¹Theigigein, Aw TOUPA, ka tung ua hongtung: a honkouna uh en inla, muin.

²Ka gouluah uh mikhualte lama heiiin a oma, ka inte uh gamdangmite lamah.

³Tagah leh pabei ka hi ua, ka nute uh meithaite bang ahi uh.

⁴sum jiakin ka tui uh kadawnkhin ua; ka singte uh kou laka juakin a om hi.

⁵A hondelhte ka ngawng jang uah a om ua, ka bah ua, khawlna ka neikei uh.

⁶Aiguptate kiang leh, Assuriate kiangah, Tanghoua lungkimna dingin ka kipia uh.

⁷Ka pipute uh a nakhial ua, aom kei uh; a gitlouhna uh kou ka pua uh.

⁸Sikhaten ka tunguah vai a hawm ua: a khut ua kipana kou hon tankhe ding kuamah a om kei uh.

⁹Ka hinna uh lauthawnna toh ka tanghou uh ka mu ua gamdai namsau jiakin.

¹⁰Thuk bangin ka vun uh a voma nakpitaka kialna jiakin.

¹¹Ziona numeite a sual ua, Juda khopitea nungakte.

¹²A khut un lalte khailupin a om ua, upate maite zahtakin a om kei hi.

¹³Tangvalten khawl a pua ua, naupang te singnuaiah a kisui uh.

¹⁴Kongpi akipan upate a khawl ua, a lasakna ua kipanin Tangvalte a khawl uh.

¹⁵Ka lungtang kipahna uh a tawpa; ka lamnauh dahna a suak hi.

¹⁶Ka lu ua kipan ka lallukhu uh a kiaa, ka tung uh a gik hi! ka khelh jiakun.

¹⁷Hiai jiakin ka lungtang uh a baha; hiai thilte jiakin ka mitte uh a miala;

¹⁸Suksiatna om, Zion mual jiakin; sehalte a tungah a vak uh.

¹⁹Aw TOUPA, nang khantawnin na om gige; na laltutphah khang khata kipanin khang khat tanin a om hi.

²⁰Bangdinga khantawna kou honmanngilha, hichi tantan honnungngatsan na hia?

²¹Nang lam hon ngasakin, Aw TOUPA huchiin bawlhoih nawnin ka om ding uh; nidang lai bangin ka nite uh thaksakin.Ahihkeileh non nialkhe hilhiala hia? Ka tunguah na heh lomahmaha hia?

²²Ahihkeileh non nialkhe hilhiala hia? Ka tunguah na heh lomahmaha hia?