¹¶ Ki te tino kaiwhakatangi. Hohanimi Erutu. He himene na Ahapa. Tahuri mai tou taringa, e te Hepara o Iharaira, e arahi nei i a Hohepa ano he kahui hipi; whiti mai koe e noho mai na i waenganui i nga kerupima;

¹{To the chief Musician. On Shoshannim-Eduth. Of Asaph. A Psalm.} Give ear, O Shepherd of Israel, thou that leadest Joseph like a flock; thou that sittest [between] the cherubim, shine forth.

²Whakaohoohokia tou kaha i te aroaro o Eparaima, o Pineamine, o Manahi: a haere mai ki te whakaora i a matou.

²Before Ephraim and Benjamin and Manasseh, stir up thy strength, and come to our deliverance.

³Whakahokia ake matou, e te Atua: kia marama mai tou mata, a ka ora matou.

³O God, restore us; and cause thy face to shine, and we shall be saved.

⁴E Ihowa, e te Atua o nga mano, kia pehea ake te roa o tou riri ki te inoi a tau iwi?

⁴Jehovah, God of hosts, how long will thine anger smoke against the prayer of thy people?

⁵Kua whangaia mai e koe he roimata hei taro ma ratou, he nui hoki te mehua roimata kua homai nei e koe kia inumia e ratou.

⁵Thou hast fed them with the bread of tears, and given them tears to drink in large measure:

⁶Kua meinga matou e koe hei totohetanga ma o matou hoa, a e kataina ana matou e o matou hoariri.

⁶Thou hast made us a strife unto our neighbours, and our enemies mock among themselves.

⁷Whakahokia ake matou, e te Atua o nga mano; kia marama mai tou mata, a ka ora matou.

⁷Restore us, O God of hosts; and cause thy face to shine, and we shall be saved.

⁸¶ I maua mai e koe he waina i Ihipa: ka oti i a koe nga tauiwi te panga, na whakatokia iho e koe.

⁸Thou broughtest a vine out of Egypt; thou didst cast out the nations, and plant it:

⁹I whakapaia e koe he tunga mona, na, ka hou ona pakiaka, a ka kapi te whenua.

⁹Thou preparedst space before it, and it took deep root, and filled the land;

¹⁰Taumarumaru ana tona ata ki runga ki nga pukepuke; ko ona manga rite tonu ki nga hita a te Atua.

¹⁰The mountains were covered with its shadow, and the branches thereof were [like] cedars of ùGod;

¹¹I tautotoro atu ona manga ki te moana, ona rara ki te awa.

¹¹It sent out its boughs unto the sea, and its shoots unto the river.

¹²He aha i pakaruhia ai e koe ona taiepa ki raro, kia kowhakiwhakia ai ia e nga tangata katoa e tika ana i te ara?

¹²Why hast thou broken down its fences, so that all who pass by the way do pluck it?

¹³Mongamonga noa i te poaka toa o te ngahere, e kainga ana e te kirehe mohoao o te parae.

¹³The boar out of the forest doth waste it, and the beast of the field doth feed off it.

¹⁴Tahuri mai ano, e te Atua o nga mano, e inoi atu nei matou: titiro iho i te rangi, kia kite mai koe, ka toro mai i tenei waina.

¹⁴O God of hosts, return, we beseech thee; look down from the heavens, and behold, and visit this vine;

¹⁵I te rakau i whakatokia e tou matau, i te manga hoki i meinga e koe kia pakari mau.

¹⁵Even the stock which thy right hand hath planted, and the young plant thou madest strong for thyself.

¹⁶Kua pau i te ahi, kua tuaina ki raro: ngaro iho ratou i te riri o tou mata.

¹⁶It is burned with fire, it is cut down; they perish at the rebuke of thy countenance.

¹⁷Waiho tou ringa i runga i te tangata o tou matau, i te tama a te tangata i whakakahangia e koe mau.

¹⁷Let thy hand be upon the man of thy right hand, upon the son of man whom thou hast made strong for thyself.

¹⁸Penei e kore matou e hoki atu i a koe: whakahauorangia matou, a ka karanga matou ki tou ingoa.

¹⁸So will we not go back from thee. Revive us, and we will call upon thy name.

¹⁹Whakahokia ake matou, e Ihowa, e te Atua o nga mano; kia marama mai tou mata, a ka ora matou.

¹⁹Restore us, O Jehovah, God of hosts; cause thy face to shine, and we shall be saved.