ఓరు థొంగతనమ్ తుంగకుండా మందవాలె. ఓరు తుంగాని పనుంగినే నిజాయుతి మందనోరుగా తోపిసి, ఈలా మన రచ్చకుండత్త థేమటె మాటా మంచిథి ఇంజి జనాకు అనుకుట్టాటు నడదవాలె ఇంజి ఓరికి బుథ్ది కెల్లా.

¹⁰not stealing, but showing all good fidelity; that they may adorn the doctrine of God, our Savior, in all things.

¹¹బారితుకు మనుసుర్కు అంథోరికి రచ్చన ఈదవాలె ఇంజి థేమండు ఓని దయతిని తోపిస్తో.

¹¹For the grace of God has appeared, bringing salvation to all men,

¹²మనాడు ఈ కాలాతె నమ్మకమ్ ఇల్లోవారుగా బతకకుండా, ఈ లోకతికి చెంత సెడ్డ ఆసకిని విడిసి వాటి, తేట బుథ్దిగలవారాసి, థేమటె పొం్రొ బకితి మందనోరుగా నీతిగా కాపరమ్ తుంగవాలె.

¹²instructing us to the intent that, denying ungodliness and worldly lusts, we would live soberly, righteously, and godly in this present world;

¹³మనాడు నమ్మి మంథాని గొప్ప నిరిచ్చనతిని పెయుసి, మన గొప్ప థేమండు రచ్చకుండు అత్త యేసు కిరిస్తు గొప్పంగా గిరుడ్డి వాథాని థినాతిని మనాడు ఎదురూడవాలె ఇంజి ఓండు దయతోటె మనాంకి బోథిసోరె మినో.

¹³looking for the blessed hope and appearing of the glory of our great God and Savior, Jesus Christ;

¹⁴ఓండు మనాని అన్ని దుస్ట పనుంగినుంచి విడిపిసి ఓని సొంతా జనాక్కినా తుంగ్తో. ఓండు మనాని నొరిసి, మంచి పనుంగిని తుంగనాంకి పట్టు పెయుసి మందవాలె ఇంజి మనసేంకా డొల్లి థాయనాంకి ఓనినే ఓండు ఒపగిస్తో.

¹⁴who gave himself for us, that he might redeem us from all iniquity, and purify for himself a people for his own possession, zealous for good works.

¹⁵ఈ మాటకిని నిమ్మ నేర్పిసి, పూర్తి అథికారమ్తోటెె సెడ్డ బోదకిని గథ్దిసి బుథ్ది కెల్లా. బేనో గూడ నీనిన్ తీసి వాటనాంకి సందు ఈద గూడో.

¹⁵Say these things and exhort and reprove with all authority. Let no man despise you.