¹Ary Jesosy nilaza fanoharana taminy, fa tsy mety raha tsy mivavaka mandrakariva izy ka tsy reraka,

¹And he spake also a simile to them, that it behoveth [us] always to pray, and not to faint,

²dia nanao hoe: Nisy mpitsara tao an-tanàna anankiray, izay tsy natahotra an'Andriamanitra, na mena-maso olona.

²saying, `A certain judge was in a certain city — God he is not fearing, and man he is not regarding —

³Ary nisy mpitondratena tao amin'izany tanàna izany, izay nankao aminy matetika ka nanao hoe: Omeo rariny aho amin'ilay manana ady amiko.

³and a widow was in that city, and she was coming unto him, saying, Do me justice on my opponent,

⁴Ary tsy nanaiky izy aloha; fa rehefa afaka izany, dia nanao anakampo hoe izy: Na dia tsy matahotra an'Andriamanitra aza aho sady tsy mena-maso olona,

⁴and he would not for a time, but after these things he said in himself, Even if God I do not fear, and man do not regard,

⁵mba homeko rariny ihany io mpitondratena io, fa manahirana ahy izy, fandrao ho avy mandrakariva izy ka hampahasosotra ahy.

⁵yet because this widow doth give me trouble, I will do her justice, lest, perpetually coming, she may plague me.`

⁶Ary hoy ny Tompo: Henoy izay lazain'ilay mpitsara tsy marina.

⁶And the Lord said, `Hear ye what the unrighteous judge saith:

⁷Fa Andriamanitra tsy hanome rariny ny olom-boafidiny va, izay mitaraina aminy andro aman'alina, ary moa hitaredretra va Izy?

⁷and shall not God execute the justice to His choice ones, who are crying unto Him day and night — bearing long in regard to them?

⁸Lazaiko aminareo fa homeny rariny faingana izy. Kanefa, raha avy ny Zanak'olona, moa hahita finoana etỳ ambonin'ny tany va Izy?

⁸I say to you, that He will execute the justice to them quickly; but the Son of Man having come, shall he find the faith upon the earth?`

⁹Ary Jesosy nanao ity fanoharana ity tamin'ny sasany izay natoky tena ho marina ka namingavinga ny hafa;

⁹And he spake also unto certain who have been trusting in themselves that they were righteous, and have been despising the rest, this simile:

¹⁰Nisy roa lahy niakatra teo an-kianjan'ny tempoly hivavaka, ny anankiray Fariseo, ary ny anankiray mpamory hetra.

¹⁰`Two men went up to the temple to pray, the one a Pharisee, and the other a tax-gatherer;

¹¹Ilay Fariseo nitsangana ka nivavaka nitokana hoe: Andriamanitra ô, misaotra Anao aho fa tsy mba tahaka ny olona sasany, izay mpanao an-keriny, tsy marina, mpijangajanga, na tahaka io mpamory hetra io aza.

¹¹the Pharisee having stood by himself, thus prayed: God, I thank Thee that I am not as the rest of men, rapacious, unrighteous, adulterers, or even as this tax-gatherer;

¹²Mifady indroa isan-kerinandro aho; mandoa ny fahafolon-karena amin'izay azoko rehetra aho.

¹²I fast twice in the week, I give tithes of all things — as many as I possess.

¹³Fa ilay mpamory hetra kosa nijanona teny lavitra eny, sady tsy nety niandrandra ny lanitra akory, fa niteha-tratra ka nanao hoe: Andriamanitra ô, mamindrà fo amiko mpanota.

¹³`And the tax-gatherer, having stood afar off, would not even the eyes lift up to the heaven, but was smiting on his breast, saying, God be propitious to me — the sinner!

¹⁴Lazaiko aminareo: Izany lehilahy izany nidina tany an-tranony efa nohamarinina noho ny anankiray; fa izay rehetra manandra-tena no haetry, ary izay rehetra manetry tena no hasandratra.

