¹Pe kodia vriama o Herod o tetrarch, ashundias e viasta pa O Jesus.

¹At that time did Herod the tetrarch hear the fame of Jesus,

²Ai phenel peske slugenge, "Kado si o Iovano o baptisto, zhuvindisailo pai martia, anda kodia si les e putiera te kerel mirakluria."

²and said to his servants, `This is John the Baptist, he did rise from the dead, and because of this the mighty energies are working in him.`

³O Herod astardias le Iovanos, phanglia les lantsonsa ai thodia les ande temnitsa, palai Herodias, e rhomni leske phraleski o Philip.

³For Herod having laid hold on John, did bind him, and did put him in prison, because of Herodias his brother Philip`s wife,

⁴Ke o Iovano phenelas leske, "Nai tuke slobodo te les la!"

⁴for John was saying to him, `It is not lawful to thee to have her,`

⁵Wo mangelas te mudarel le Iovanos, numa daralas katar o narodo, ke sa o narodo jinenas les profeto.

⁵and, willing to kill him, he feared the multitude, because as a prophet they were holding him.

⁶Po dies kai arakhadilo, dine pachiv le Herodos, e shei la Herodiaki kheldias lenge, ai de sa zurales plachalias le Herodos.

⁶But the birthday of Herod being kept, the daughter of Herodias danced in the midst, and did please Herod,

⁷Anda kudia solaxadias, te del la so godi mangel.

⁷whereupon with an oath he professed to give her whatever she might ask.

⁸Pala laka dako sikaimos phendias, An mange pek charo o shero le Iovanosko o baptisto.'

⁸And she having been instigated by her mother — `Give me (says she) here upon a plate the head of John the Baptist;

⁹O amperato nekezhisailo, numa ke solaxadias angla o narodo phendias te den la so mangel.

⁹and the king was grieved, but because of the oaths and of those reclining with him, he commanded [it] to be given;

¹⁰Tradia te shinen o shero le Iovanosko ande temnitsa.

¹⁰and having sent, he beheaded John in the prison,

¹¹Andine lesko shero pek charo, dine les kai shei, ai woi angerdia les ka peski dei.

¹¹and his head was brought upon a plate, and was given to the damsel, and she brought [it] nigh to her mother.

¹²Leske disipluria avile, line lesko stato, groposarde les; ai gele ka Jesus ta phende leske so kerdiliape.

¹²And his disciples having come, took up the body, and buried it, and having come, they told Jesus,

¹³Kana O Jesus ashundias so kerdiliape, gelotar pek chuno korkorho kai nas khonik, o narodo andal foruria ashunde kodia, ai linepe pala leste telal.

¹³and Jesus having heard, withdrew thence in a boat to a desolate place by himself, and the multitudes having heard did follow him on land from the cities.

¹⁴Kana O Jesus avilo palpale, dikhlias baro narodo, pelias leske mila anda lende, ai sastiardias lenge naswalen.

¹⁴And Jesus having come forth, saw a great multitude, and was moved with compassion upon them, and did heal their infirm;

¹⁵Kana e riat perelas le disipluria avile leste ai phende," Vuzhe pozno ai nai khanchi katse. Trade le narodos te zhantar, te zhan andel foruria te chinen peske te xan."

¹⁵and evening having come, his disciples came to him, saying, `The place is desolate, and the hour hath now past, let away the multitudes that, having gone to the villages, they may buy to themselves food.`

¹⁶Numa O Jesus phendias lenge, 'Chi trobul te zhantar, den le tume te xan!"

¹⁶And Jesus said to them, `They have no need to go away — give ye them to eat.`

¹⁷Won phende leske, "Ferdi panzh manrhe ai dui mashe si ame."

¹⁷And they say to him, `We have not here except five loaves, and two fishes.`

¹⁸"Anen le mande," phendias O Jesus.

¹⁸And he said, `Bring ye them to me hither.`

¹⁹O Jesus phendias le narodoske te beshen tele pe char; lias le panzh manrhe ai le dui mashe, vazdia le iakha karing o rhaio, ai naisisardias ai phaglias le manrhe, dias le kal disipluria, ai le disipluria dine le ka narodo.

