¹¶ I korero ano hoki a Erihu, i mea,

¹Furthermore Elihu answered and said,

²Whakarongo ki aku kupu, e te hunga whakaaro nui; kia whai taringa ki ahau, e te hunga mohio.

²Hear my words, O ye wise men; and give ear unto me, ye that have knowledge.

³E whakamatau ana hoki te taringa i te kupu, e pera ana me ta te mangai ki te reka o te kai.

³For the ear trieth words, as the mouth tasteth meat.

⁴Ko ta tatou e whiriwhiri ai ma tatou ko te mea tika: kia mohiotia hoki e tatou, e tenei, e tenei, ko te aha te mea pai.

⁴Let us choose to us judgment: let us know among ourselves what is good.

⁵Kua mea nei hoki a Hopa, He tika taku, a kua whakapeaua ketia e te Atua te whakawa moku:

⁵For Job hath said, I am righteous: and God hath taken away my judgment.

⁶Ahakoa kei ahau te tika ka kiia ahau he tangata teka; e kore e mahu toku werohanga, ahakoa kahore oku he.

⁶Should I lie against my right? my wound is incurable without transgression.

⁷Ko wai te tangata e rite ki a Hopa, me te mea he wai te tawai e inumia ana e ia?

⁷What man is like Job, who drinketh up scorning like water?

⁸Kua uru nei ki te tira o nga kaimahi i te he, a e haere tahi ana me nga tangata kikino.

⁸Which goeth in company with the workers of iniquity, and walketh with wicked men.

⁹Kua mea hoki ia, Kahore he painga ki te tangata ki te ahuareka atu ia ki te Atua.

⁹For he hath said, It profiteth a man nothing that he should delight himself with God.

¹⁰¶ No reira whakarongo mai ki ahau, e nga tangata ngakau mohio: e kore rawa te Atua e mahi i te kino; e kore rawa hoki te Kaha Rawa e mahi i te he.

¹⁰Therefore hearken unto me ye men of understanding: far be it from God, that he should do wickedness; and from the Almighty, that he should commit iniquity.

¹¹Ka utua hoki e ia te tangata mo tana mahi, ka rite hoki ki to te tangata ara nga mea e whakawhiwhia e ia ki a ia.

¹¹For the work of a man shall he render unto him, and cause every man to find according to his ways.

¹²Tika rawa, e kore te Atua e kino, e kore ano hoki te Kaha Rawa e whakaputa ke i te whakawa.

¹²Yea, surely God will not do wickedly, neither will the Almighty pervert judgment.

¹³Na wai ia i mea hei kaitirotiro mo te whenua? Na wai hoki i whakatakoto nga tikanga mo te ao katoa?

¹³Who hath given him a charge over the earth? or who hath disposed the whole world?

¹⁴Ki te anga mai tona ngakau ki te tangata, ki te kohia atu e ia ki a ia tona wairua me tona manawa;

¹⁴If he set his heart upon man, if he gather unto himself his spirit and his breath;

¹⁵Ka hemo ngatahi nga kikokiko katoa, a ka hoki ano te tangata ki te puehu.

¹⁵All flesh shall perish together, and man shall turn again unto dust.

¹⁶¶ Na ki te mea he ngakau mohio tou, whakarongo ki tenei; kia whai taringa mai ki te reo o aku kupu.

¹⁶If now thou hast understanding, hear this: hearken to the voice of my words.

¹⁷E whai kingitanga ranei tetahi kotahi e kino ana ki te tika? E whakakino ranei koe ki te tangata tika, kaha hoki?

¹⁷Shall even he that hateth right govern? and wilt thou condemn him that is most just?

¹⁸E tau ana ranei te mea atu ki te kingi, He weriweri koe? ki nga rangatira ranei, He kino koutou?

¹⁸Is it fit to say to a king, Thou art wicked? and to princes, Ye are ungodly?

¹⁹Kia iti rawa iho ki a ia e kore nei e whakapai ki te kanohi o nga rangatira, e kore nei e hira ake tona pai ki te hunga whai rawa i nga rawakore? No te mea he mahi ratou katoa na ona ringa.

¹⁹How much less to him that accepteth not the persons of princes, nor regardeth the rich more than the poor? for they all are the work of his hands.

