¹¶ Ko Ihowa te Kingi, kia hari te whenua, kia koa nga tini moutere.

¹Yahweh reigns! Let the earth rejoice! Let the multitude of islands be glad!

²Ko te kapua me te pouri kei ona taha katoa: ko te tika, ko te whakawa, te turanga o tona torona.

²Clouds and darkness are around him. Righteousness and justice are the foundation of his throne.

³He kapura e haere ana i mua i a ia, a pau ake ona hoariri a taka noa.

³A fire goes before him, and burns up his adversaries on every side.

⁴Marama tonu te ao i ana uira: i kite te whenua, a wiri ana.

⁴His lightning lights up the world. The earth sees, and trembles.

⁵Rewa noa nga maunga, ano he ware pi, i te aroaro o Ihowa, i te aroaro o te Ariki o te whenua katoa.

⁵The mountains melt like wax at the presence of Yahweh, at the presence of the Lord of the whole earth.

⁶E whakapuakina ana e nga rangi tona tika: a e kitea ana e nga iwi katoa tona kororia.

⁶The heavens declare his righteousness. All the peoples have seen his glory.

⁷Kia whakama katoa te hunga e mahi ana ki nga whakapakoko, e whakamanamana ana ki nga atua horihori: koropiko ki a ia, e nga atua katoa.

⁷Let all them be shamed who serve engraved images, who boast in their idols. Worship him, all you gods!

⁸¶ I rongo a Hiona, a koa ana: whakamanamana ana nga tamahine o Hura, e Ihowa, ki au whakaritenga.

⁸Zion heard and was glad. The daughters of Judah rejoiced, because of your judgments, Yahweh.

⁹Ko koe hoki, e Ihowa, kei runga noa ake i te whenua katoa: kua whakanuia koe ki runga noa ake i nga atua katoa.

⁹For you, Yahweh, are most high above all the earth. You are exalted far above all gods.

¹⁰E te hunga e aroha ana ki a Ihowa, e kino ki te he: e tiakina ana e ia nga wairua o tana hunga tapu; e whakaorangia ana ratou e ia i nga ringa o te hunga kino.

¹⁰You who love Yahweh, hate evil. He preserves the souls of his saints. He delivers them out of the hand of the wicked.

¹¹Kua oti te marama te whakato mo te hunga tika: me te koa mo te hunga ngakau tapatahi.

¹¹Light is sown for the righteous, and gladness for the upright in heart.

¹²Kia hari ki a Ihowa, e te hunga tika: whakamoemiti ki tona ingoa tapu.

¹²Be glad in Yahweh, you righteous people! Give thanks to his holy Name.