¹⁴I say to you, this one went down declared righteous, to his house, rather than that one: for every one who is exalting himself shall be humbled, and he who is humbling himself shall be exalted.`

¹⁵Ary nisy nitondra zazakely koa ho eo amin'i Jesosy mba hotendreny; fa raha vao nahita izany ny mpianatra, dia nandrara azy.

¹⁵And they were bringing near also the babes, that he may touch them, and the disciples having seen did rebuke them,

¹⁶Fa Jesosy niantso ireo hankeo aminy ka nanao hoe: Avelao ny zaza hanatona Ahy, ary aza raràna; fa an'ny toa azy ny fanjakan'Andriamanitra.

¹⁶and Jesus having called them near, said, `Suffer the little children to come unto me, and forbid them not, for of such is the reign of God;

¹⁷Lazaiko aminareo marina tokoa: Na zovy na zovy no ny handray ny fanjakan'Andriamanitra tahaka ny zaza, dia tsy ho tafiditra aminy akory.

¹⁷verily I say to you, Whoever may not receive the reign of God as a little child, may not enter into it.`

¹⁸Ary nisy mpanapaka anankiray nanontany Azy hoe: Mpampianatra tsara ô, inona no hataoko handovako fiainana mandrakizay?

¹⁸And a certain ruler questioned him, saying, `Good teacher, what having done — shall I inherit life age-during?`

¹⁹Fa hoy Jesosy taminy: Nahoana Aho no ataonao tsara? Tsy misy tsara afa-tsy Iray ihany, dia Andriamanitra.

¹⁹And Jesus said to him, `Why me dost thou call good? no one [is] good, except One — God;

²⁰Fantatrao ny didy hoe: Aza mijangajanga, Aza mamono olona, Aza mangalatra, Aza mety ho vavolombelona mandainga, Manajà ny rainao sy ny reninao (Eks. 20. 12-16).

²⁰the commands thou hast known: Thou mayest not commit adultery, Thou mayest do no murder, Thou mayest not steal, Thou mayest not bear false witness, Honour thy father and thy mother.`

²¹Ary hoy kosa izy: Izany rehetra izany dia efa notandremako hatry ny fony aho mbola kely.

²¹And he said, `All these I did keep from my youth;`

²²Ary rehefa nandre izany Jesosy, dia hoy Izy taminy: Mbola diso zavatra iray loha ianao: amidio ny fanananao rehetra, ka zarao ho an'ny malahelo, dia hanana rakitra any an-danitra ianao; ary avia, manaraha Ahy.

²²and having heard these things, Jesus said to him, `Yet one thing to thee is lacking; all things — as many as thou hast — sell, and distribute to the poor, and thou shalt have treasure in heaven, and come, be following me;`

²³Ary rehefa nandre izany ralehilahy, dia nalahelo loatra; fa nanan-karena dia nanan-karena izy.

²³and he, having heard these things, became very sorrowful, for he was exceeding rich.

²⁴Ary Jesosy, raha nijery azy, dia nanao hoe: Manao ahoana ny hasarotry ny hidiran'ny manan-karena amin'ny fanjakan'Andriamanitra!

²⁴And Jesus having seen him become very sorrowful, said, `How hardly shall those having riches enter into the reign of God!

²⁵Fa ho moramora kokoa ny hidiran'ny rameva amin'ny vodi-fanjaitra noho ny hidiran'ny manan-karena amin'ny fanjakan'Andriamanitra!

²⁵for it is easier for a camel through the eye of a needle to enter, than for a rich man into the reign of God to enter.`

²⁶Ary izay nandre dia nanao hoe: Iza indray moa no azo hovonjena?

²⁶And those who heard, said, `And who is able to be saved?`

²⁷Fa hoy Jesosy: Izay zavatra tsy hain'ny olona dia hain'Andriamanitra.

²⁷and he said, `The things impossible with men are possible with God.`

²⁸Dia hoy Petera: Indro, izahay efa nahafoy izay nety ho anay ka nanaraka Anao.

