¹¶ Ko ta te waina he whakahi, ko ta te wai kaha he ngangau: a, ko te hunga katoa e whakapohehetia ana e tera, kahore o ratou whakaaro nui.

¹Wine is a mocker, strong drink is raging: and whosoever is deceived thereby is not wise.

²¶ Ano he raiona e hamama ana te wehi o te kingi: ko te tangata e whakaoho ana i a ia kia riri, e hara ana ki tona wairua ake.

²The fear of a king is as the roaring of a lion: whoso provoketh him to anger sinneth against his own soul.

³¶ He whakahonore mo te tangata te noho watea mai i te ngangare: engari ko nga wairangi he kowhetewhete tonu.

³It is an honour for a man to cease from strife: but every fool will be meddling.

⁴¶ Kahore te mangere e parau, he mea ki te hotoke; no reira ka pakiki kai mana i te kotinga witi, a kahore e whiwhi.

⁴The sluggard will not plow by reason of the cold; therefore shall he beg in harvest, and have nothing.

⁵¶ He wai hohonu te whakaaro i roto i te ngakau o te tangata; e utuhia ano ia e te tangata matau.

⁵Counsel in the heart of man is like deep water; but a man of understanding will draw it out.

⁶¶ Ko ta te tini o te tangata he kauwhau i tona atawhai ake; ko wai ia e kite i te tangata pono?

⁶Most men will proclaim every one his own goodness: but a faithful man who can find?

⁷¶ Ko te tangata tika, e haere ana i runga i tona tapatahi, ka manaakitia ana tamariki i muri i a ia.

⁷The just man walketh in his integrity: his children are blessed after him.

⁸¶ Ko te kingi e noho ana i runga i te torona whakawa, titaritaria ana e ona kanohi nga he katoa.

⁸A king that sitteth in the throne of judgment scattereth away all evil with his eyes.

⁹¶ Ko wai e mea, Kua ma i ahau toku ngakau, kua tahia atu oku hara?

⁹Who can say, I have made my heart clean, I am pure from my sin?

¹⁰¶ Ko nga pauna huhua, ko nga mehua huhua, he rite tahi taua rua, he mea whakarihariha anake ki a Ihowa.

¹⁰Divers weights, and divers measures, both of them are alike abomination to the LORD.

¹¹¶ He tamariki nei ano ka mohiotia ki ana hanga, he ma ranei, he tika ranei tana mahi.

¹¹Even a child is known by his doings, whether his work be pure, and whether it be right.

¹²¶ Ko te taringa rongo, ko te kanohi titiro, na Ihowa raua ngatahi i hanga.

¹²The hearing ear, and the seeing eye, the LORD hath made even both of them.

¹³¶ Kaua e matenuitia te moe, kei rawakoretia koe; titiro ou kanohi, a ka makona koe i te taro.

¹³Love not sleep, lest thou come to poverty; open thine eyes, and thou shalt be satisfied with bread.

¹⁴¶ Ehara ehara, e ai ta te kaihoko: tona haerenga atu ia, kei te whakamanamana.

¹⁴It is naught, it is naught, saith the buyer: but when he is gone his way, then he boasteth.

¹⁵¶ He koura tena me te tini o te rupi; engari he taonga utu nui nga ngutu o te matauranga.

¹⁵There is gold, and a multitude of rubies: but the lips of knowledge are a precious jewel.

¹⁶¶ Tangohia te kakahu o te kaiwhakakapi mo te tangata ke; puritia hoki te tangata i taunahatia hei whakakapi mo nga tangata ke.

¹⁶Take his garment that is surety for a stranger: and take a pledge of him for a strange woman.

¹⁷¶ He reka ki te tangata te taro o te teka; muri iho ka ki tona mangai i te kirikiri.

¹⁷Bread of deceit is sweet to a man; but afterwards his mouth shall be filled with gravel.

¹⁸¶ Ma te runanga ka u ai nga whakaaro; kia pai hoki te ngarahu ina anga ki te whawhai.

¹⁸Every purpose is established by counsel: and with good advice make war.

¹⁹¶ Ko te tangata e kopikopiko ana ki te kawekawe korero, ka whakina e ia nga korero ngaro: na reira kaua e raweke atu ki te tangata ngutu hamama.

¹⁹He that goeth about as a talebearer revealeth secrets: therefore meddle not with him that flattereth with his lips.

²⁰¶ Ko te tangata e kanga ana i tona papa, i tona whaea, ka tineia tona rama i roto i te pouri kerekere.

²⁰Whoso curseth his father or his mother, his lamp shall be put out in obscure darkness.

²¹¶ I te timatanga e hohoro mai pea te taonga; e kore ia tona mutunga e whakapaingia.

²¹An inheritance may be gotten hastily at the beginning; but the end thereof shall not be blessed.

²²¶ Kaua e mea, Ka utua e ahau te kino: taria ta Ihowa, a kei a ia he oranga mou.

²²Say not thou, I will recompense evil; but wait on the LORD, and he shall save thee.

²³¶ He mea whakarihariha ki a Ihowa nga taimaha rere ke; a e kore hoki te pauna tinihanga e pai.

²³Divers weights are an abomination unto the LORD; and a false balance is not good.

²⁴¶ Na Ihowa nga haereerenga o te tangata: na ma te aha te tangata ka matau ai ki tona ara?

²⁴Man's goings are of the LORD; how can a man then understand his own way?

²⁵¶ Hei rore ki te tangata te oho noa ake ki te mea, He tapu! a, i muri i nga ki taurangi, kia uiui.

²⁵It is a snare to the man who devoureth that which is holy, and after vows to make enquiry.

²⁶¶ Ka titaritaria e te kingi whakaaro nui te hunga kino, a ka hurihia hoki e ia te wira patu witi ki runga ki a ratou.

²⁶A wise king scattereth the wicked, and bringeth the wheel over them.

²⁷¶ He rama na Ihowa te manawa o te tangata, e rapu ana i nga mea katoa i roto rawa i te kopu.

²⁷The spirit of man is the candle of the LORD, searching all the inward parts of the belly.

²⁸¶ Hei kaitiaki mo te kingi te atawhai me te pono; e tautokona ake ana hoki tona torona e te atawhai.

²⁸Mercy and truth preserve the king: and his throne is upholden by mercy.

²⁹¶ Ko te kororia o nga taitama ko to ratou kaha: a, ko te ataahua o nga kaumatua ko te upoko hina.

²⁹The glory of young men is their strength: and the beauty of old men is the grey head.

³⁰¶ E tahia atu ana te kino e nga karawarawa o te patunga; a e tae rawa ana nga whiu ki nga wahi o roto rawa o te kopu.

³⁰The blueness of a wound cleanseth away evil: so do stripes the inward parts of the belly.