¹¶ I muri i tenei ka puaki te mangai o Hopa, a ka kanga e ia tona ra.

¹After this, Job opened his mouth and cursed his day.

²Na ka oho a Hopa, ka mea,

²And Job answered and said,

³Kia ngaro te ra i whanau ai ahau, te po i korerotia ai, He tamaroa kei roto i te kopu.

³Let the day perish in which I was born, and the night that said, There is a man child conceived.

⁴Waiho taua ra mo te pouri; kaua e tirohia iho e te Atua i runga; kaua hoki e whitingia e te marama.

⁴That day -- let it be darkness, let not +God care for it from above, neither let light shine upon it:

⁵Kia poke ia i te pouri, i te atarangi hoki o te mate; kia tauria iho e te kapua; kia whakawehia ano hoki e te whakapouritanga o te ra.

⁵Let darkness and the shadow of death claim it; let clouds dwell upon it; let darkeners of the day terrify it.

⁶Na ko taua po, kia mau pu i te pouri kerekere: kei honoa ki nga ra o te tau; kei huihuia atu ina taua nga marama.

⁶That night -- let gloom seize upon it; let it not rejoice among the days of the year; let it not come into the number of the months.

⁷Nana, kia mokemoke taua po, kaua te reo koa e uru ki roto.

⁷Behold, let that night be barren; let no joyful sound come therein;

⁸Kia kanga hoki e te hunga kanga i te ra, e te hunga mohio ki te whakaara rewiatana.

⁸Let them curse it that curse the day, who are ready to rouse Leviathan;

⁹Kia pouri nga whetu o tona kakarauritanga; kia tatari ki te marama, a kahore noa iho; kei kite hoki i te takiritanga ata.

⁹Let the stars of its twilight be dark; let it wait for light, and have none, neither let it see the eyelids of the dawn:

¹⁰Mona kihai i tutaki i nga tatau o te kopu o toku whaea, kihai i huna i te mauiui kei kitea e ahau.

¹⁰Because it shut not up the doors of the womb that bore me, and hid not trouble from mine eyes.

¹¹¶ He aha ahau te mate ai i te kopu? He aha te hemo ai i toku putanga mai i te kopu?

¹¹Wherefore did I not die from the womb, -- come forth from the belly and expire?

¹²He aha i rite wawe ai nga turi moku, me nga u hei ngote maku?

¹²Why did the knees meet me? and wherefore the breasts, that I should suck?

¹³Me i pena, kua ata takoto ahau, te ai he whakaohooho, moe ana ahau: katahi ahau ka whai okiokinga,

¹³For now should I have lain down and been quiet; I should have slept: then had I been at rest,

¹⁴I roto i nga kingi, i nga kaiwhakatakoto whakaaro o te whenua i hanga nei i nga wahi mokemoke mo ratou,

¹⁴With kings and counsellors of the earth, who build desolate places for themselves,

¹⁵I roto ranei i nga rangatira whai koura, o ratou nei whare ki tonu i te hiriwa:

¹⁵Or with princes who had gold, who filled their houses with silver;

¹⁶Kua kahore noa iho ranei, kua pera me te materoto e ngaro nei, me nga kohungahunga kahore nei e kite i te marama.

¹⁶Or as a hidden untimely birth I had not been; as infants that have not seen the light.

¹⁷Mutu ake i reira te whakararuraru a te hunga kino; okioki ana i reira te hunga kua mauiui nga uaua.

¹⁷There the wicked cease from troubling; and there the wearied are at rest.

¹⁸Ata noho ana nga herehere i reira, te rongo i te reo o te kaitukino.

¹⁸The prisoners together are at ease; they hear not the voice of the taskmaster.

¹⁹Kei reira te iti, te rahi, kahore hoki he rangatira o te pononga.

¹⁹The small and great are there, and the bondman freed from his master.

²⁰¶ He aha te marama i homai ai ki te tangata kei roto nei i te mate? te ora ki te tangata kua kawa te wairua?

²⁰Wherefore is light given to him that is in trouble, and life to those bitter of soul,

²¹E koingo nei ki te mate, heoi kahore noa iho; e keri ana kia taea ia, nui atu i te keri i nga taonga huna.

²¹Who long for death, and it [cometh] not, and dig for it more than for hidden treasures;

²²Hari pu ratou, koa ana, ina kitea te urupa.

²²Who rejoice even exultingly and are glad when they find the grave? --

²³He aha ano te marama i homai ai ki te tangata kua huna nei tona ara, kua oti nei te tutakitaki mai e te Atua?

²³To the man whose way is hidden, and whom +God hath hedged in?

²⁴Kiano hoki ahau i kai, kua tae mai taku mapu: ano he wai oku hamama e ringihia ana.

²⁴For my sighing cometh before my bread, and my groanings are poured out like the waters.

²⁵No te mea kua tae mai ki ahau te mea whakawehi e wehi nei ahau; ko taku e pawera nei kua pa ki ahau.

²⁵For I feared a fear, and it hath come upon me, and that which I dreaded hath come to me.

²⁶Kahore oku humarie, kahore oku ata noho, ehara i te mea e okioki ana; na kua puta te raruraru.

²⁶I was not in safety, neither had I quietness, neither was I at rest, and trouble came.