²⁸And Peter said, `Lo, we left all, and did follow thee;`

²⁹Ary hoy Jesosy taminy: Lazaiko aminareo marina tokoa: Tsy misy olona izay efa nahafoy trano, na vady, na rahalahy, na ray, na reny, na zanaka, noho ny fanjakan'Andriamanitra,

²⁹and he said to them, `Verily I say to you, that there is not one who left house, or parents, or brothers, or wife, or children, for the sake of the reign of God,

³⁰izay tsy handray be lavitra amin'izao andro ankehitriny izao, ary amin'ny andro ho avy dia fiainana mandrakizay.

³⁰who may not receive back manifold more in this time, and in the coming age, life age-during.`

³¹Ary Jesosy naka ny roa ambin'ny folo lahy ka nanao taminy hoe: Indro, miakatra ho any Jerosalema isika, dia ho tanteraka ny zavatra rehetra izay voasoratry ny mpaminany ny amin'ny Zanak'olona.

³¹And having taken the twelve aside, he said unto them, `Lo, we go up to Jerusalem, and all things shall be completed — that have been written through the prophets — to the Son of Man,

³²Fa hatolotra ho amin'ny jentilisa Izy, dia hataony fihomehezana sy hisetrasetrany sy hororany

³²for he shall be delivered up to the nations, and shall be mocked, and insulted, and spit upon,

³³ary hokapohiny sy hovonoiny, ary amin'ny andro fahatelo dia hitsangana Izy.

³³and having scourged they shall put him to death, and on the third day he shall rise again.`

³⁴Nefa tsy nisy azony akory izany teny izany, fa nafenina taminy izy ka dia tsy fantany izay nolazainy.

³⁴And they none of these things understood, and this saying was hid from them, and they were not knowing the things said.

³⁵Ary raha Jesosy nanakaiky an'i Jeriko, dia indro jamba anankiray nipetraka nangataka teo amoron-dalana.

³⁵And it came to pass, in his coming nigh to Jericho, a certain blind man was sitting beside the way begging,

³⁶Ary raha nandre ny vahoaka mandalo izy, dia nanontany hoe: Inona izany?

³⁶and having heard a multitude going by, he was inquiring what this may be,

³⁷Ary hoy ny olona taminy: Jesosy avy any Nazareta no mandalo.

³⁷and they brought him word that Jesus the Nazarene doth pass by,

³⁸Dia niantso mafy ralehilahy ka nanao hoe: Ry Jesosy, Zanak'i Davida ô, mamindrà fo amiko.

³⁸and he cried out, saying, `Jesus, Son of David, deal kindly with me;`

³⁹Ary izay nandeha teny aloha dia niteny mafy azy mba hangina, fa vao mainka niantsoantso izy ka nanao hoe: Ry Zanak'i Davida ô, mamindrà fo amiko.

³⁹and those going before were rebuking him, that he might be silent, but he was much more crying out, `Son of David, deal kindly with me.`

⁴⁰Ary Jesosy nijanona, dia nasainy ho entina eo aminy ralehilahy; ary rehefa mby akaiky izy, dia nanontany azy Jesosy

⁴⁰And Jesus having stood, commanded him to be brought unto him, and he having come nigh, he questioned him,

⁴¹ka nanao hoe: Inona moa no tianao hataoko aminao? Ary hoy izy: Tompoko, ny mba hampahiratina ny masoko.

⁴¹saying, `What wilt thou I shall do to thee?` and he said, `Sir, that I may receive sight.`

⁴²Dia hoy Jesosy taminy: Mahirata ny masonao; ny finoanao no efa nahavonjy anao.Ary niaraka tamin'izay dia nahiratra ny masony, ka nanaraka an'i Jesosy izy sady nankalaza an'Andriamanitra; ary ny vahoaka rehetra, raha nahita, dia nidera an'Andriamanitra.

⁴²And Jesus said to him, `Receive thy sight; thy faith hath saved thee;`

⁴³Ary niaraka tamin'izay dia nahiratra ny masony, ka nanaraka an'i Jesosy izy sady nankalaza an'Andriamanitra; ary ny vahoaka rehetra, raha nahita, dia nidera an'Andriamanitra.

⁴³and presently he did receive sight, and was following him, glorifying God; and all the people, having seen, did give praise to God.