¹O Jesus anklisto avri andai tamplo ai zhalastar, kana leske disipluria avile leste te sikaven leske sa e tamplo ai so godi sas ek partia andai tamplo.

¹And having gone forth, Jesus departed from the temple, and his disciples came near to show him the buildings of the temple,

²Numa O Jesus phendias lenge, "O chachimos phenav tumenge, sa so dikhen avela pherado, chi ashela iek bax po kaver."

²and Jesus said to them, `Do ye not see all these? verily I say to you, There may not be left here a stone upon a stone, that shall not be thrown down.`

³Sar beshelas tele pe plai le masilinenge, le disipluria avile leste korkorho, mothonas, "Phen amenge, kana kerdiolape kodia? So avela o semno ke aves, ai ke getolpe e vriama?"

³And when he is sitting on the mount of the Olives, the disciples came near to him by himself, saying, `Tell us, when shall these be? and what [is] the sign of thy presence, and of the full end of the age?`

⁴O Jesus phenel lenge, "Len tume sama, te na atsavel tume khonik.

⁴And Jesus answering said to them, `Take heed that no one may lead you astray,

⁵Ke but avena ande murho anav, ai phenena, "Me sim o Kristo!" ai atsavena buten.

⁵for many shall come in my name, saying, I am the Christ, and they shall lead many astray,

⁶Ai ashunena ke marenpe ai vieste kai marenpe, na daran: Ke kodia musai te kerdiol, numa nai inker o gor.

⁶and ye shall begin to hear of wars, and reports of wars; see, be not troubled, for it behoveth all [these] to come to pass, but the end is not yet.

⁷Iek them marelape aver themesa; iek amperetsia marelape avria amperetsiasa. Ande but thana chi avela le dosta te xan, avela but naswalimos, ai ande but thana izdrala e phuv.

⁷`For nation shall rise against nation, and kingdom against kingdom, and there shall be famines, and pestilences, and earthquakes, in divers places;

⁸Kadala avela le sumnuria ta anda gor le chinosko ai o nekazo kai si te avel.

⁸and all these [are] the beginning of sorrows;

⁹"Antunchi avela e vriama kai dena tume manush ando vas te aven chinuime, te mudaren tume, ai swako them si te vurhitsil tume ke phiraven murho anav.

⁹then they shall deliver you up to tribulation, and shall kill you, and ye shall be hated by all the nations because of my name;

¹⁰Ande kodia vriama si te durion katar o pachamos, si te purhin iek avres, si te vurhitsin iek avres.

¹⁰and then shall many be stumbled, and they shall deliver up one another, and shall hate one another.

¹¹Avena but kai nai chache numa kerdion profeturia ai atsavena buten.

¹¹`And many false prophets shall arise, and shall lead many astray;

¹²O nasulimos si te butiol, anda kodia bute manushenge dragostia si te shudrol.

¹²and because of the abounding of the lawlessness, the love of the many shall become cold;

¹³Numa kodo kai rhivdila ai ankerela zhando gor, avela skepime.

¹³but he who did endure to the end, he shall be saved;

¹⁴"Ai kadia viasta e lashi pai amperetsia avela phendi ande sa e lumia te avel marturo sa le themenge, antunchi o gor avela."

¹⁴and this good news of the reign shall be proclaimed in all the world, for a testimony to all the nations; and then shall the end arrive.

¹⁵"Kana dikhena kodia kai si griatsa le Devleske ke si ando swunto than sar sas phendo katar o profeto Daniel. (Kodo kai jinel, mek te haliarel)

¹⁵`Whenever, therefore, ye may see the abomination of the desolation, that was spoken of through Daniel the prophet, standing in the holy place (whoever is reading let him observe)

¹⁶Antunchi kodola kai si ande Judea trobula te nashen andel plaia.

¹⁶then those in Judea — let them flee to the mounts;

¹⁷Kodo kai avela opral pa kher te na zhal te lel vari so anda pesko kher.

¹⁷he on the house-top — let him not come down to take up any thing out of his house;

¹⁸Kodo kai si ande niva te na zhal palpale te lel peske tsalia.