¹⁹And having commanded the multitudes to recline upon the grass, and having taken the five loaves and the two fishes, having looked up to the heaven, he did bless, and having broken, he gave the loaves to the disciples, and the disciples to the multitudes,

²⁰Savorhe xale ai chailile. Kana le disipluria chide le kotora kai ashshile desh u dui kozhnitsi pherde sas.

²⁰and they did all eat, and were filled, and they took up what was over of the broken pieces twelve hand-baskets full;

²¹Kodola kai xale sas panzh mi mursh, ai vi zhuvlia ai glate sas.

²¹and those eating were about five thousand men, apart from women and children.

²²Strazo O Jesus kerdias te anklen le disipluria ando pamphuri te zhan mai anglal lestar pe kaver rig le paieske, zhi pon wo tradias le narodos te zhantar.

²²And immediately Jesus constrained his disciples to go into the boat, and to go before him to the other side, till he might let away the multitudes;

²³Kana tradias le narodos te zhantar, gelo opre ande plai korkorho te rhujilpe. Kana peli e riat, kote sas korkorho.

²³and having let away the multitudes, he went up to the mountain by himself to pray, and evening having come, he was there alone,

²⁴O pamphuri sas mashkaral e maria, ai buntuime sas katar le talazuria ke e barval phurdelas zurales.

²⁴and the boat was now in the midst of the sea, distressed by the waves, for the wind was contrary.

²⁵Mashkar le trin ai le shov chasuria diminiatsako O Jesus avilo karing lende, phirelas po pai.

²⁵And in the fourth watch of the night Jesus went away to them, walking upon the sea,

²⁶Kana le disipluria dikhle les ke phirel po pai, daraile. Ai tsipinas, "Choxano si!"

²⁶and the disciples having seen him walking upon the sea, were troubled saying — `It is an apparition,` and from the fear they cried out;

²⁷Numa strazo O Jesus phendias lenge, "Aven veselo, ke me sim, Na daran!"

²⁷and immediately Jesus spake to them, saying, `Be of good courage, I am [he], be not afraid.`

²⁸O Petri dias mui, "Gazda, te san tu, akhar ma te avav tute po pai."

²⁸And Peter answering him said, `Sir, if it is thou, bid me come to thee upon the waters;`

²⁹"Aidi," phendias. Antunchi o Petri anklisto anda pamphuri ai phirdias po pai karing O Jesus.

²⁹and he said, `Come;` and having gone down from the boat, Peter walked upon the waters to come unto Jesus,

³⁰Numa kana thodias sama ke e barval phurdel zurales, darailo, antunchi tasolas ai tsipisardias, "Gazda, skepisar ma!"

³⁰but seeing the wind vehement, he was afraid, and having begun to sink, he cried out, saying, `Sir, save me.`

³¹Strazo O Jesus anzardias pesko vas, astardia les ai phendia leske, "Tu kai si tu xantsi pachamos! Sostar chi pachaian?"

³¹And immediately Jesus, having stretched forth the hand, laid hold of him, and saith to him, `Little faith! for what didst thou waver?`

³²Kana ankliste ando pamphuri, e barval aterdili.

³²and they having gone to the boat the wind lulled,

³³Ai kodola kai sas ando pamphuri luvudisarde ai preznaisarde les phenenas, "Chaches tu san O Shav le Devlesko!"

³³and those in the boat having come, did bow to him, saying, `Truly — God`s Son art thou.`

³⁴Kana aresle inchal ando them sas kai bushol Gennesaret.

³⁴And having passed over, they came to the land of Gennesaret,

³⁵Kana le manush kotsar prinzharde les, trade divano ande sa o them ai le manush andine sa penge naswalen leste.

³⁵and having recognized him, the men of that place sent forth to all that region round about, and they brought to him all who were ill,

³⁶Rhugisaile leste te mekel le naswalen, ferdi te azban e tivala leske raxamaki, ai kon godi azbadias leski raxami sastile.

³⁶and were calling on him that they might only touch the fringe of his garment, and as many as did touch were saved.