¹¶ E mohiotia ana ranei e koe te wa e whanau ai nga koati mohoao o te kamaka? E kitea putia ana ranei e koe te wa e whakamamae ai nga hata?

¹“Do you know the time when the mountain goats give birth? Do you watch when the doe bears fawns?

²E taua ano ranei e koe nga marama e rite ana i a ratou? E mohio ana ranei koe ki te wa e whanau ai ratou?

²Can you number the months that they fulfill? Or do you know the time when they give birth?

³Tuohu ana ratou, kua puta mai a ratou kuao, akiritia mai ana e ratou o ratou mea whakapouri.

³They bow themselves, they bring forth their young, they end their labor pains.

⁴E pai ana te ahua o a ratou kuao, e tupu ana i te parae; ka haere atu ratou, a kahore e hoki mai ano.

⁴Their young ones become strong. They grow up in the open field. They go forth, and don’t return again.

⁵Na wai i tuku te kaihe mohoao kia haere noa atu; nga here o te kaihe mohoao, na wai i wewete?

⁵“Who has set the wild donkey free? Or who has loosened the bonds of the swift donkey,

⁶Ko te whare i whakaritea nei e ahau mona, ko te koraha: ko ona nohoanga ko te wahi titiohea.

⁶Whose home I have made the wilderness, and the salt land his dwelling place?

⁷Whakahaweatia iho e ia te ngangau o te pa; e kore ia e rongo ki te reo o te kaiakiaki.

⁷He scorns the tumult of the city, neither does he hear the shouting of the driver.

⁸Ko tona wahi kai kei te tuahiwi o nga maunga, e rapua ana e ia nga mea matomato katoa.

⁸The range of the mountains is his pasture, He searches after every green thing.

⁹E pai ranei te unikanga kia mahi ki a koe? Kei tau takotoranga kai ranei he moenga mona?

⁹“Will the wild ox be content to serve you? Or will he stay by your feeding trough?

¹⁰E herea ranei e koe te unikanga ki tona taura i te awa parautanga? E rakarakatia ranei e ia nga raorao me tana whai ano i a koe?

¹⁰Can you hold the wild ox in the furrow with his harness? Or will he till the valleys after you?

¹¹E whakawhirinaki atu ranei koe ki a ia, no te mea e nui ana tona kaha? E whakarerea atu ranei e koe tau mahi mana?

¹¹Will you trust him, because his strength is great? Or will you leave to him your labor?

¹²E whakapono atu ranei koe mana au hua e whakahoki mai; mana e kohikohi mai ki tau patunga witi?

¹²Will you confide in him, that he will bring home your seed, and gather the grain of your threshing floor?

¹³¶ E whakamanamana ana te parirau o te otereti; otira he atawhai ano ranei ta ona hou, ta ona raukura?

¹³“The wings of the ostrich wave proudly; but are they the feathers and plumage of love?

¹⁴E whakarerea ana e ia ona hua ki te whenua, whakamahanatia iho e ia ki te puehu,

¹⁴For she leaves her eggs on the earth, warms them in the dust,

¹⁵Wareware ake ia tera pea e pepe i te waewae, e takahia ranei e te kirehe o te parae.

¹⁵and forgets that the foot may crush them, or that the wild animal may trample them.

¹⁶He mea pakeke ia ki ana pi me te mea ehara i a ia: ahakoa ka maumauria tana mahi, kahore ona manawapa;

¹⁶She deals harshly with her young ones, as if they were not hers. Though her labor is in vain, she is without fear,

¹⁷No te mea i whakakahoretia e te Atua he ngakau mahara mona, kihai hoki i homai he whakaaro ki a ia.

¹⁷because God has deprived her of wisdom, neither has he imparted to her understanding.

¹⁸I te wa e maranga ai ia ki runga, whakahaweatia iho e ia te hoiho raua ko tona kaieke.

¹⁸When she lifts up herself on high, she scorns the horse and his rider.

¹⁹¶ Nau ranei i hoatu tona kaha ki tae hoiho? Nau ranei tona kaki i whakakakahu ki te huruhuru?

¹⁹“Have you given the horse might? Have you clothed his neck with a quivering mane?

²⁰Nau ranei ia i mea kia pekepeke, kia pera me te mawhitiwhiti? He hanga whakawehi te kororia o tona whewhengu.

²⁰Have you made him to leap as a locust? The glory of his snorting is awesome.

²¹E hukari ana ia ia te raorao, me te koa ano ki tona kaha: tika tonu ia ki te hunga mau patu.

²¹He paws in the valley, and rejoices in his strength. He goes out to meet the armed men.

²²Whakahawea ana ia ki te wehi, kahore ona mataku; e kore ano ia e nunumi mai i te hoari.

²²He mocks at fear, and is not dismayed, neither does he turn back from the sword.

²³Papa ana te papa pere ki tona taha, te tao e rarapa ana, me te timata.

²³The quiver rattles against him, the flashing spear and the javelin.

²⁴E horomia ana e ia te whenua, me te ngangau me te riri; kahore ia i te whakapono ko te reo tera o te tetere.

²⁴He eats up the ground with fierceness and rage, neither does he stand still at the sound of the trumpet.

²⁵Ka tangi ana te tetere ka mea ia, Ha, ha! I tawhiti ano ka hongia e ia te pakanga, te whatitiri o nga rangatira, me te hamama.

²⁵As often as the trumpet sounds he snorts, ‘Aha!’ He smells the battle afar off, the thunder of the captains, and the shouting.

²⁶¶ He mohio nou i rere ai te kahu, i roha ai i ona parirau, i anga ai whaka te tonga?

²⁶“Is it by your wisdom that the hawk soars, and stretches her wings toward the south?

²⁷Nau te kupu i kake ai te ekara? i hanga ai e ia tana ohanga ki te wahi tiketike?

²⁷Is it at your command that the eagle mounts up, and makes his nest on high?

²⁸Noho ana ia i runga i te kamaka, kei reira tona kainga, kei te kamaka keokeo, kei te pa kaha.

²⁸On the cliff he dwells, and makes his home, on the point of the cliff, and the stronghold.

²⁹A rapua ana e ia he kai i reira; e kite atu ana ona kanohi i tawhiti.

²⁹From there he spies out the prey. His eyes see it afar off.

³⁰Horomititia ake ana hoki nga toto e ana pi; a ko te wahi i nga tupapaku,, kei reira ano ia.

³⁰His young ones also suck up blood. Where the slain are, there he is.”