¹Murhe phral! Tume kai traiin ando pachamos, ande amaro luvudime Devles O Jesus Kristo, trobul te keren swakone manushesa iek fielo,

¹My brethren, hold not, in respect of persons, the faith of the glory of our Lord Jesus Christ,

²ke te dela iek manush barvalo ande tumari khangeri kai si les angrusti sumnakuni, ai kai si mishto vuriardo, ai te dela vi iek manush ande khangeri kai si chorho kai si les tsalia phurane;

²for if there may come into your synagogue a man with gold ring, in gay raiment, and there may come in also a poor man in vile raiment,

³Ai te respektina le manushes kai si mishto vuriardo, ai te mothona leske, "Besh kata po than o lasho", ai te mothona kodoleske kai si chorho, "Tu besh ande punrhende, vai besh tele pasha murhe punrhe."

³and ye may look upon him bearing the gay raiment, and may say to him, `Thou — sit thou here well,` and to the poor man may say, `Thou — stand thou there, or, Sit thou here under my footstool,` —

⁴Tume ande tumende sikaven kon si tumenge mai drago, ai dosharen ande tumaro gindo.

⁴ye did not judge fully in yourselves, and did become ill-reasoning judges.

⁵Ashunen, murhe kuchi phral! O Del alosardia le chorhen ande kodia lumia saxke te aven barvale ando pachamos, ai te avel le o rhaio kai O Del shinadia kodolenge kai si lenge drago O Del.

⁵Hearken, my brethren beloved, did not God choose the poor of this world, rich in faith, and heirs of the reign that He promised to those loving Him?

⁶Numa tumenge nai drago o manush o chorho!

⁶and ye did dishonour the poor one; do not the rich oppress you and themselves draw you to judgment-seats;

⁷Numa nai le barvale kai nekezhil tume ai kai angerel tume kai zhandari? Ai won si kai mothon nasulimos pa shukar anav kai O Del dia tume.

⁷do they not themselves speak evil of the good name that was called upon you?

⁸E mishto keren, te kerena o zakono le rhaiosko sar mothol E Vorba le Devleski, te avel tuke drago cho vortako "Sar san tu tuke drago."

⁸If, indeed, royal law ye complete, according to the Writing, `Thou shalt love thy neighbour as thyself,` — ye do well;

⁹Numa te avena tumenge drago uni manush mai but ke sar aver, antunchi bezex keren, ai o zakono dosharel tume, ke chi keren so mothol.

⁹and if ye accept persons, sin ye do work, being convicted by the law as transgressors;

¹⁰Ke kon godi kerel sa o zakono, numa te shubilape karing iek, antunchi doshalo lo karing sa o zakono.

¹⁰for whoever the whole law shall keep, and shall stumble in one [point], he hath become guilty of all;

¹¹Ke kodo kai phendia, "Na phir pa kolavreski rhomni (Na ker kurvia)," phendia vi "Na mudar." Akana te na phiresa pala kolavreski rhomni (te na ker kurvia), numa te mudaresa, antunchi doshalo san ke phaglian o zakono.

¹¹for He who is saying, `Thou mayest not commit adultery,` said also, `Thou mayest do no murder;` and if thou shalt not commit adultery, and shalt commit murder, thou hast become a transgressor of law;

¹²Den duma, ai keren sar manush kai trobun te aven dine pe kris katar o zakono kai skepil ame.

¹²so speak ye and so do, as about by a law of liberty to be judged,

¹³Ke O Del dela pe kris bi milako, kodoles kai nas leske mila andal kolaver; numa e mila niril pe kris.

¹³for the judgment without kindness [is] to him not having done kindness, and exult doth kindness over judgment.

¹⁴Murhe phral, so lel o manush kai mothol, "Si ma o pachamos ai te na sikavela ke kerel o lashimos? Sar sai kodo pachamos skepil les?"

¹⁴What [is] the profit, my brethren, if faith, any one may speak of having, and works he may not have? is that faith able to save him?

¹⁵Te si iek phral vai iek phei kai trobul le tsalia, ai nai le dosta xaben te xan,

¹⁵and if a brother or sister may be naked, and may be destitute of the daily food,

¹⁶so mol te mothona lenge, "Ashun Devlesa ai te avel tumenge mishto, zhan ai tachon, ai pravaren tume mishto, ai te na dena le so trobul le te traiin?

¹⁶and any one of you may say to them, `Depart ye in peace, be warmed, and be filled,` and may not give to them the things needful for the body, what [is] the profit?

¹⁷No sakadia si le pachamos, o pachamos korkorho bi le lashimasko, chi mol kanchi.

¹⁷so also the faith, if it may not have works, is dead by itself.

¹⁸Numa te mothola vari kon, "Tute si o pachamos, ai mande si o lashimos, me mothava leske, sikav mange sar sai avel tu o pachamos bi le lashimasko, ai porme me sikavava tuke murho pachamos le lashimasa kai kerav."

¹⁸But say may some one, Thou hast faith, and I have works, shew me thy faith out of thy works, and I will shew thee out of my works my faith:

¹⁹Tu pachas tu ke si ferdi iek Del. Mishto! Numa vi le beng pachanpe, ai izdran daratar.

¹⁹thou — thou dost believe that God is one; thou dost well, and the demons believe, and they shudder!

²⁰Tu manusha kai chi haliares kanchi! Manges te dikhes ke o pachamos bi le lashimasko, chi mol kanchi?

²⁰And dost thou wish to know, O vain man, that the faith apart from the works is dead?

²¹Nas o Abraham amaro dat sas jindo vorta angla Del pala so kerdia, kana dia peske shaves o Isaac te merel?

²¹Abraham our father — was not he declared righteous out of works, having brought up Isaac his son upon the altar?

²²Dikhes ke lesko pachamos ai lesko lashimos kerenas buchi andek than; ai lesko pachamos sas vorta pala lashimos kai kerelas.

²²dost thou see that the faith was working with his works, and out of the works the faith was perfected?

²³Ai kadia kerdiol so mothol E Vorba le Devleski, "O Abraham pachaiape ando Del, ai O Del jinelas les sar vorta pala pachamos kai sas les." ai O Del motholas leske "Murho vortako."

²³and fulfilled was the Writing that is saying, `And Abraham did believe God, and it was reckoned to him — to righteousness;` and, `Friend of God` he was called.

²⁴Tume dikhen, ke o manush si jindo vorta katar O Del pala lashimos kai kerel, ai na ferdi ke pachalpe.

²⁴Ye see, then, that out of works is man declared righteous, and not out of faith only;

²⁵Sakadia sas la Rahabaki e kurva. Sas jindi vorta katar O Del pala lashimos kai kerelas, woi kai premisardiasas le Devleske manushen le Zhidovon, ai zhutisardiasas le te zhantar pa aver drom.

²⁵and in like manner also Rahab the harlot — was she not out of works declared righteous, having received the messengers, and by another way having sent forth?

²⁶Ke sar o stato kai nashti traiil bi le traiosko, sakadia o pachamos bi le lashimasko mulo lo.

²⁶for as the body apart from the spirit is dead, so also the faith apart from the works is dead.