¹¶ Na ko Kingi Horomona te kingi o Iharaira katoa.

¹And king Solomon was king over all Israel.

²A ko ana rangatira enei; ko Ataria tama a Haroko te tohunga;

²And these are the princes whom he had: Azariah the son of Zadok was priest;

³Ko Erihorepe raua ko Ahia nga kaituhituhi, he tama na Hiha; ko Iehohapata tama a Ahiruru te kaiwhakamahara;

³Elihoreph and Ahiah, the sons of Shisha, scribes; Jehoshaphat the son of Ahilud, chronicler;

⁴Ko Penaia tama a Iehoiara te rangatira ope; ko Haroko raua ko Apiatara nga tohunga;

⁴and Benaiah the son of Jehoiada was over the host; and Zadok and Abiathar were priests;

⁵Ko Ataria tama a Natana te rangatira o nga kaitohutohu; ko Tapuru tama a Natana te tohunga, te takahoa o te kingi;

⁵and Azariah the son of Nathan was over the superintendents; and Zabud the son of Nathan was principal officer, the king's friend;

⁶Ko Ahihara te rangatira o te whare; ko Aronirama tama a Apara to nga takoha.

⁶and Ahishar was over the household; and Adoniram the son of Abda was over the levy-service.

⁷Na kotahi tekau ma rua nga kaitohutohu a Horomona mo Iharaira katoa, hei mea kai ma te kingi ratou ko tona whare: kotahi ano te marama mea kai o tetahi, o tetahi, i te tau.

⁷And Solomon had twelve superintendents over all Israel; and they provided food for the king and his household: each man his month in the year had to make provision.

⁸Na ko o ratou ingoa enei: ko Penehuru te whenua pukepuke o Eparaima:

⁸And these are their names: Ben-Hur, in mount Ephraim.

⁹Ko Penerekara i Makaha, i Haarapimi, i Petehemehe, i Erono Petehanana:

⁹Ben-Deker in Makaz, and in Shaalbim, and Beth-shemesh, and Elon-Beth-hanan.

¹⁰Ko Penehehere i Arupoto; i a ia Hokoho me te whenua katoa o Hewhere:

¹⁰Ben-Hesed, in Arubboth; he had Sochoh, and all the land of Hepher.

¹¹Ko Pene Apinarapa i te taupae katoa o Roro; i a ia a Tapata tamahine a Horomona hei wahine mana:

¹¹Ben-Abinadab had all the upland of Dor; Taphath the daughter of Solomon was his wife.

¹²Ko Paana tama a Ahiruru i Taanaka, i Mekiro, i Peteheana katoa, tera i Taretana i raro i Ietereere, o Peteheana atu a tae noa ki Aperemehora, ki tua atu o Iokomeama:

¹²Baana the son of Ahilud had Taanach and Megiddo, and all Beth-shean, which is by Zaretan beneath Jizreel, from Beth-shean to Abel-Meholah, as far as beyond Jokneam.

¹³Ko Penekepere i Ramoto Kireara: i a ia nga pa o Haira tama a Manahi i Kireara; i a ia nga wahi i Arakopa i Pahana, e ono tekau nga pa nunui, taiepa rawa, tutaki rawa ki te parahi:

¹³Ben-Geber, in Ramoth-Gilead; he had the villages of Jair the son of Manasseh, which are in Gilead; he had the region of Argob, which is in Bashan, sixty great cities with walls and bars of bronze.

¹⁴Ko Mahanaima i a Ahinarapa tama a Iro:

¹⁴Ahinadab the son of Iddo, at Mahanaim.

¹⁵I Napatari a Ahimaata; i tangohia ano hoki e ia a Pahemata tamahine a Horomona hei wahine mana:

¹⁵Ahimaaz, in Nephtali; he also took Basmath the daughter of Solomon as wife.

¹⁶I Ahera, i Aroto a Paana tama a Huhai:

¹⁶Baanah the son of Hushai, in Asher and in Aloth.

¹⁷I Ihakara a Iehohapata tama a Parua:

¹⁷Jehoshaphat the son of Paruah, in Issachar.

¹⁸Ko Himei tama a Eraha i Pineamine:

¹⁸Shimei the son of Ela, in Benjamin.

¹⁹Ko Kepere tama a Uri i te whenua o Kireara, i te whenua o Hihona kingi o nga Amori raua ko Oka kingi o Pahana; ko ia anake hoki te kaitohutohu o te whenua.

¹⁹Geber the son of Uri, in the land of Gilead, the land of Sihon the king of the Amorites, and of Og the king of Bashan; and [he was] the only superintendent that was in the land.

²⁰¶ Na tini iho a Hura raua ko Iharaira, me te onepu i te taha o te moana te tini, kai ana ratou, inu ana, hari ana.