¹⁸and he in the field — let him not turn back to take his garments.

¹⁹Nasul la zhuvliake kai si phari glatasa, ai kodola kai si le glate pe chuchi ande kodola dies!"

¹⁹`And wo to those with child, and to those giving suck in those days;

²⁰Rhugin tume te na avela ivend kana trobula te nashen, vai Sabat;

²⁰and pray ye that your flight may not be in winter, nor on a sabbath;

²¹Ke antunchi si te avel ka savo chino ai nekazo, sar e lumia shoxar chi dikhlias, zhi akana ai shoxar chi mai dikhela.

²¹for there shall be then great tribulation, such as was not from the beginning of the world till now, no, nor may be.

²²Ai te na avino kodola dies skurtiarde; sa le manush kamas te xaiin. Numa pala e sama le manushenge kai si halome katar O Del, kodola diesa si te aven skurtiarde.

²²And if those days were not shortened, no flesh would have been saved; but because of the chosen, shall those days be shortened.

²³"Antunchi te avela vari kon te mothol tuke "O Kristo avilo!" "Katka lo" vai "Kote lo" Na Pacha.

²³`Then if any one may say to you, Lo, here [is] the Christ! or here! ye may not believe;

²⁴Ke si te vazdenpe xoxamne kristuria ai xoxamne profeturia; kai kerena kasave semnuria ai mirakluria, ta te sai kamas te atsaven vi kodolen kai si halome katar O Del.

²⁴for there shall arise false Christs, and false prophets, and they shall give great signs and wonders, so as to lead astray, if possible, also the chosen.

²⁵"Ashunen! Phendem tumenge mai anglal.

²⁵Lo, I did tell you beforehand.

²⁶Te mothona, "Dikhen, avilo. Ande pusta lo! Na zha ta rode; vai kote garado lo! Na paàa. "

²⁶`If therefore they may say to you, Lo, in the wilderness he is, ye may not go forth; lo, in the inner chambers, ye may not believe;

²⁷Ke sar o rhunjito kai strefial anda Easto zhi ando Westo kadia si te avel kana O Shav le manushesko avela.

²⁷for as the lightning doth come forth from the east, and doth appear unto the west, so shall be also the presence of the Son of Man;

²⁸Kai godi avela mulo stato kote chidenpe chiriklia kai xan mas."

²⁸for wherever the carcase may be, there shall the eagles be gathered together.

²⁹"Numa strazo pala o chino ai o nekazo kodole diesengo o kham si te avel tuniariko, o shunuto chi dela vediara, le chererhaia perena anda cheri, ai e putiera kai si ando cheri avena drenchinime.

²⁹`And immediately after the tribulation of those days, the sun shall be darkened, and the moon shall not give her light, and the stars shall fall from the heaven, and the powers of the heavens shall be shaken;

³⁰Antunchi dichola o semno ando cheri ke O Shav le Manushesko avel. Antunchi sa le vitsi pe phuv si te nekezhin, ai si te dikhen sar O Shav le Manushesko avel pel nuveria rhaioske ande putiera ai ando barimos.

³⁰and then shall appear the sign of the Son of Man in the heaven; and then shall all the tribes of the earth smite the breast, and they shall see the Son of Man coming upon the clouds of the heaven, with power and much glory;

³¹E tutaraza bashela zurales, ai tradela peske angelon ai si te chiden leske halome andal shtar barvalia, ai de anda iek gor la lumiako ai le cheresko zhando kaver gor.

³¹and he shall send his messengers with a great sound of a trumpet, and they shall gather together his chosen from the four winds, from the ends of the heavens unto the ends thereof.

³²Sichon katar e paramicha pai pruing le figenge. Kana si terne le krenzhitsi ai anklen patria. Zhanes ke o milai pashe.

³²`And from the fig-tree learn ye the simile: When already its branch may have become tender, and the leaves it may put forth, ye know that summer [is] nigh,

³³Sakadia, tume kana dikhena sa kadala dieli zhanen ke pashe lo, ka wudar lo.

³³so also ye, when ye may see all these, ye know that it is nigh — at the doors.