²⁰Kihai i aha kua mate ratou, kua mate i waenganui po; ka wiri te iwi, ka pahemo atu, ka riro te hunga nunui, kahore hoki he ringa.

²⁰In a moment shall they die, and the people shall be troubled at midnight, and pass away: and the mighty shall be taken away without hand.

²¹Kei runga hoki i nga ara o te tangata ona kanohi, e kitea ana e ia ona hikoinga katoa.

²¹For his eyes are upon the ways of man, and he seeth all his goings.

²²Kahore he pouri, kahore he atarangi o te mate e piri ai nga kaimahi i te kino.

²²There is no darkness, nor shadow of death, where the workers of iniquity may hide themselves.

²³E kore hoki e nui atu i te tika te mea e whakawaha e ia ki te tangata, e haere ai ia ki te aroaro o te Atua ki te whakawa.

²³For he will not lay upon man more than right; that he should enter into judgment with God.

²⁴Ka wawahia e ia nga tangata nunui, te mohiotia nga ara, a whakaturia ake etahi atu i muri i a ratou.

²⁴He shall break in pieces mighty men without number, and set others in their stead.

²⁵Na e mohio ana ia ki a ratou mahi; a hurihia ake ratou e ia i te po, a mongamonga noa ratou.

²⁵Therefore he knoweth their works, and he overturneth them in the night, so that they are destroyed.

²⁶He hunga kino ratou, pakia iho e ia i te tirohanga a te tangata;

²⁶He striketh them as wicked men in the open sight of others;

²⁷Mo ratou i tahuri ke i te whai i a ia, kihai hoki i whakaaro ki tetahi o ona ara:

²⁷Because they turned back from him, and would not consider any of his ways:

²⁸Na ratou hoki i puta ai te tangi a te rawakore ki a ia, a rongo ana ia ki te tangi a te hunga e tukinotia ana.

²⁸So that they cause the cry of the poor to come unto him, and he heareth the cry of the afflicted.

²⁹Ki te meinga e ia kia ata noho, ko wai hei whakararuraru? A ki te huna e ia tona kanohi, ko wai e kite i a ia? ahakoa i meatia ki te iwi, ki te tangata ranei, rite tonu.

²⁹When he giveth quietness, who then can make trouble? and when he hideth his face, who then can behold him? whether it be done against a nation, or against a man only:

³⁰Kore ake te whakaponokore e whai kingitanga, kore ake te iwi e mahangatia.

³⁰That the hypocrite reign not, lest the people be ensnared.

³¹¶ Kua mea atu ranei ki te Atua, Kua pehia ahau e te whiu, e kore ahau e mahi i te he a muri nei?

³¹Surely it is meet to be said unto God, I have borne chastisement, I will not offend any more:

³²Ko te mea kihai i kitea e ahau mau e whakaatu mai ki ahau; ki te mea i mahi ahau i te he, ka mutu taku.

³²That which I see not teach thou me: if I have done iniquity, I will do no more.

³³Kia rite ranei tana utu ki tau e mea ai, i whakakahoretia ai e koe? Mau te whiriwhiri, kahore maku: na mau e korero mai tau i mohio ai.

³³Should it be according to thy mind? he will recompense it, whether thou refuse, or whether thou choose; and not I: therefore speak what thou knowest.

³⁴Ka korero mai nga tangata ngakau mahara ki ahau, ae ra, nga tangata whakaaro nui e whakarongo ana ki ahau:

³⁴Let men of understanding tell me, and let a wise man hearken unto me.

³⁵Kahore he matauranga o Hopa i a ia i korero ra, kahore hoki he mahara i roto i ana kupu.

³⁵Job hath spoken without knowledge, and his words were without wisdom.

³⁶He pai me i whakamatauria a Hopa a te mutunga ra ano, mo ana kupu i whakahokia mai nei e ia, he mea i rite ki a nga tangata kikino.

³⁶My desire is that Job may be tried unto the end because of his answers for wicked men.

³⁷E tapiritia ana hoki e ia te tutu ki runga ki tona hara, kei te pakipaki ia i ona ringa i waenganui i a tatou, a whakanuia ana e ia ana kupu kite Atua.

³⁷For he addeth rebellion unto his sin, he clappeth his hands among us, and multiplieth his words against God.