²⁰Judah and Israel were many, as the sand which is by the sea in multitude, eating and drinking and making merry.

²¹Na ko Horomona te kingi o nga kingitanga katoa, o te awa a tae noa ki te whenua o nga Pirihitini, ki te rohe ra ano o Ihipa: i mau hakari mai ano ratou, a mahi ana i nga mahi a Horomona i nga ra katoa i ora ai ia.

²¹And Solomon ruled over all kingdoms from the river to the land of the Philistines, and as far as the border of Egypt: they brought presents, and served Solomon all the days of his life.

²²Na, ko te kai a Horomona o te ra kotahi, e toru tekau mehua paraoa pai, e ono tekau mehua paraoa ke;

²²And Solomon's provision for one day was thirty measures of fine flour, and sixty measures of meal,

²³Kotahi tekau nga kau, he mea momona, e rua tekau nga kau o nga haerenga kau, kotahi rau nga hipi, apititia iho ki nga hata, ki nga kakera, ki nga ropaka, ki nga manu whangai.

²³ten fatted oxen, and twenty oxen out of the pastures, and a hundred sheep, besides harts, and gazelles, and fallow-deer, and fatted fowl.

²⁴Ko ia hoki te kingi i runga i te takiwa i tenei taha katoa o te awa, o Tipiha, tae noa ki Kaha, i runga ano i nga kingi katoa o tenei taha o te awa: a he rongo mau i ona taha katoa.

²⁴For he had dominion over all on this side the river, from Tiphsah as far as Gazah, over all the kings on this side the river; and he had peace on all sides round about.

²⁵A noho hu noa iho a Hura raua ko Iharaira, tera, tera, i raro i tana waina, i tana piki, no Rana mai ano a Peerehepa atu ana, i nga ra katoa o Horomona.

²⁵And Judah and Israel dwelt safely, every man under his vine and under his fig-tree, from Dan even to Beer-sheba, all the days of Solomon.

²⁶Na e wha tekau mano nga turanga a Horomona mo nga hoiho o ona hariata, kotahi tekau ma rua mano nga kaieke hoiho.

²⁶And Solomon had forty thousand stalls of horses for his chariots, and twelve thousand horsemen.

²⁷A na aua kaitohutohu i mea he kai ma Kingi Horomona, ma te hunga katoa e haere ana ki te tepu a Kingi Horomona, tenei tangata i tona marama, tenei tangata i tona marama: kahore he mea i kore i a ratou.

²⁷And those officers provided food for king Solomon, and for all who came to king Solomon's table, every man in his month: they let nothing be wanting.

²⁸I kawea mai ano e ratou he parei, he kakau witi, ma nga hoiho, ma nga muera, ki te wahi i reira nei nga kaitohutohu, ia tangata ki tana mahi.

²⁸And the barley, and the straw for the horses and coursers, they brought to the place where [the superintendents] were, every man according to his charge.

²⁹¶ Na homai ana e te Atua he mohio ki a Horomona, me te mahara nui rawa, me te ngakau nui, koia ano kei te onepu i te taha o te moana.

²⁹And God gave Solomon wisdom and very great understanding and largeness of heart, even as the sand that is on the sea-shore.

³⁰Nui atu hoki te mohio o Horomona i te mohio o nga tama katoa o te rawhiti, i te mohio katoa o Ihipa.

³⁰And Solomon's wisdom excelled the wisdom of all the sons of the east, and all the wisdom of Egypt.

³¹Nui atu hoki tona mohio i to nga tangata katoa; i to Etana Eterahi, i to Hemana, i to Karakoro, i to Rarara, ara i to nga tama a Mahoro; a paku ana tona ingoa ki nga iwi katoa a tawhio noa.

³¹For he was wiser than all men; than Ethan the Ezrahite, and Heman, and Calcol, and Darda, the sons of Mahol; and his fame was in all the nations round about.

³²Na e toru mano nga whakatauki i korerotia e ia; a ko ana waiata kotahi mano ma rima.

³²And he spoke three thousand proverbs; and his songs were a thousand and five.

³³I korerotia ano e ia nga rakau, te hita i Repanona, a tae iho ana ki te hihopa e tupu nei ki te taiepa: i korerotia ano e ia nga kararehe, nga manu, nga mea ngoki, me nga ika.

³³And he spoke of the trees, from the cedar-tree that is on Lebanon even to the hyssop that springs out of the wall; he spoke also of cattle, and of fowls, and of creeping things, and of fishes.

³⁴A ka haere mai etahi i nga iwi katoa ki te whakarongo ki te mohio o Horomona, i nga kingi katoa o te whenua i rongo nei ki tona mohio.

³⁴And there came of all peoples to hear the wisdom of Solomon, from all the kings of the earth who had heard of his wisdom.