³⁴Chachimasa phenav tumenge, kadia vitsa chi nakhela, zhi pon chi kerdion kadala dieli.

³⁴Verily I say to you, this generation may not pass away till all these may come to pass.

³⁵O rhaio ai e lumia nakhena, numa murhi vorba shoxar chi nakhela.

³⁵The heaven and the earth shall pass away, but my words shall not pass away.

³⁶"Khonik chi zhanel kana avela kodo dies vai kodo chaso, chi le angeluria ando rhaio, chi O Shav; ferdi O Dat zhanel.

³⁶`And concerning that day and the hour no one hath known — not even the messengers of the heavens — except my Father only;

³⁷"Sar sas ando dies kana sas o Noah. Sakadia si te avel kana avela O Shav le Manushesko.

³⁷and as the days of Noah — so shall be also the presence of the Son of Man;

³⁸Sar kai sas ande kodola dies mai anglal sar te avel o pai te tasavel e lumia, le manush xanas, penas, lenas boria, denas sheia, zhi po dies kai o Noah gelo ando paraxodo (Ark).

³⁸for as they were, in the days before the flood, eating, and drinking, marrying, and giving in marriage, till the day Noah entered into the ark,

³⁹Ai chi zhangle zhi pon chi avilo o pai ai lias le sa. Sakadia avela kana avela O Shav le Manushesko.

³⁹and they did not know till the flood came and took all away; so shall be also the presence of the Son of Man.

⁴⁰"Antunchi dui zhene si te aven ande niva; iek si te avel lino, ai iek ashela.

⁴⁰Then two men shall be in the field, the one is received, and the one is left;

⁴¹Dui zhuvlia licharena jiv; iek avela lini, ai iek ashela.

⁴¹two women shall be grinding in the mill, one is received, and one is left.

⁴²Anda kodia arakh tu, ke chi zhanes o dies kai cho Gazda avela.

⁴²`Watch ye therefore, because ye have not known in what hour your Lord doth come;

⁴³Haliaren, te zhanglino o gazda le kheresko ka che chaso la rachako avel o chor, kamas te arkhelpe ai nas te mekel te den andre ande lesko kher.

⁴³and this know, that if the master of the house had known in what watch the thief doth come, he had watched, and not suffered his house to be broken through;

⁴⁴Anda kodia, vi tu, trobul te aves gata ke O Shav le Manushesko si te avel andek chaso kai tu chi gindis."

⁴⁴because of this also ye, become ye ready, because in what hour ye do not think, the Son of Man doth come.

⁴⁵Kon si o chacho ai gojaver sluga, kai o gazda thodias te lel sama ande lesko kher te pravarel le lengo xabe pe vriama kai trobul?

⁴⁵`Who, then, is the servant, faithful and wise, whom his lord did set over his household, to give them the nourishment in season?

⁴⁶Raduime kodia sluga, kai lesko gazda arakhela les ke kerel peski buchi kana avela palpale.

⁴⁶Happy that servant, whom his lord, having come, shall find doing so;

⁴⁷O chachimos phenach tuke, si te thol les baro pe so godi si les.

⁴⁷verily I say to you, that over all his substance he will set him.

⁴⁸Numa te avela nasul kodia sluga ai te phenel peske, "Chi avel palpale sigo murho gazda."

⁴⁸`And, if that evil servant may say in his heart, My Lord doth delay to come,

⁴⁹Antunchi marel le kavre slugen ai tholpe te xal ai te pel macharnensa.

⁴⁹and may begin to beat the fellow-servants, and to eat and to drink with the drunken,

⁵⁰O gazda kodola slugako si te avel andek dies kai wo chi azhukerel les, ai andek chaso kai wo chi zhanel.

⁵⁰the lord of that servant will arrive in a day when he doth not expect, and in an hour of which he doth not know,

⁵¹Si te shinel les kotora, ai thol les kodolensa kai ankerdion so nai. Kotse le manush si te roven ai te chiden dandendar."

⁵¹and will cut him off, and his portion with the hypocrites will appoint; there shall be the weeping and the gnashing of the teeth.