¹Huan suai bawlte hiaite ahi uh Nehemia Tirsatha, Hakalia tapa, leh Zedekia;

²Seraia, Azaria, Jeremia;

³Pashur, Amaria, Malkija;

⁴Hattus, Sebania, Malluk;

⁵Harim, Meremot, Obadia;

⁶Daniel, Gennethon, Baruk;

⁷Mesullam, Abija, Mijamin;

⁸Maazia, Bilgai, Semaia: hiaite siampute ahi uh.

⁹Huan Levi mite: huaite, Jesua Azania tapa, Binnui Henadad tapa, Kadmiel;

¹⁰Huan a unaute uh, Sebania, Hodia, Kelita, Pelaia, Hanan;

¹¹Mika, Rehob, Hasabia;

¹²Zakkur, Serebia, Sebania;

¹³Hodia, Bani, Beninu;

¹⁴Mite hausate: Paros, Pahath-moab, Elam, Zattu, Bani;

¹⁵Bunni, Azgad, Bebai;

¹⁶Adonija, Bigvai, Adin;

¹⁷Ater, Hezekia, Azzur;

¹⁸Hodia, Hasum, Bezai;

¹⁹Harip, Anathot, Nebia;

²⁰Magpias, Mesullam, Hezir;

²¹Mesezabel, Zadok, Jaddua;

²²Pelatia, Hanan, Anaia;

²³Hosia, Hanania, Hasub;

²⁴Hallohes, Pilha, Sobek;

²⁵Rehum, Hasabna, Maaseia;

²⁶Huan Ahia, Hanan, Anan;

²⁷Malluk, Harim, Baana.

²⁸Huan mipi laka adangte, siampute, Levi mite, kongkhakngakte, lasamite, Nithinim mite, leh gamtea mite laka kipana amau leh amau Pathian dan lama ki tuamsehte tengteng, a jite uh, a tapate uh, a tanute uh, mi chih theihna leh theihtheihna neite;

²⁹A unaute uh, a miliante uh lamah a belh chinten ua, Mosi Pathian sikhain a piak Pathian dana om ding leh, TOUPA i Toupa uh thupiak tengteng jui ding leh hih dinga, a vaihawmte leh a thusehte hih dingin hamsia leh kichiamna a bawl uhi;

³⁰Huan i tanute gama mite kianga pe lou ding leh, i tapate adia a tanute uh la lou dingin:

³¹Huan gama miten khawlnia van hiam annek hiam juak ding a hontawi uleh, khawlni hiam, ni siang ni hiamin huaite i lei kei ding uh: huchiin kum sagihna lou hiate lak leh leiba chiteng sik i kidek ding uh.

³²Huailou leng i Pathian uh in nasepna dinga kum tenga sekel sih thumna kiba sak dingin, dante leng i kibawl ua;

³³Tanghou koih ading, anpiak thillat gige ading, halmang thillat gige ading, khawlnite, kha thakte, sehsa ankuangte ading, thil siangthoute ading, Israel adia lemna kithoihna bawlna dia khelhna thillatte ading, leh i Pathian in ua nasepna tengteng adingin.

³⁴Huan ai i san ua, siampute, Levi mite leh mite, sing thillat adingin, dana a kigelh banga, i Pathian uh TOUPA maitam tunga khul ding, kum tenga, hunte sehsa, i pipute inkote dungjuia, i Pathian in ua lak lut dingin:

³⁵Huan TOUPA ina, kum tenga, i lei theigah masapente, sing chitenga gah tengteng akipan gahmasapente, tawi dingin:

³⁶Dana kigelh bangin, i tapate laka piang masapen leh i gantate laka leng, i bawnghonte lak leh i belam honte laka nou masapente, i Pathian in ua nasem siampute kianga i Pathian in ua tawi dingin:

³⁷Huan i tangbuang mek masapen u leh, i vei thillatte uh leh, sing chiteng gah, uain leh thau, i Pathian uh ina dantante ah, siampute kiangah i tawi ding uh; huan i loumaa sawm-khatte Levi mite kiangah; amau, Levi miten lah, i singtang khopi tengteng uah sawm-khat a la ngal ua.

³⁸Huan Aron tapa Siampu, Levi miten sawma-khatte sawma-khat i Pathian in uah, dantante ah, sumbawm in ah a tawi tou ding uhi.Israel tate leh Levi taten buhlehbal vei, uain, thau, thillatmunsiang tuiumbelsuante, nasem siampute, kongkhakngakte leh lasamite omna, munsiangthoua a tawi ding uh lah ahi ngala: Huan i Pathian in uh i nuse kei ding uhi.

³⁹Israel tate leh Levi taten buhlehbal vei, uain, thau, thillatmunsiang tuiumbelsuante, nasem siampute, kongkhakngakte leh lasamite omna, munsiangthoua a tawi ding uh lah ahi ngala: Huan i Pathian in uh i nuse kei ding uhi.