¹¶ Ano ra ko Hopa; i mea ia.

¹But Job answered and said,

²He hapai pehea tau i te kahakore? He whakaora pehea tau i te ringa ngoikore?

²How hast thou helped him that is without power? how savest thou the arm that hath no strength?

³Ka tae tau whakatakoto whakaaro ma te whakaarokore! Te nui o tau whakaatu tikanga!

³How hast thou counselled him that hath no wisdom? and how hast thou plentifully declared the thing as it is?

⁴I puaki ki a wai au kupu? No wai te wairua i puta mai ra i a koe?

⁴To whom hast thou uttered words? and whose spirit came from thee?

⁵¶ E wiri ana nga tupapaku i raro i te wai, me nga mea ano e noho ana i reira.

⁵Dead things are formed from under the waters, and the inhabitants thereof.

⁶E takoto kau ana te reinga i tona aroaro, kahore hoki he hipoki mo te whakangaro.

⁶Hell is naked before him, and destruction hath no covering.

⁷E horahia atu ana e ia te raki ki runga ki te wahi takoto kau, whakairihia ana e ia te whenua ki runga ki te kahore noa iho.

⁷He stretcheth out the north over the empty place, and hangeth the earth upon nothing.

⁸E takaia ana e ia nga wai ki roto ki ana kapua matotoru; a kahore te kapua e pakaru i raro i a ratou.

⁸He bindeth up the waters in his thick clouds; and the cloud is not rent under them.

⁹E kaiponuhia ana e ia a mua o tona torona, horahia ana e ia tana kapua ki runga.

⁹He holdeth back the face of his throne, and spreadeth his cloud upon it.

¹⁰He mea karapoti nana nga wai, rohe rawa, a tae noa ki te mutunga mai o te marama me te pouri.

¹⁰He hath compassed the waters with bounds, until the day and night come to an end.

¹¹Wiri ana nga pou o te rangi, miharo ana ki tana whakatupehupehu.

¹¹The pillars of heaven tremble and are astonished at his reproof.

¹²Ko tona kaha hei whakakorikori i te moana, maru ana te whakakake i tona matauranga.

¹²He divideth the sea with his power, and by his understanding he smiteth through the proud.

¹³Na tona wairua i whakapaipai nga rangi; na tona ringa i wero te nakahi tere.

¹³By his spirit he hath garnished the heavens; his hand hath formed the crooked serpent.

¹⁴Na, he pito enei no ona ara; ano te iti o te wahi ona e rangona ana! Ko te whatitiri ia o tona kaha, ko wai ka matau?

¹⁴Lo, these are parts of his ways: but how little a portion is heard of him? but the thunder of his power who can understand?